Sayklbol — həmçinin alman dilindən gələn "radball" adı ilə tanınır, velosiped üzərində oynanan futbol oyununa bənzəyən bir idman növüdür. Hər komandada iki nəfər olur və onlar sərbəst dönməyən, əyləcsiz sabit dişli velosipedlər sürürlər. Top velosiped və başla idarə olunur, yalnız qapını müdafiə edərkən başqa üsullardan istifadə edilə bilər.
Bu idman növü 1883-cü ildə Amerikalı velosipedçi Nikolas Edvard Kaufman tərəfindən yaradılmışdır.[1] İlk qarşılaşma həmin il sentyabrın 14-də Kaufmann və digər bədii velosipedçi Con Featherly arasında oynanıldı.[1] Onun ilk dünya çempionatları 1929-cu ildə olub. 20-ci əsrin əvvəllərində idman Almaniyaya yayıldı; müasir dövrdə Almaniya idmanın ən böyük azarkeş kütləsinə sahibdir.[1] Sayklbol Avstriya, İsveçrə və Çexiyada da məşhurdur.[1] Ən uğurlu oyunçular 1965-1988-ci illərdə 20 dəfə dünya çempionu olmuş Çexoslovakiyanın Pospisil qardaşları idi.
İdmançıların velosipedlərdə bir növ gimnastik hərəkətlər etdiyi BMX ilə sıx bağlıdır.
Oyun 11 metr uzunluğunda və 9 metr enində bir sahədə iki oyunçudan ibarət iki komanda tərəfindən oynanılır.[2]
- ↑ 1 2 3 4 Heijmans, Jeroen; Mallon, Bill. Historical Dictionary of Cycling. Rowman & Littlefield. October 16, 2011. 56–57. ISBN 9780810871755.
- ↑ "UCI CYCLING REGULATIONS - PART 8 INDOOR CYCLING - CYCLE BALL" (PDF). Union Cycliste Internationale.