Sarı şibyəyeyən

Sarı şibyəyeyən
Sarı şibyəyeyən
Elmi təsnifat
	Domen: Eukariotlar Klad: Amorphea Klad: Obazoa Klad: Opisthokonta Klad: Holozoa Klad: Filozoa Klad: Choanozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Ranqsız: İlkağızlılar Tipüstü: Tüləyənlər Ranqsız: Panarthropoda Ranqsız: Tactopoda Tip: Buğumayaqlılar ???: Sarı şibyəyeyən
Beynəlxalq elmi adı
	Eilema lutarella L., 1758;

Sarı şibyəyeyən (lat. Eilema lutarella) — buğumayaqlılar tipinin pulcuqqanadlılar dəstəsinin ayıcalar fəsiləsinə aid olan nadir növ.

Xarici quruluşu

Kəpənəyi kiçikdir. Qanadları açılmış halda 9-11 mm-dir. Qanadların ümumi rəngi çirklənmiş sarı rəngdədir. Arxa qanadları tünd boz rəngdədir və əvvəlki növdən bununla fərqlənir. Başı və qarıncığın uc hissəsi sarı, bədəni isə tünd rəngdədir.

Tırtılın qara rəngli başı qısa tüklərlə örtülüdür. Bədəni qonur rəngdədir. Beli üzərindən qara rəngdə, yanlarda isə tünd qonur xətlər vardır. Pupu tünd qonur olub, boz baramada yerləşir.

Yayılması

Azərbaycanda bu növə düzənlik və dağətəyi meşələrdə təsadüf edilir. Gürcüstanın dəniz səthindən 1900-2000 m hündürlükdə olan dağ meşələrində yayılmışdır. İldə iki nəsil verir, birinci nəslin tırtıllarına aprel-may aylarında, ikinci nəslin tırtıllarına isə sentyabr-oktyabr aylarında rast gəlinir. Tırtıl mərhələsində qışlayır.

Ədəbiyyat

S.Ə.Hacıyeva. Azərbaycanın ayıca (Lepidoptera, Arctiidae) kəpənəkləri (dissertasiya). Bakı: 2005.