San-Marino Kapitan-Regentləri[1] — San-Marino Respublikasının dövlət başçıları.
| San-Marino Respublikasının Kapitan-Regenti | |
|---|---|
| it. Capitano reggente della Serenissima Repubblica di San Marino | |
 | |
| Vəzifədədir Françeska Çiverka Dalibor Rikkardi 1 oktyabr 2024-cü ildən | |
| Başçılıq edir | San-Marino |
| Rəsmi iqamətgahı | İctimai saray, San-Marino |
| Səlahiyyət müddəti | 6 ay |
| Vəzifənin təsis tarixi | 1243 |
| Təyinat | Böyük və Ümumi Şura |
Kapitan-Regentlər (it. Capitani Reggenti) San-Marinonun iki dövlət başçısıdır. Onlar hər altı aydan bir ölkənin qanunverici orqanı olan Böyük və Ümumi Şura tərəfindən seçilir. Normalda Kapitan-Regentlər koalisiyadakı partiyalardan seçilir və altı aylıq müddətə xidmət edirlər. Kapitan-Regentlərin səlahiyyət vaxtları hər il aprelin 1-dən oktyabrın 1-ə kimidir. Bu ənənə 1243-cü ilə aiddir. İkili hökumət başçıları praktikası (diarxiya) bilavasitə Roma Respublikasının adət-ənənələrindən irəli gəlir, bu da Qədim Roma konsullarına bərabərdir, lakin Kapitan-Regentlər icra hakimiyyətinə malik deyillər.[2]
Kapitan-Regentlər altı ay müddətə Böyük və Ümumi Şura tərəfindən seçilir. Seçki proseduru 1600-cü il tarixli San-Marino Konstitusiyasına əsaslanan 1945-ci ildə qəbul edilmiş qanun ilə tənzimlənir. Hər iki Kapitan-Regent mütləq səs çoxluğu əldə etdikdə seçilir. Heç biri kifayət qədər səs toplamasa, ikinci səsvermə keçirilir.
Kapitan-Regentlər seçkilərdə iştirak etmək üçün aşağıdakı tələblərə cavab verməlidir:
▪ Doğuşdan vətəndaşlıq;
▪ Yaşı 25-dən aşağı olmayan;
▪ Böyük və Ümumi Şuranın seçilmiş deputatı olan;
▪ Son üç ildə Kapitan-Regent seçilməyən.[3]
- ↑ "San-Marino Respublikasının Kapitan-Regentləri Alessandro Rossi və Milena Qasperonidən » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-03-12.
- ↑ Captains Regent
- ↑ Captians Regent