"Sure Thing" (tərc. "Arxayın ol") — ABŞ müğənnisi və mahnı müəllifi Migelə aid mahnı. Mahnının arxasında prodüser Heppi Peres durur və bu mahnı Migelin "All I Want Is You" (tərc. "Yeganə istəyim sənsən") (2010) adlı ilk albomu üçün yazılıb. İlk dəfə 2007-ci ildə "Myspace" üzərindən "YouTube"a yüklənib.[1] 2011-ci ilin yanvarında albomun ikinci sinqlı kimi radioya təqdim edilib. R&B janrında olan mahnıda neosoul elementləri güclü şəkildə özünü göstərir və müğənni Con B-nin üslubuna yaxınlığı ilə xüsusi diqqət çəkir.
| "Sure Thing" | ||||
|---|---|---|---|---|
| Migel tərəfindən All I Want Is You albomunda ifa olunmuş sinql | ||||
| Yayımlanma tarixi | 26 noyabr 2010 | |||
| Yazılma tarixi | 2007 | |||
| Janr | ||||
| Dil | ingilis dili | |||
| Müddət |
|
|||
| Prodüser | Heppi Peres | |||
| Sözlərin müəllifi |
|
|||
| Leybl | Jive Records[d] | |||
| Migel sinqllarının xronologiyası | ||||
|
||||
Mahnı ABŞ "Billboard Hot 100"də 36-cı pilləyə qədər irəliləyib. ABŞ R&B hit-paradında isə liderlik mövqeyinə çıxıb və əlli həftədən artıq orada mövcudluğunu qoruyub. "Sure Thing" Migelin "Billboard Hot R&B/Hip-Hop Songs" hit-paradındakı ilk birinciliyidir və "Adorn" üzə çıxana qədər, yəni 2012-ci ilə qədər onun ən güclü sinqlı olaraq qalıb. 2013-cü ilin iyuluna olan məlumata görə mahnı ABŞ-də 1 milyon 106 min nüsxə satıb.[2]
On il öncə çıxan mahnı "TikTok"da viral olduqdan sonra axın platformalarında yenidən sıçrayış yaşayıb. Dünya üzrə bir çox ölkənin musiqi hit-paradlarına geri döndən mahnı həmin ölkələrin bir qismində indiyədək əldə etmədiyi mövqelərə çatıb. Böyük Britaniyada dördüncü pilləyə yüksəlib və Migeli bu bazarda ilk dəfə ilk ona salıb.[3] 2023-cü ilin fevralında ABŞ radiosuna yenidən buraxılan "Sure Thing" mahnısı "Billboard Hot 100"ə də qayıdıb və on birinci yerdə qərar tutub. Migel isə bu uğurla "Pop Airplay" hit-paradında ilk dəfə zirvəyə çıxıb.
Lirik baxımdan Migel sevgisini füsunkar bənzətmələrlə dilə gətirir. Sevgilisini taxtaya özünü isə təbaşirə bənzədir, yaxud özünü nota, sevgilisini isə melodiyaya oxşadır. Mahnının not yazısına görə əsər fa diyez minor (F♯m) tonallığında bəstələnib.[4]
Musiqi videosunun rejissoru Hayb Vilyams olub, çəkilişlər Havay adalarının Honolulu şəhərində aparılıb və video 2011-ci il yanvarın 5-də izləyicilərə təqdim edilib.
Rəsmi remiksin qonağı reper Puşa Tidir.
Lil Veyn isə 2011-ci il iyulun 13-də çıxan "Sorry 4 the Wait" miksteypində mahnının öz remiksinə yer ayırıb.[5]
- ↑ "- YouTube". 25 noyabr 2007 – YouTube vasitəsilə.
- ↑ Paul Grein. "Week Ending July 28, 2013. Songs: Radio Hesitates On One Direction". Chart Watch. Yahoo!. 31 iyul 2013.
- ↑ "Miguel | full Official Chart History". Official Charts Company.
- ↑ "Sure Thing". Musicnotes. 3 fevral 2023.
- ↑ Wayne, Lil. "WeezyThanxYou". Sorry 4 the Wait. Young Money. İstifadə tarixi: 13 iyul 2011.
- Sure Thing — YouTube platformasında