Sitar — hind klassik musiqisini ifa etmək üçün istifadə olunan çoxsimli musiqi aləti. Simli-mizrablı çalğı alətləri qrupuna daxildir. Lyutnyaya bənzəyir. Hindistan yarımadası onun vətəni hesab olunur. Alət XVIII əsrdə icad edilmiş və indiki formasına XIX əsrdə Hindistanda çatmışdır. XVIII əsr Böyük Moğol imperiyası dövründə yaşayan Xosrov Xan müasir elm tərəfindən sitarın ixtiraçısı kimi müəyyən edilmişdir. Əksər tarixçilərə görə, o, sitarı Abbasilər xilafəti və ya Səfəvilər imperiyası mənşəli İran aləti olan setarı əsas götürərək yaratmışdır.[1][2][3][4]
| Sitar | |
|---|---|
 | |
| Hornbostel–Zaks təsnifatı | 321.321-6 |
| Əlaqəli alətlər | setar |
| Mənşə ölkəsi | |
 Vikianbarda əlaqəli mediafayllar | |
Sitarın əsas 7 simi var (5 melodik və 2 burdon). Bundan əlavə , sitarda hələ 9-13 rezonans edən simlər də var ki , onların ümumi adı "tərəf" , yəni orkestrdir.Həmin simlər əsas simlərin səsinə rezonansla cavab verməklə sitarı digər alətlərdən fərqləndirən həmin unikal səslənməni yaradır. Simlərdən səsləri ifaçının adsız barmağına taxılan mizrabla çıxarırlar. Sitarın iki balqabaq çanaqlı rezonatoru var : içi boş gövdəli qrifin aşağısı və yuxarısında.Alətin dekası palisandr və fil sümüyü ilə bəzədilir.Metal pərdələr qövsvaridir.[5]
- ↑ Vedabala, Samidha. Sitar Music: The Dynamics of Structure and its playing Techniques (ingilis). Wizard Publisher. 14 iyun 2021. ISBN 978-93-91013-13-4.
- ↑ Miner, Allyn. Sitar and Sarod in the 18th and 19th Centuries (ingilis). Motilal Banarsidass Publ. aprel 2004. ISBN 978-81-208-1493-6.
- ↑ Lavezzoli, Peter. The Dawn of Indian Music in the West (ingilis). A&C Black. 24 aprel 2006. ISBN 978-0-8264-1815-9.
- ↑ The Sitar: Origin, Culture, and More: Featuring Dr. Usman Chohan. The Intelligentsia. Interviews: Episode 4. 11 April 2023.
- ↑ "Arxivlənmiş surət". 3 mart 2016 tarixində orijinalından arxivləşdirilib. İstifadə tarixi: 9 iyul 2016.
- Ситар // Большая российская энциклопедия. Том 30. М. 2015. 305.
- Сайт Рави Шанкара
- Описание и история ситара