Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Sabina Alkire

filosof, feminist
  • Məqalə
  • Müzakirə

Sabina Alkire (ing. Sabina Alkire; 1969, Göttingen, Aşağı Saksoniya) — amerikanlı akademik, feminist iqtisadiyyatın davamçısı, 2007-ci ildə təsis edilmiş Oksford Universitetinin Beynəlxalq İnkişaf Departamentinə bağlı iqtisadi tədqiqat mərkəzi olan Oksford Yoxsulluq və İnsan İnkişafı Təşəbbüsünün (OPHI) direktoru.[2]Sabina İnsan İnkişafı və İmkanlar Assosiasiyasının üzvüdür. Alkire, İqtisadi Performans və Sosial İnkişafın Ölçülməsi Komissiyası,[3]BMT-nin İnsan İnkişafı Proqramının İnsan İnkişafı Hesabatı Ofisi, Avropa Komissiyası və Böyük Britaniyanın Beynəlxalq İnkişaf Departamenti kimi təşkilatlarla əməkdaşlıq edir.[4]

Sabina Alkire
Doğum tarixi 1969
Doğum yeri Göttingen, Almaniya
İş yeri
  • Oksford Universiteti
Təhsili
  • Urbana-Şampeyn İllinoys Universiteti,
  • Maqdalin Kolleci[d][1]

Alkire və OPHI üzvü iqtisadçı Ceyms Foster birlikdə çoxölçülü yoxsulluğun ölçülməsi üçün Alkire-Foster metodunu hazırlayıblar. Bu metod,[5]insanların hansı yoxsulluq səviyyəsində olduğunu müəyyənləşdirmək üçün onların yaşadıqları müxtəlif məhrumiyyətləri nəzərə alır və bu məlumatları cəmiyyətin yoxsulluğunu əks etdirəcək şəkildə birləşdirir. Alkire-Foster (AF) metodunun tətbiqi və icrası nəticəsində müəyyən göstəricilər əsasında əhalinin yoxsulluq səviyyəsini müəyyən edən Çoxölçülü Yoxsulluq İndeksi (MPI) yaradılıb.[6]

Mündəricat

  • 1 Bioqrafiyası
    • 1.1 Ruhani xidməti
  • 2 Kitabları
  • 3 İstinadlar
  • 4

Bioqrafiyası

Qərbi Almaniyanın Göttingen şəhərində anadan olan Alkire, uşaq ikən ailəsi ilə birlikdə ABŞ-a köçmüşdür. Atası İllinoys Universitetində kimya mühəndisliyi üzrə müəllim kimi fəaliyyətə başladığı üçün ailəsi orada məskunlaşmışdır.[7]Alkire eyni universitetdə təhsil alaraq 1989-cu ildə sosiologiya və tibbəqədər hazırlıq ixtisası üzrə bakalavr dərəcəsi alıb. Daha sonra İngiltərəyə köçərək Rodos təqaüdçüsü kimi Oksford Universitetində təhsilini davam etdirib və 1992-ci ildə İslam üzrə fərqlənmə diplomu ilə teologiya ixtisasını bitirib. 1994 və 1995-ci illərdə müvafiq olaraq xristian siyasi etikası üzrə magistr dərəcəsi (MPhil) və inkişaf iqtisadiyyatı üzrə elmlər magistri (MSc) dərəcələri almışdır.[8]

Oksford Universitetində inkişaf iqtisadiyyatı üzrə elmlər magistri dissertasiyasını “Tam və ya Minimal Layiqli Həyat: Senin İmkanlar Yanaşmasının Yoxsulluq Ölçməsində Empirikləşdirilməsi” mövzusunda yazmış[9] və bununla da universitetin Corc Vebb Medley Məzun Mükafatına layiq görülmüşdür. Daha sonra 1999-cu ildə Oksford Universitetinin Maqdalen Kollecində iqtisadiyyat üzrə doktorluq dərəcəsi almışdır. Onun Hindistanlı iqtisadçı və filosof Amartya Senin işlərini yoxsulluğun azaldılması tədbirlərində praktik şəkildə tətbiq etməyin mümkünlüyünü nümayiş etdirdiyi doktorluq dissertasiyası sonradan "Dəyərləndirilən Azadlıqlar: Senin İmkanlar Yanaşması və Yoxsulluğun Azaldılması" (2002) adlı monoqrafiya kimi nəşr edilmişdir.[10]

1999-2001-ci illərdə Sabina Dünya Bankında Mədəniyyət və Yoxsulluq üzrə Tədqiqat-Öyrənmə Proqramının (PREM) koordinatoru olmuşdur. 2001-2003-cü illərdə isə İnsan Təhlükəsizliyi Komissiyasında tədqiqat yazarı kimi fəaliyyət göstərmişdir.[11]2003-2013-cü illər arasında Harvard Universitetinin Harvard Qlobal Bərabərlik Təşəbbüsündə tədqiqatçı olmuşdur. Bu dövrdə İllinoys Universitetinin Din və Müasir Mədəniyyət üzrə Thulin Alimi mükafatını qazanmış və Foreign Policy jurnalının “2010-cu ilin 100 Qlobal Düşünürü” siyahısına daxil edilmişdir.

2015-2016-cı illərdə Vaşinqtonda Corc Vaşinqton Universitetinin Elliott Məktəbində Beynəlxalq Münasibətlər üzrə Oliver T. Karr, kiçik professor vəzifəsində çalışıb. Hazırda OPHI-nin direktoru, Oksford Universitetinin Beynəlxalq İnkişaf Departamentində dosent və Notr-Dam Universitetinin Kelloqq Beynəlxalq Araşdırmalar İnstitutunun fərqlənmiş tədqiqatçısıdır. OPHI direktoru kimi, Birləşmiş Millətlər Təşkilatının "Millətlərin Həqiqi Sərvəti" adlı İnsan İnkişafı Hesabatı kimi tədqiqat layihələrinə rəhbərlik etmişdir.[12]

2020-ci ilin may ayında Sabina, yoxsulluğun dinamikası və nəticələri ilə bağlı anlayışları inkişaf etdirməyə verdiyi töhfələrə görə Boris Mints İnstitutu Mükafatı ilə təltif olunub. Onun tədqiqat maraqlarına çoxölçülü yoxsulluğun ölçülməsi və analizi, rifah iqtisadiyyatı, imkanlar yanaşması, feminist iqtisadiyyat[13], azadlıqların və insan inkişafının ölçülməsi daxildir.[14]

Ruhani xidməti

Sabina 2000-ci ildə ABŞ-da Episkopal Kilsəsində diaqon, 2002-ci ildə isə keşiş kimi ruhanilik üçün təqdis olunub. 2000-2003-cü illərdə Vaşinqtonda Müqəddəs Alban Episkopal Kilsəsi və Müqəddəs Filip Yevanqelist Episkopal Kilsəsində təmənnasız keşiş kimi xidmət edib. Daha sonra Boston şəhərində Müqəddəs Stefan Episkopal Kilsəsinə köçüb.[15]

İngiltərəyə qayıtdıqdan sonra Oksford Universitetinin Maqdalen Kollecində fəxri keşiş və kapella əməkdaşı olub. 2008-2019-cu illərdə Oksford Yeparxiyasına bağlı Kouli Sent-Con keşişliyində təmənnasız ruhanilik etmiş və hazırda orada köməkçi keşiş kimi xidmətini davam etdirir.

Kitabları

  • Alkire, Sabina. Valuing freedoms: Sen's capability approach and poverty reduction. Oxford New York: Oxford University Press. 2002. ISBN 9780199245796. Hardback.
  • Alkire, Sabina. Valuing freedoms: Sen's capability approach and poverty reduction. Oxford New York: Oxford University Press. 2005. ISBN 9780199283316. Paperback.
  • Reviewed by Robeyns, Ingrid. "Valuing freedoms: Sen's capability approach and poverty reduction, by Sabina Alkire". Economics and Philosophy. 19 (2). October 2003: 371–377. doi:10.1017/S0266267103231229.
  • Alkire, Sabina; Comim, Flavio; Qizilbash, Mozaffar. The capability approach: concepts, measures and applications. Cambridge etc: Cambridge University Press. 2008. ISBN 9780521154529.
  • Alkire, Sabina; Ura, Karma; Zangmo, Tshoki. GNH and the GNH Index: A short guide to gross national happiness index. Thimphu: Centre for Bhutan Studies. 2012. ISBN 9789993614661.
  • Alkire, Sabina; Wangdi, Karma; Zangmo, Tshoki. An extensive analysis of GNH index. Thimphu, Bhutan: Centre for Bhutan Studies. 2012. ISBN 9789993614678.

İstinadlar

  1. ↑ Rhodes Scholar Database.
  2. ↑ "Sabina Alkire". ophi.org.uk. Oxford Poverty & Human Development Initiative. 17 April 2014 tarixində arxivləşdirilib. İstifadə tarixi: 17 April 2014.
  3. ↑ "HDCA fellows". hd-ca.org. Human Development and Capability Association. 9 April 2014 tarixində arxivləşdirilib. İstifadə tarixi: 17 April 2014.
  4. ↑ "History tells us pandemic could lead to global reduction in poverty, Oxford academic says". The Independent (ingilis). 2020-05-29. 2020-07-27 tarixində arxivləşdirilib. İstifadə tarixi: 2020-08-07.
  5. ↑ "Dr Sabina Alkire". www.ox.ac.uk/news-and-events/find-an-expert/dr-sabina-alkire Retrieved 21 April 2019
  6. ↑ "Alkire Foster Method". ophi.org.uk. Oxford Poverty & Human Development Initiative. 15 August 2014 tarixində arxivləşdirilib. İstifadə tarixi: 3 August 2014.
  7. ↑ "Dr Sabina Alkire". Oxford Poverty & Human Development Initiative. 24 November 2021 tarixində arxivləşdirilib. İstifadə tarixi: 24 November 2021.
  8. ↑ Wheatley, Alan. "True Calling". International Monetary Fund. FINANCE & DEVELOPMENT, September 2015, Vol. 52, No. 3. 16 May 2021 tarixində arxivləşdirilib. İstifadə tarixi: 26 March 2021.
  9. ↑ "Sabina Alkire and the Boris Mints Institute Prize". The Jerusalem Post | JPost.com. 27 May 2020. 2020-08-07 tarixində arxivləşdirilib. İstifadə tarixi: 2020-08-07.
  10. ↑ "Sabina Alkire". ophi.org.uk. Oxford Poverty & Human Development Initiative (OPHI). 17 April 2014 tarixində arxivləşdirilib. İstifadə tarixi: 17 April 2014.
  11. ↑ Alkire, Sabina. Operationalizing Amartya Sen's capability approach to human development: a framework for identifying valuable capabilities (Tezis). University of Oxford. 1998. OCLC 43087376.
  12. ↑ Alkire, Sabina. Valuing freedoms: Sen's capability approach and poverty reduction. Oxford New York: Oxford University Press. 2002. ISBN 9780199245796.
  13. ↑ "How will COVID-19 impact global poverty? Live event on JPost.com". The Jerusalem Post | JPost.com. 14 May 2020. İstifadə tarixi: 2020-08-07.
  14. ↑ "The real wealth of nations - Sustainable Goals | Kellogg Institute For International Studies". kellogg.nd.edu. İstifadə tarixi: 2021-12-07.
  15. ↑ "Meet the Team". Cowley St John. 3 February 2024 tarixində arxivləşdirilib. İstifadə tarixi: 3 February 2024.

  "İqtisadiyyat" portalı
  • Profile: Sabina Alkire
Mənbə — "https://az.wikipedia.org/w/index.php?title=Sabina_Alkire&oldid=8168921"
Informasiya Melumat Axtar