Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTamerlan Tadtayev (5 iyul 1966, Tsxinvali, Cənubi Osetiya Muxtar Vilayəti, Gürcüstan SSR, SSRİ) — Osetin əsilli rus yazıçısı, publisist. Cənubi Osetiyanın "Vətən müdafiəçisi" medalı ilə təltif edilmişdir.
| Tamerlan Tadtayev | |
|---|---|
| Doğum tarixi | 5 iyul 1966 (59 yaş) |
| Doğum yeri | |
| Fəaliyyəti | yazıçı, publisist |
5 iyul 1966-cı ildə Tsxinvali şəhərində fəhlə ailəsində anadan olmuşdur. Tsxinvalidə orta məktəbdə oxuyur. 1981-ci ildə ailəsi ilə Düşənbə şəhərinə köçür. 1983-cü ildə sənət məktəbinə daxil olur. 1986-cı ildə yenidən Tsxinvaliyə qayıdır.
SSRİ Silahlı Qüvvələri sıralarında xidmət etmişdir. 1989-1992, 2004, 2008-ci illər gürcü-osetin müharibələrinin iştirakçısı olur. Döyüşlərdə bir neçə dəfə yaralanır. Cənubi Osetiyanın "Vətən müdafiəçisi" medalı ilə təltif edilmişdir. Respublikanın gömrük xidmətinin təşkilində iştirak etmişdir.
"Dəryal", "Vaynax", "Neva", "Sever" jurnallarında, "Literaturnaya Rossiya", "Nezavisimaya qazeta" qəzetlərində və internet saytlarında nəşr edilmişdir. 2008-ci ildə Nalçikdə keçirilən Şimali Qafqazın Gənc Yazıçılar Forumunun, Lipki şəhərində keçirilən Rusiyanın Gənc Yazıçılar Forumunun iştirakçısı olur. Sosial-İqtisadi və İntelektual Proqramların Vəqfinin təqaüdçüsüdür. Elə həmin il Rusiyadan kənarda rus dilində yazan yazıçılara verilən "Rus Mükafatı" laureatı olur[1].
2015-ci ildə, 68-ci Kann Film Festivalında, Tadtayevin ssenarisi əsasında çəkilmiş "Suadon" adlı qısametrajlı film nümayiş olunur[2][3]. Bununla belə, film festivalda müəyyən edilmiş vaxt limitlərinə (15 dəqiqəyə qarşı 20 dəqiqə[4]) uyğun gəlmədiyi üçün mükafatlara layiq görülməmişdir.
Tadtayev əksər hekayələrində (“Dönük”, “Blondinka” və s.) Cənubi Osetiya xalqının müstəqillik uğrunda mübarizəsinin başlanğıcından yazır. Son əsərlərində ("Cib telefonundan şeirlər") Tadtayev "Beş günlük müharibə" hadisələrindən də bəhs edir. Hekayələri xalqı ilə keçirdiyi müharibələr haqqında xatirələri ilə məşhurlaşır. Yazmağa 40 yaşında başlayır. Bu fəaliyyət müharibələrdəki Cənubi Osetiya qəhrəmanlarının tanınması və unudulmamasına xidmət edir. Taras Şambanın dəstəyi ilə Tamerlan Tadtayevin bir neçə hekayə və şeir toplusu çıxmışdır:
"Oğul" (2009)[5];
"Dönük" (2009)[6];
"Qiyamət" (2010)[7];
"Polietilen şəhər" (2013)[8];
"Liaxva" (2015)[9].
- ↑ "Тамерлан Тадтаев — лауреат Международного литературного конкурса «Русская Премия»". 31 may 2016 tarixində arxivləşdirilib. İstifadə tarixi: 23 oktyabr 2021.
- ↑ "Тадтаев на красной дорожке". 29 iyun 2016 tarixində arxivləşdirilib. İstifadə tarixi: 23 oktyabr 2021.
- ↑ "Премьера фильма «Суадон» на 68-м Каннском кинофестивале". 8 may 2016 tarixində orijinalından arxivləşdirilib. İstifadə tarixi: 23 oktyabr 2021.
- ↑ "Sputnik Южная Осетия: в Каннах назвали «Суадон» серьезным фильмом". 3 iyun 2016 tarixində arxivləşdirilib. İstifadə tarixi: 23 oktyabr 2021.
- ↑ "Православная книга России: Война, свобода и литературная сказка". 7 may 2016 tarixində arxivləşdirilib. İstifadə tarixi: 23 oktyabr 2021.
- ↑ "Информационное агентство РЕС: В Цхинвале прошла презентация книги Тамерлана Тадтаева «Отступник»". 2 iyun 2016 tarixində arxivləşdirilib. İstifadə tarixi: 23 oktyabr 2021.
- ↑ "Республиканская газета «Северная Осетия»: «В войне я выбираю жизнь...»". 2 iyun 2016 tarixində arxivləşdirilib. İstifadə tarixi: 4 may 2016.
- ↑ "Информационное агентство РЕС: Вышла в свет новая книга югоосетинского писателя Тамерлана Тадтаева". 2 iyun 2016 tarixində arxivləşdirilib. İstifadə tarixi: 23 oktyabr 2021.
- ↑ "В Цхинвале издана книга Тамерлана Тадтаева «Лиахва»". 11 iyun 2016 tarixində arxivləşdirilib. İstifadə tarixi: 23 oktyabr 2021.