Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTacikistan–Türkiyə münasibətləri — Tacikistan və Türkiyə arasındakı ikitərəfli diplomatik münasibətlər 1992-ci ilin yanvarında qurulmuşdur. Ölkələr arasında 30-dan çox müqavilə imzalanmışdır[1].
| Tacikistan–Türkiyə münasibətləri | |||||
|---|---|---|---|---|---|
 | |||||
|
|||||
Tacikistanın Ankarada, Türkiyənin isə Düşənbədə səfirliyi var. Ölkələr Birləşmiş Millətlər Təşkilatı, Ümumdünya poçt ittifaqı, BMT-nin Təhsil, Elm və Mədəniyyət məsələləri üzrə Təşkilatı, Beynəlxalq Yenidənqurma və İnkişaf Bankı, BMT-nin Ərzaq və Kənd Təsərrüfatı Təşkilatı, Ümumdünya Səhiyyə Təşkilatı, Beynəlxalq Mülki Aviasiya Təşkilatı, Beynəlxalq Telekommunikasiya İttifaqı, Beynəlxalq Valyuta Fondu, Beynəlxalq Kənd Təsərrüfatının İnkişafı Fondu, Qaçqınlar üzrə Ali Komissarlıq və İslam Əməkdaşlıq Təşkilatının üzvüdür. Hər iki ölkə beynəlxalq təşkilatlar səviyyəsində bir-biri ilə əməkdaşlıq edir.
Türkiyə Tacikistanın müstəqilliyini 16 dekabr 1991-ci ildə tanımış və 29 yanvar 1992-ci ildə ilk diplomatik əlaqələr qurulmuşdur. Türkiyənin Düşənbədəki səfirliyi 4 avqust 1992-ci ildə, Tacikistanın Ankaradakı səfirliyi isə 16 oktyabr 1995-ci ildə açılır.
İki ölkə arasındakı münasibətlər, Türkiyənin Orta Asiyanın digər ölkələri ilə münasibətləri kimi inkişaf edir. Türkiyə səfirliyi vətəndaş müharibəsi dövründə ölkədə açılan yeganə diplomatik nümayəndəlik olur. Həm də bu dövrdə Türkiyənin Baş naziri Süleyman Dəmirəl Tacikistanı ziyarət etdi.
Tacikistan Prezidenti Emoməli Rəhmon 19-22 yanvar 2006-cı il tarixlərində Türkiyəyə rəsmi səfərə olur.
29 may 2009-cu ildə Türkiyə Prezidenti Abdullah Gül Tacikistanı ziyarət edir. Bu səfərdə Tacikistan Prezidenti ilə görüşür. Terrorizm, ekstremizm, silah və narkotik qaçaqmalçılığını pisləyən ortaq bir açıqlama verilir. Gül ayrıca, Əfqanıstanla uzun sərhəddi olan Tacikistanın bölgədə və dünyada sabitliyin qorunmasında mühüm rol oynadığını söyləyir[2][3].
2015-ci ilin mart ayında Qrup 24 Tacikistan hərəkatının qurucusu Umarali Kuvvatov İstanbulda öldürülür. Daha sonra bu hərəkatın daha iki üzvü Türkiyədə yaxalanır. Lakin məhkəmə qərarı ilə onlar ölkələrində işgəncə ediləcəkləri üçün ekstradisiya edilməmişlər[4].
- ↑ "Turkey's Political Relations With Tajikistan". Turkish Ministry of Foreign Affairs. 8 iyun 2011 tarixində arxivləşdirilib. İstifadə tarixi: 1 iyun 2009.
- ↑ "Gül to visit Kyrgyzstan, Tajikistan next week". Today’s Zaman. 22 may 2009.
- ↑ "Turkey, Tajikistan to step up anti-terror cooperation". Today’s Zaman. 30 may 2009.
- ↑ "Two Tajik Opposition Politicians Detained In Turkey, No Immediate Extradition". Radio Free Europe. 23 mart 2018. 25 mart 2020 tarixində arxivləşdirilib. İstifadə tarixi: 4 iyul 2021.