Sevda Həsən qızı Abdullayeva (16 avqust 1949, Bakı) — Azərbaycan fiziki, fizika-riyaziyyat elmləri doktoru (1983), professor (1984).[1]
| Sevda Abdullayeva | |
|---|---|
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Atası | Həsən Abdullayev |
| Anası | Zərifə Abdullayeva |
| Elm sahələri | yarımkeçirici və dielektriklər fizikası |
| Elmi dərəcəsi | professor (1984) |
| Elmi adı | fizika-riyaziyyat elmləri doktoru (1983) |
| İş yerləri | AMEA Fizika İnstitutu, "Bionanostrukturlar fizikası" laboratoriyasının rəhbəri |
| Təhsili | Bakı Dövlət Universiteti (1971) |
| Tanınır | Rusiya, Türkiyə, Almaniya, İtaliya |
Sevda Həsən qızı Abdullayeva 16 avqust 1949-cu ildə Bakı şəhərində anadan olmuşdur. Akademik Həsən Abdullayevin qızıdır.[2] 1971-ci ildə Azərbaycan Dövlət Universitetinin Fizika fakültəsini bitirmişdir.[1] 1975-ci ildə Bakıda fizika-riyaziyyat elmləri namizədi, 1983-cü ildə Moskvada fizika-riyaziyyat elmləri doktoru adına layiq görülmüşdür. 1982-1996-cı illərdə Azərbaycan Dövlət Tibb Universitetində professor vəzifəsində, 1994-1997-ci illərdə İndiana Universitetində (ABŞ) professor vəzifəsində çalışmışdır. 1997-ci ildən indiyədək Azərbaycan Milli Elmlər Akademiyasının Fizika İnstitutunun "Bionanostrukturlar fizikası" laboratoriyasının rəhbəri vəzifəsində çalışır. 2009-cu ildən indiyədək Azərbaycan Respublikası Nəqliyyat, Rabitə və Yüksək Texnologiyaları Nazirliyi nəzdində Yüksək Texnologiyalar Üzrə Tədqiqat Mərkəzinin direktoru vəzifəsini icra edir. J.Alfyorov adına Beynəlxalq təhsil və elm fondunun Azərbaycan filialının rəhbəridir. "Yarımkeçiricilər və dielektriklər fizikası" ixtisası üzrə 10 fəlsəfə doktoruna rəhbərlik etmişdir və 1 elmlər doktorunun məsləhətçisi olmuşdur. Beynəlxalq və respublika elmi jurnallarında 200-dən artıq məqaləsi (133-ü xaricdə) və bir kitabı nəşr olunmuşdur. Onlardan 65-i impakt faktorlu jurnallarda çap olunub. 13 ixtiranın (SSRİ-də) müəllifidir. Bir sıra ölkələrlə (Almaniya, Türkiyə, Rusiya, İtaliya) elmi əməkdaşlıq edir və beynəlxalq layihələrdə iştirak edir. Bir cox fəxri mükafata layiq görülmüş, müxtəlif peşəkar cəmiyyətlərin üzvüdür. Amerika Universitetinin Qadınlar Assosiasiyasının (İndiana, 1994-1997), ABŞ-Azərbaycan Dostluq və Mədəniyyət Assosiasiyasının (Vaşinqton, 1995), keçmiş SSRİ Fizika Cəmiyyətinin (1983-1990), Avropa Ali Təhsil Assosiasiyasının (2005-2006), Azərbaycan Respublikası Prezidenti yanında Ali Attestasiya Komissiyasının üzvü (2006-2009) olmuşdur.
- Aerozol-CVD üsulu ilə Fe nanohissəcikləri həm uc hissədə həm də KNB boyu onun daxili kanalında müxtəlif pozisiyalarda yerləşən, metallar kimi yüksək elektrik keçiriciliyinə malik bir (diametri 0.85–1.14 nm) və çox divarli (diametri 10-85 nm) KNB-lar sintez olunmuşdur.
- Ilk dəfə Azərbaycanın neft fraksiyalarından çoxdivarlı karbon nanoboruları (MWCNTs) sintez edilmişdir.
- Yüksəlk (metallar kimi) və stabil elektrik keçiriciliyinə malik yeni KNB/PDMS və KNB/Epoksid nanokompozitləri hazırlanmışdır. KNB-nin polimer matrisadakı miqdarından asılı olaraq elektrik keçiriciliyini kontrol etmək mümkündür.
- KNB-nin göstərilən polimerlərdə bircinsli dispersiyası üçün yeni daha sadə və ucuz metod – iki faktorlu mexaniki metod işlənib hazırlanmışdır. Metodun özəlliyi ondan ibarətdir ki. o, yuyulmuş, lakin funksionallaşmamış KNB-lərdən istifadə edir və bu yolla alınan nanokompozitlərin elektri keçiriciliyi məlum kimyəvi metodla alınan nanokompozitlərinkinə nisbətən 104 – 105 dəfə yüksəkdir.
Karbon nanotexnologiyası, karbon nanostrukturlarının bioloji obyektlərə təsiri və onların tətbiqi;
Bərk cisim fizikası (işıqlanma və sensorlar);[3]
- S.H. Abdullayeva et.al. Multi data mode method as an alternative way for SPM studies of higt relief surfaces. Physica Status Solidi (c), Vol.3, No 8 (2006) pp. 2853-2857.
- Sevda Abdullayeva et.al. . Growth of Dielectric Al2O3 Films by Atomic Layer Deposition. //Japanese Journal of Applied Physics, Vol. 47 (2008) No. 10,pp. 8174-8177
- Sevda Abdullayeva et.al. Dispersion of Principal Refractive Indices of CaGa2S4 . //Japanese Journal of Applied Physics, Vol. 47 (2008) No. 10, pp. 8178-8181
- S.H. Abdullayeva et.al. Synthesis of Carbon Nanotubes from Byproducts of Oil Refiner.// World Journal Cond.Mat.Phys. Vol.4 No.3 (August), 2014.
- S.Abdullayeva et.al. Characterization of high quality carbon nanotubes synthesized via Aerosol –CVD. Journal of Advances in Physics, 2015, Vol. 11, No. 4, pp. 3229-3240
- S. H. Abdullayeva et.al. Synthesis of Carbon Nanotubes Using Azerbaijan’s Oil. Advances in Materials Physics and Chemistry, 2016, 6, 105-112
- S. H. Abdullayeva et.al. Carbon nanotubes dispersion in polymers by two-factor mechanical method. Advances in Materials Physics and Chemistry vol.6, No.11, Nov 2016
- Azərbaycan Milli Elmlər Akademiyasının Fizika İnstitutu, "Bionanostrukturlar fizikası" laboratoriyasının rəhbəri. Bakı, Azərbaycan, 1997-indiyədək
- Azərbaycan Respublikası Nəqliyyat, Rabitə və Yüksək Texnologiyaları Nazirliyi nəznində Yüksək Texnologiyalar Üzrə Tədqiqat Mərkəzinin direktoru, 2009 (İyun)- indiyədək
- "Beynəlxalq Alfyorov təhsil və elmə dəstək" fondunun Azərbaycan respublikası filialının rəhbəri - 2011- indiyədək
- ↑ 1 2 "AZƏRBAYCAN MİLLİ ENSİKLOPEDİYASI". ensiklopediya.gov.az. 2024-09-15 tarixində arxivləşdirilib. İstifadə tarixi: 2025-02-03.
- ↑ "HƏSƏN ABDULLAYEV -102. – AQRA Elmin İnkişafına Dətsək İctimai Birliyi". www.aqra.az (az.). 2024-09-19 tarixində arxivləşdirilib. İstifadə tarixi: 2025-02-03.
- ↑ "Bionanostrukturlar fizikası laboratoriyası". science.gov.az. 2023-07-27 tarixində arxivləşdirilib. İstifadə tarixi: 2025-02-03.