Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin"Sivilitas" fondu[1] (erm. Սիվիլիթաս հիմնադրամ, ing. The Civilitas Foundation) — mərkəzi İrəvan şəhərində yerləşən[2] Ermənistan qeyri-kommersiya təşkilatı. 2008-ci ilin oktyabrında Ermənistanın keçmiş xarici işlər naziri Vartan Oskanyan tərəfindən təsis edilmişdir.[3][4][5] Hal-hazırda Apo Bogigiyanın rəhbərliyində olan təşkilat bir inkişaf agentliyi və düşüncə mərkəzidir.[4] "Sivilitas" fondunun məqsədi vətəndaş cəmiyyətini gücləndirmək, Ermənistanda demokratiyanı, iqtisadi inkişafı və təhsili təşviq etmək, eləcə də bir sıra aktual siyasi məsələlərdə Ermənistanla beynəlxalq ictimaiyyət arasında dialoqun keyfiyyətini artırmaqdır. "Sivilitas" fondunun fəaliyyəti nəticəsində Ermənistanla erməni diasporu arasındakı əlaqələr güclənmişdir.
| Sivilitas fondu | |
|---|---|
| erm. Սիվիլիթաս հիմնադրամ ing. The Civilitas Foundation | |
 | |
| Növü | qeyri-kommersiya |
| Fəaliyyəti | fond |
| Yaranma tarixi | oktyabr 2008 |
| Rəsmi dili | erməni, ingilis |
| Mərkəzi | Şimal prospekti 1, svita 30, İrəvan, Ermənistan |
| Fəaliyyət göstərdiyi yer | Ermənistan |
| Qurucusu | |
| civilitasfoundation.org | |
Təşkilatın adı yunan dilindəki "Sivilitas" sözündən yaranmışdır.[6][7]
"Sivilitas" fondunun onlayn media orqanı olan "CivilNet" 21 sentyabr 2011-ci il tarixində Oskanyan tərəfindən başladılmışdır.[4][5] Fond "CivilNet" vasitəsi ilə erməni və ingilis dillərində müsahibələr, məqalələr və həftəlik icmal videoları kimi məzmun hazırlayır. Media orqanının məzmunu təməl insan haqları, Ermənistan demokratiyası, regional sülh və diaspora,[3][8] eləcə də Türkiyədə Ermənistan–Türkiyə münasibətləri ilə birbaşa və ya dolayı yolla əlaqəli olan siyasi, iqtisadi, sosial və mədəni hadisələrə yönəlmişdir.[9]
"CivilNet" 1918-ci il Batum, 1920-ci il Aleksandropol, 1921-ci il Moskva və Qars müqavilələri haqqında üç film çəkmişdir.[9]
"Sivilitas" Generasiya Mərkəzi Ermənistanın coğrafi, iqtisadi və təcrübə məhdudiyyətlərinə yeni yanaşma və həll yollarını dəstəkləmək üçün hazırlanmışdır. Generasiya Mərkəzi öz vəzifəsinə uyğun olaraq, artıq fəaliyyətini dayandırmış Civil.am internet portalında[10] iştirak edən QHT-lərin köməyi ilə yenilənən Ermənistandakı mövcud QHT-lərin məlumat bazasını hazırlamışdır. Verilənlər bazası insanlara layihələri təqdim etmək, QHT-lərə alternativ dəstək mənbələrini müəyyənləşdirməyə kömək etmək və yeni təşəbbüsləri mövcud təcrübə ilə əlaqələndirməyə xidmət etmişdir.[11]
- ↑ "Ermənistanda Kazan görüşündən narahatlıq artır-VİDEO". BBC News Azərbaycanca (az.). 19 iyun 2011. 10 iyul 2021 tarixində arxivləşdirilib. İstifadə tarixi: 5 iyul 2021.
- ↑ "Contacts". Civilitas Foundation (ingilis). 7 noyabr 2015 tarixində arxivləşdirilib. İstifadə tarixi: 25 mart 2021.
- ↑ 1 2 "About Us". CivilNet (ingilis). 4 mart 2021 tarixində arxivləşdirilib. İstifadə tarixi: 25 mart 2021.
- ↑ 1 2 3 "Boghigian Named Director of Civilitas/CivilNet". Asbarez. 5 avqust 2019. 7 avqust 2019 tarixində arxivləşdirilib. İstifadə tarixi: 7 avqust 2019.
- ↑ 1 2 "THE POLITICAL CONTEXT". Civilitas Foundation (ingilis). 2 iyul 2012. 25 mart 2021 tarixində arxivləşdirilib. İstifadə tarixi: 25 mart 2021.
- ↑ "WHO WE ARE". Civilitas Foundation (ingilis). 7 noyabr 2015 tarixində arxivləşdirilib. İstifadə tarixi: 26 mart 2021.
- ↑ "Mission". Civilitas Foundation (ingilis). 11 yanvar 2009. 26 mart 2021 tarixində arxivləşdirilib. İstifadə tarixi: 26 mart 2021.
- ↑ "Increasing the role of the citizen by raising legal awareness". Civilitas Foundation (ingilis). 27 avqust 2017 tarixində arxivləşdirilib. İstifadə tarixi: 25 mart 2021.
- ↑ 1 2 "The Civilitas Foundation". Armenia-Turkey Normalisation Process. 24 sentyabr 2020 tarixində arxivləşdirilib. İstifadə tarixi: 25 mart 2021.
- ↑ "Home". Civil.am. 6 mart 2015 tarixində orijinalından arxivləşdirilib.
- ↑ Hakobyan, Tatul. "Civilitas Foundation opens in Yerevan". The Armenian Reporter. Yerevan. 4 oktyabr 2008. 6 iyul 2011 tarixində orijinalından arxivləşdirilib. İstifadə tarixi: 26 fevral 2010.
- civilitasfoundation.org — rəsmi saytı
- CivilNet