Təvəkkül Tofiq oğlu Bayramov (27 iyun 1981, Çaytumas, Qubadlı rayonu) — Azərbaycanı təmsil etmiş taekvondoçu. Dünya və Avropa çempionatlarının mükafatçısı.
| Təvəkkül Bayramov | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Şəxsi məlumatlar | |||||||||||||||||||||||
| Vətəndaşlığı | |||||||||||||||||||||||
| Doğum tarixi | 27 iyun 1981 (43 yaş) | ||||||||||||||||||||||
| Doğum yeri | |||||||||||||||||||||||
| İdman növü | taekvondo | ||||||||||||||||||||||
| Məşqçisi | Tərənnüm Bayramov (şəxsi)[1] | ||||||||||||||||||||||
|
Medallar
|
|||||||||||||||||||||||
Təvəkkül Bayramov 27 iyun 1981-ci ildə Qubadlı rayonunun Çaytumas kəndində anadan olub.[2]
2003-cü ildə dünya, 2004-cü ildə isə Avropa çempionatının bürünc medalını qazanıb. 2006-cı ildə Bonn şəhərində baş tutmuş Avropa çempionatında iki il əvvəlki nəticəsini təkrarlayıb.[3]
2007-ci ilin may ayında dünya çempionatının finalına yüksələn Bayramov, həlledici görüşdə Türkiyə təmsilçisi Bəhri Tanrıquluya məğlub olaraq yarışı gümüş medalla başa vurub. Eyni ilin sentyabr ayında Mançester şəhərində keçirilmiş taekvondo üzrə dünya Olimpiya təsnifat turnirində iştirak etsə də, 1/8 finalda İtaliya təmsilçisinə məğlub olaraq Pekin Yay Olimpiya Oyunlarına vəsiqəni əldən verib.[3]
2010-cu ildə Sankt-Peterburq şəhərində təşkil olunmuş Avropa çempionatında +87 kq çəki dərəcəsində yarışan taekvondoçu, bütün rəqiblərini üstələyərək, qitə birinciliyinin qalibi olub.[3]
2012-ci ilin yanvar ayında Kazan şəhərində baş tutmuş taekvondo üzrə Avropa Olimpiya təsnifat turnirində iştirak etsə də, 1/4 finalda Sloveniya təmsilçisinə məğlub olaraq London Yay Olimpiya Oyunlarına vəsiqə qazana bilməyib.[3]
- ↑ "Təvəkkül Bayramov". Olympic.az. 2023-09-24 tarixində arxivləşdirilib. İstifadə tarixi: 2024-09-05.
- ↑ "İdman". Qubadli-ih.gov.az. 2023-12-06 tarixində arxivləşdirilib. İstifadə tarixi: 2024-09-04.
- ↑ 1 2 3 4 "BAYRAMOV,Tavakkül". Taekwondodata.com. İstifadə tarixi: 2024-09-04.
