Sidni Bernis Svini (12 sentyabr 1997) — ABŞ aktrisası. Onun istedadı 2018-ci ildə "Everything Sucks!", "The Handmaid's Tale" serialları və "Sharp Objects" mini-serialındakı rolları ilə üzə çıxıb. Növbəti il rejissor Kventin Tarantinonun "Bir dəfə Hollivudda" filmində rol alması aktrisa kimi tanınmasında mühüm rol oynayıb.
| Sidni Svini | |
|---|---|
| ing. Sydney Sweeney | |
.jpg) | |
| Doğum tarixi | 12 sentyabr 1997 (27 yaş) |
| Partnyorları |
|
| Fəaliyyəti | televiziya aktrisası, kino aktrisası, aktrisa |
| Fəaliyyət illəri | 2009-cu ildən |
| Boyu | 1,61 m |
| IMDb | ID2858875 |
 |
|
 Vikianbarda əlaqəli mediafayllar | |
Sidni əsas şöhrətini HBO kanalının "Eyforiya" (2019-cu ildən) serialı və "Ağ lotos" antologiyasının birinci mövsümündəki (2021) ifası sayəsində qazanıb. Bu layihələrdəki uğurlu çıxışları ona iki "Emmi" mükafatına namizədlik gətirib.[1][2] Aktrisanın yaradıcılıq bioqrafiyasında 2023-cü il xüsusilə məhsuldar olub - "Reality" dramında Rialiti Vinner obrazını canlandırıb, romantik komediya janrında çəkilmiş "Anyone but You" filmində baş rola çəkilib. 2024-cü ildə fərqli ampluada - "Madame Web" superqəhrəman filmində rol alıb, eləcə də "Immaculate" qorxu filminin həm prodüseri, həm də baş rol ifaçısı olub.
Sidni Bernis Svini 1997-ci il sentyabrın 12-də Vaşinqton ştatının Spokan şəhərində keçmiş cinayət işləri üzrə vəkil Liza Madd ilə otelçilik işində çalışan Stiven Svininin ailəsində doğulub.[3][4][5] Bir qardaşı olan aktrisanın uşaqlıq illəri Aydaho ştatının şimal bölgəsində, Vaşinqton sərhədində yerləşən beş nəslin yaşadığı göl kənarındakı evin əhatəsində keçib.[6][7] Özünün söylədiyinə görə, dindar bir ailədə böyüyüb.[8]
Sidni orta təhsilini Spokandakı Müqəddəs Corc məktəbində alıb.[9] İdmanın müxtəlif növləri ilə məşğul olan aktrisa futbol, beysbol komandasının üzvü olub, qış mövsümündə xizəklə sürüşmə yarışlarında iştirak edib, veykbordinqlə məşğul olub. Uşaqlıq illərində veykbordinq məşqləri zamanı baş verən qəza nəticəsində lövhənin kənarı gözünün yanını kəsib, bunun izi indiyədək qalmaqdadır.
Sidni Svini Spokan bölgəsində çəkilən müstəqil filmdə rol alıb. Aktrisalıq sənətinə yiyələnmək üçün valideynlərini razı salmaq məqsədilə onlara beş illik iş planı təqdim edib. Sakit okean sahillərində - Sietl və Portlend şəhərlərində müxtəlif reklam çəkilişlərinə qatılmağa başlayan gənc aktrisanın ailəsi on üç yaşında Los-Ancelesə köçməyi məqsədəuyğun bilib.[10]
Sidni orta məktəb illərində robotexnika komandasının üzvü olub, riyaziyyat dərnəyində fəal iştirak edib.[11] Kaliforniyanın Börbenk şəhərindəki Brayton Holl məktəbini əla qiymətlərlə bitirib, məzuniyyət mərasimində valediktorian kimi çıxış edib.[12] 2016-cı ildə "Universal Studios Hollywood" şirkətində qısa müddətli işləyib, lakin aktrisalıq təklifi aldıqdan sonra oradan ayrılıb. Los-Anceles Universitetində təhsil alsa da, təhsilini yarımçıq qoyub.[13]
Sidni Svini 2018-ci ildə biznesmen Jonathan Davino ilə münasibət qurmağa başlayıb, 2022-ci ildə onlar nişanlanıblar.[14][15][16] İkisi birgə film istehsalı ilə məşğul olub, o cümlədən "Anyone but You" filmini ərsəyə gətiriblər. Sidni həmin dövrdə partnyorunu özünün "istehsalçı tərəfdaşı" adlandırıb. Lakin 2025-ci ildə cütlük ayrılıb, may ayında keçirilməsi nəzərdə tutulan toy mərasimi isə ləğv edilib.[17][18]
Sidni Svini avtomobil həvəskarıdır. 1969-cu il istehsalı olan Ford Bronco və 1965-ci il buraxılışlı Ford Mustang avtomobillərini bərpa edib. Ford şirkəti ilə əməkdaşlıq çərçivəsində 2024-cü il Mustang modelinin xüsusi dizaynını hazırlayıb.[19]
- ↑ Emmy Awards. "Outstanding Supporting Actress In A Drama Series – 2022". Television Academy. July 12, 2022. July 12, 2022 tarixində arxivləşdirilib. İstifadə tarixi: July 12, 2022.
- ↑ Emmy Awards. "Outstanding Supporting Actress In A Limited Or Anthology Series Or Movie – 2022". Television Academy. July 12, 2022. September 22, 2022 tarixində arxivləşdirilib. İstifadə tarixi: July 12, 2022.
- ↑ Sweeney, Sydney. Machine Gun Kelly and Sydney Sweeney Take The Co-Star Test. BuzzFeed Celeb. February 5, 2021. Event occurs at 4:46. İstifadə tarixi: January 7, 2025 – YouTube vasitəsilə.
- ↑ Hebert, Olivia. "Sydney Sweeney shares photos from '80s prom-themed birthday bash". The Independent. September 18, 2023. September 24, 2023 tarixində arxivləşdirilib. İstifadə tarixi: March 2, 2024.
- ↑ D'Addario, Daniel. "Sydney Sweeney Takes Control: The 'Euphoria' Star on 'Feeling Beat Up' by Online Rumors and Proving People Wrong in Her Producer Era". Variety. August 9, 2023. August 9, 2023 tarixində arxivləşdirilib. İstifadə tarixi: August 9, 2023.
- ↑ Burgum, Becky. "Sydney Sweeney On Defying Expectations, Ambition And Launching Her Own Production Company". Elle. February 8, 2022. February 9, 2022 tarixində arxivləşdirilib.
- ↑ "Sydney Sweeney's road to stardom 'was not happy'". Bristol Herald Courier. January 24, 2022. February 21, 2022 tarixində arxivləşdirilib.
- ↑ Tinnin, Drew. "Interview: Sydney Sweeney on ALONG CAME THE DEVIL and UNDER THE SILVER LAKE". Dread Central. August 14, 2018. July 29, 2022 tarixində arxivləşdirilib. İstifadə tarixi: July 29, 2022.
- ↑ Epperly, Emma. "Actress Sydney Sweeney returns home to Spokane for fan visit at middle school". The Spokesman-Review. Spokane, Washington. February 3, 2020. June 27, 2020 tarixində arxivləşdirilib. İstifadə tarixi: September 9, 2020.
- ↑ Sweeney, Sydney. "Sydney Sweeney Talks About The HBO Series, "Euphoria"" (Müsahibə). AOL Build Series. June 24, 2019. Event occurs at 2:30. Archived from the original on January 21, 2022. İstifadə tarixi: January 21, 2022 – YouTube vasitəsilə.
- ↑ "Sydney Sweeney Endures a Nightmare While Eating Spicy Wings Hot Ones". January 25, 2024. February 26, 2024 tarixində arxivləşdirilib. İstifadə tarixi: January 28, 2024 – YouTube vasitəsilə.
- ↑ Rankin, Seija. "Sydney Sweeney on Fame, Hollywood Fakery and the Pressure of Paying the Bills". Hollywood Reporter. July 27, 2022. July 27, 2022 tarixində arxivləşdirilib. İstifadə tarixi: July 27, 2022.
- ↑ Gardner, Chris. "Mystery Solved: Sydney Sweeney Was Telling the Truth About Being Employed at Universal Studios". The Hollywood Reporter. February 7, 2024. February 15, 2024 tarixində arxivləşdirilib. İstifadə tarixi: February 7, 2024.
- ↑ "Who Is Sydney Sweeney's Fiancé? All About Jonathan Davino". The Fashion Enthusiast. January 1, 2023. January 2, 2024 tarixində arxivləşdirilib. İstifadə tarixi: January 2, 2024.
- ↑ "Sydney Sweeney is the moment". Glamour UK. December 19, 2023. December 20, 2023 tarixində arxivləşdirilib. İstifadə tarixi: December 20, 2023.
- ↑ "Who Is Sydney Sweeney's Fiancé? All About Jonathan Davino". Peoplemag. April 15, 2024 tarixində arxivləşdirilib. İstifadə tarixi: 2024-04-17.
- ↑ "Sydney Sweeney 'calls off wedding' after 'major issues' with fiancé". The Independent (ingilis). 2025-03-28. İstifadə tarixi: 2025-03-29.
- ↑ "Sydney Sweeney and fiancé Jonathan Davino break up after nearly 7 years: Why she called off wedding". Page Six. İstifadə tarixi: April 2, 2025.
- ↑ Ottley, Stephen. "Meet the Hollywood star who loves cars". torquecafe.com. 2024-01-31. İstifadə tarixi: 2024-10-29.