Sofiya Antoniadis (yun. Σοφία Αντωνιάδη, 31 iyul 1895[1][2][…], Pirey – 25 yanvar 1972[1][2][…], Afina[3][4]) — Yunan Bizans alimi. O, Leyden Universitetinin ilk qadın professoru, Hollandiyada ilk qadın humanitar elmlər professoru və karyerası ərzində Avropa universitetində vəzifə tutan azsaylı yunan qadınlarından biri olub.
| Sofiya Antoniadis | |
|---|---|
| yun. Σοφία Αντωνιάδη | |
 | |
| Doğum tarixi | 31 iyul 1895[1][2][…] |
| Doğum yeri | |
| Vəfat tarixi | 25 yanvar 1972[1][2][…] (76 yaşında) |
| Vəfat yeri | |
| İş yerləri |
|
| Təhsili | |
| Mükafatları |
  |
 Vikianbarda əlaqəli mediafayllar | |
Antoniadis 31 iyul 1895-ci ildə Pireydə anadan olmuşdur.[6] Onun ailəsi əslən Kritdən idi, Bizanslı Melissinosin ailəsindən idi. Onun atası Andreas Antoniadis Pireydə vəkil idi; anası Efrosini Leli isə Afinadan olan tanınmış ailədən idi. O, Yekaterina Diamantopolunun Yunan-Fransız Məktəbində dərslərə qatılaraq təhsil almışdır. Birinci Dünya müharibəsinin başlaması onun təhsilini yarımçıq qoydu, lakin o, Sarbonnada yunan və fransız ədəbiyyatını öyrənmək üçün Parisə getmişdir.[7] O, 1920-ci ildə Klassika sahəsində dərəcə əldə etmişdir.[8]
Antoniadis 1922-ci ildə Yunanıstana qayıtmış və ilk əsəri "İbrahimin qurbanı" əsərini nəşr etdirmişdi. 1924–1926-cı illərdə Teatr Peşə Məktəbində Müasir Yunan Ədəbiyyatından mühazirələr oxumuşdu.[7]
1929-cu ildə o, Dirk Kristian Hesselinqdən sonra Leyden Universitetində Erkən Xristian, Bizans və Müasir Yunan Dili və Ədəbiyyatı kafedrasının müdiri vəzifəsinə təyin edilmişdir.[9] Noyabrın 13-də o, izdihamlı zalda qəbul çıxışı etmişdir; Rotterdamdakı yunan konsulu, həmçinin Hollandiya taxtının varisi şahzadə Juliana da Antoniadisin dərslərində iştirak etmişdir.[8]
Hubert Pernotun rəhbərliyi altında o, 1930-cu ildə Paris-Sorbonna Universitetində "Luka İncili. Qrammatika və üslubu — Luka İncilinin öyrənilməsi" mövzusunda tezisini, həmçinin Müqəddəs Kitabın tərcüməçisi kimi Paskal haqqında dissertasiyasını nəşr etdirmişdir.[8]
1935-ci ildə o, hollandiyalı Bizans alimi N. K. Hesselinqi əvəz edərək Leyden Universitetində erkən xristian, orta əsrlər və müasir yunan dili professoru vəzifəsinə seçilmişdir. 1951-ci ildə o, eyni kafedranın tam professoru və Leyden Universitetinin ilk qadın professor olmuşdur.[6]
İkinci Dünya müharibəsi zamanı Antoniadis Yunanıstana qayıtmışdır.[7] Müharibə vaxtı o, müqavimət hərəkatının üzvü olmuş və Sintaqmadakı Ksenofontos küçəsindəki evi onların görüş yerlərindən birinə çevrilmişdi.[8][10]
1946-cı ildə o, Beynəlxalq Təhsil İnstitutunun Xəbərlər Bülletenində dərs deməyə hazır olduğunu bildirmişdir.[11]
1948-ci ildə Amsterdam Universitetində Müasir Yunan Dili və Ədəbiyyatı kafedrasında işləməyə başlamışdır. 1955-ci ildə Venesiyada Yunan Bizans və Post-Bizans Araşdırmaları İnstitutunun direktoru olmuşdur.[12] Venesiyada işlədiyi müddətdə o Flanqinian Məktəbi və San Corco dey Qreçi kimi binaların təmirinə töhfə vermişdir. O, Venesiyada təqaüd yaşına qədər işləmiş və 1966-cı ildə Afinaya qayıtmışdır. Antoniadis 25 yanvar 1972-ci ildə Afinada vəfat etmişdir.[13]
- ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 3 4 5 6 Leidse Hoogleraren (nid.).
- ↑ 1 2 3 Album Academicum. 2007.
- ↑ 1 2 Leidse Hoogleraren (nid.).
- ↑ Agence bibliographique de l'enseignement supérieur (France) Système universitaire de documentation (fr.). Montpellier: ABES, 2001.
- ↑ 1 2 "Leidse hoogleraren - Antoniadis, Sophia". hoogleraren.universiteitleiden.nl. İstifadə tarixi: 2024-02-20.
- ↑ 1 2 3 Manousakas, Manousos. "The facts and issues: Sofia A. Antoniadis". Nea Estia. 91. 15 February 1972: 269–271.
- ↑ 1 2 3 4 Milesis, Stefanos. "Pireorama ιστορίας και πολιτισμού: Σοφία Αντωνιάδη (1895-1972). Η πρώτη γυναίκα Καθηγήτρια του Πανεπιστημίου Λέιντεν Ολλανδίας". Pireorama ιστορίας και πολιτισμού. İstifadə tarixi: 2020-08-10.
- ↑ Wie is dat?. 1948. 9.
- ↑ "ΣΟΦΙΑ ΑΝΤΩΝΙΑΔΗ (1895 - 1972)".
- ↑ N.Y.), Institute of International Education (New York. News Bulletin of the Institute of International Education (ingilis). Institute of International Education. 1946.
- ↑ "Album Academicum". albumacademicum.uva.nl. İstifadə tarixi: 2020-08-10.
- ↑ "Sofía Antōniádou (1895-1972)". data.bnf.fr. İstifadə tarixi: 2020-08-10.