Saluki — Əsasən görmə qabiliyyətindən istifadə edərək ov edən it cinsi. Köçəri tayfalar tərəfindən ov heyvanlarını tutmaq üçün istifadə edilirdi. Bu it cinsi ilkin olaraq Hilal bölgəsində yetişdirilmişdir. Saluki ən çox "Əfqan iti" ilə yaxından əlaqəlidir və müasir cinslərin yaranmasından əvvəlki dövrə aiddir.
| Saluki | ||||
|---|---|---|---|---|
 | ||||
| Elmi təsnifat | ||||
|
XƏTA: latin parametri doldurulmayıb. |
||||
| Beynəlxalq elmi adı | ||||
|
XƏTA HAQQINDA MƏLUMAT Bu parametr doldurulmayıb: latin |
||||
| ||||
Bu cinsin boyu 58–71 sm, çəkisi isə 16–32 kq arasında dəyişir.[1] Dişilər erkəklərdən bir qədər kiçik olur.[2] Uzun başlı, böyük gözlü və sallanan qulaqları olan bu cinsin quyruğu uzun və əyilmişdir.[2] Salukilərin dərisi ipək kimi yumşaq, xəzləri isə ya hamar, ya da tüklü olur. Xəzlərinin rəngi ağ, krem, sarımtıl-qəhvəyi, qırmızı, boz qəhvəyi, qara qəhvəyi və üçrəngli (ağ, qara və qəhvəyi) ola bilər.[3] Saluki itlərinin ümumi görünüşü zəriflik və simmetriya ilə seçilir. Hər iki növdə tüklər ipək kimi incədir və digər cinslərlə müqayisədə daha az tökülür. Orta Şərqdə yetişdirilən Saluki itlərinin çoxunda xəz qısa olur. Saluki uzun məsafələrdə olduqca sürətlidir və 68.8 km/saat sürətə çata bilir.[4] Ayaqlarının pəncələri onların yüksək dözümlülük göstərməsini təmin edir. Tarixən köçəri tayfalar bu itlərdən tülkü, dovşan və çaqqal ovunda istifadə edirdilər.[5]
- ↑ The dog encyclopedia. Dennis-Bryan, Kim, Baggaley, Ann, John, Katie (First American). New York: DK Publishing, Inc. 2013-10-01. ISBN 9781465421166. OCLC 859155647.
- ↑ 1 2 Palika (2007): p. 342
- ↑ Hale, Rachel. Dogs: 101 Adorable Breeds. Andrews McMeel. 2008. ISBN 978-0-7407-7342-6.
- ↑ Murgai, R. P. Hand Book of Dogs. New Age International. 1996. səh. 108. ISBN 9788122408935. 7 November 2021 tarixində arxivləşdirilib. İstifadə tarixi: 20 October 2020.
- ↑ Case, Linda P. The Dog: Its Behavior, Nutrition, and Health. Wiley-Blackwell. 2005. səh. 24. ISBN 978-0-8138-1254-0.