Srvena Zvezda FK

Srvena Zvezda Futbol Klubu (serb-kiril. Фудбалски клуб Црвена звезда) — adı Qırmızı (və ya Qızıl) ulduz kimi də tərcümə edilən, Serbiyanın Belqrad şəhərində yerləşən, tərkibində bir çox idman növünü birləşdirən Qırmızı Ulduz İdman Dərnəyinin kişilərdən ibarət professional futbol komandasıdır.

Srvena Zvezda FK
(serb-kiril. Фудбалски клуб Црвена звезда)
Klubun tam adı	Srvena Zvezda Futbol Klubu
Ölkə	Serbiya
Ləqəb(lər)	Звезда - Ulduz, Црвено-бели - Qırmızı ağlar
Kodu	CZV, ZVE
Yaranma tarixi	4 mart 1945, 75 il əvvəl
Stadionu	Rayko Mitiç Stadionu, Dedinye, Belqrad
Tutumu	53.000
Koordinatlar	44°47′00″ şm. e. 20°27′54″ ş. u.HGYO
Prezidenti	Svetozar Miyailoviç
Menecer	Zvezdan Terziç
Baş məşqçisi	Deyan Stankoviç
Liqa	Serbiya Superliqası
2023/24	Çempion
Ev forması Səfər forması Üçüncü forma
Rəsmi saytı
Vikianbarda əlaqəli mediafayllar

1991-ci ildə Avropa kubokunu, həmçinin 1991-ci ildə Qitələrarası Kuboku qazanan yeganə Serbiya və Yuqoslaviya klubudur. 31 dəfə milli çempionatın, 24 dəfə ölkə kubokunun, 2 dəfə Superkubok, 1 dəfə Serbiya və Yuqoslaviya təmsilçiləri arasında liqa kubokunu qazanan komanda Yuqoslaviyanın ən müvəffəqiyyətli klubu idi və Yuqoslav Birinci Liqasının bütün zamanlar üzrə cədvəlində birinci olmuş, müasir dövrdə isə Serbiyanın ən müvəffəqiyyətli klubdur. 1991–92 mövsümündən etibarən Srvena Zvezdanın ən yaxşı nəticələri UEFA Çempionlar Liqasının qrup mərhələsi və UEFA Avropa Liqasının pley-off mərhələsindədir.

2008-ci ildəki sorğulara görə, Belqrad təmsilçisi Srvena Zvezda Serbiyada ən populyar futbol klubudur, əhalinin 48,2% -i onları dəstəkləyir. Digər keçmiş Yuqoslaviya respublikalarında və Serbiya diasporasında çoxlu sayda tərəfdarları var. Əzəli rəqibi Belqradın digər təmsilçisi Partizan klubudur. Bu iki rəqib klub arasındakı çempionat oyunları Əbədi derbi (və ya Cənub-Şərqi Avropa derbisi) kimi tanınır.

Beynəlxalq Futbol Tarixi və ı Federasiyasının XX əsrin ən yaxşı 200 Avropa klubunun siyahısında görə Srvena Zvezda Hollandiyanın Feyenoord klubu ilə siyahıda 27-ci yeri bölüşən ən yüksək reytinqli Serb və keçmiş Yuqoslaviya klubudur.