Syuzan Porter Benson (d. 26 iyul 1943 – ö. 20 iyun 2005) Amerikalı tarixçi və akademik idi, əmək tarixi, qadın araşdırmaları, eləcə də ictimai və mədəni tarix sahələrində ixtisaslaşmışdı. O, Bristol İcma Kollecində (1968–86), Missuri Universitetində (1986–93) və Konnektikut Universitetində (1993–2005) dərs demişdir.[2] Onun "Əks mədəniyyətlər" adlı kitabı əmək və qadın tarixi, həmçinin istehlak mədəniyyəti sahəsində mühüm əhəmiyyətə malikdir.[3] Stiven Barayer və Roy Rozentsveyq ilə birgə redaktoru olduğu "Keçmişi təqdim etmək: tarix və ictimaiyyət haqqında esselər" kitabı isə "Temple University Press"in "Keçmişə tənqidi baxışlar" seriyası adlı kitab seriyasına ilham vermişdir.[4]
| Syuzan Porter Benson | |
|---|---|
| Doğum tarixi | 26 iyul 1943[1] |
| Vəfat tarixi | 20 iyun 2005[1] (61 yaşında) |
| Fəaliyyəti | tarixçi, universitet müəllimi[d] |
| Mükafatları | Şablon:Wikidata/P166 |
Vaşinqton, Pensilvaniya ştatında anadan olan Benson, 1964-cü ildə Simmons Kollecində bakalavr, 1968-ci ildə Braun Universitetində magistratura, 1983-cü ildə isə Braun Universitetində doktorantura təhsilini tamamlamışdır. O, 1984-cü ildə Uorvik Universitetində, 1998-ci ildə isə Yale Universitetində qonaq professor kimi dərs demiş və 1993–1998-ci illərdə Konnektikut Universitetində qadın araşdırmaları departamentinin direktoru olmuşdur.[4][5]
Benson, "Əmək tarixi", "Amerika Ttarixi jurnalı", "Amerikan rüblüyü", "Gender və tarix" və "Radikal tarix icmalı" kimi akademik jurnalların redaksiya heyətlərində çalışmışdır. O, həmçinin Amerika tarixçiləri təşkilatı, Qadın tarixi üzrə Berkşir konfransı, Əmək və işçi sinfi tarixi assosiasiyası və Rod-Aylend Humanitar Komitəsinin komitələrində fəaliyyət göstərmişdir.[2]
Benson 61 yaşında, Konnektikut ştatının Mançester şəhərində xərçəng xəstəliyindən vəfat etmişdir.[2]
- Benson, Susan Porter. Household Accounts: Working-Class Family Economies in the Interwar United States (English). Ithaca, NY: Cornell University Press. 2007. ISBN 978-0-8014-5426-4. OCLC 1097085047.
- Benson, Susan Porter; Brier, Stephen; Rosenzweig, Roy. Presenting the Past: Essays on History and the Public (ingilis). Philadelphia: Temple University Press. 1986. ISBN 978-0-87722-406-8. OCLC 12810303.
- Benson, Susan Porter. Counter Cultures: Saleswomen, Managers, and Customers in American Department Stores, 1890-1940 (ingilis). Urbana: University of Illinois Press. 1986. ISBN 978-0-252-01252-5. OCLC 12557301.
- Finding aid to Susan Porter Benson Papers at the University of Connecticut
- ↑ 1 2 National Library of Israel Names and Subjects Authority File (ivr.).
- ↑ 1 2 3 Rosenzweig, Roy; Agnew, Jean-Christophe. "Susan Porter Benson (1943-2005) | Perspectives on History". American Historical Association. 2005-10-01. İstifadə tarixi: 2022-03-25.
- ↑ Levine, Susan. "The Culture of Consumption Reconsidered: Essays in Tribute to Susan Porter Benson". Journal of Women's History (ingilis). 19 (1). 2007: 10–16. doi:10.1353/jowh.2007.0020. ISSN 1527-2036.
- ↑ 1 2 "The Susan Porter Benson Papers". University of Connecticut Archives and Special Collections. 2011. İstifadə tarixi: 2022-03-25.
- ↑ Roediger, D. "In Memoriam: Susan Porter Benson". Labor: Studies in Working-Class History of the Americas (ingilis). 2 (4). 2005-12-01: 5–6. doi:10.1215/15476715-2-4-5. ISSN 1547-6715.