Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSabatina Ceyms və ya Sabatina (tam adı: Sabatina Ceyms, alm. Sabatina James; noyabr 1984[1][2][…]) — Pakistanlı Avstriya yazıçısı. Onun əsərləri avtobioqrafik səciyyə daşıyır və islamdan xristian katolik dininə keçməsi ilə bağlı məsələlərdən bəhs edir.
| Sabatina Ceyms | |
|---|---|
| alm. Sabatina James | |
 | |
| Doğum tarixi | noyabr 1984[1][2][…] (40 yaş) |
| Fəaliyyəti | yazıçı |
| sabatina-ev.de | |
 Vikianbarda əlaqəli mediafayllar | |
Sabatina Ceyms Pakistanın Dhadar şəhərində müsəlman ailəsində anadan olmuşdur. On yaşında olarkən ailəsi ilə birlikdə Avstriyanın Linz şəhərinə köçmüşdür. Sabatina orada böyük istiqanlılıqla qəbul edilmişdi və hər kəs, xüsusilə də müəllimləri ailənin yeni mühitə inteqrasiyasını istəyirdilər.[3] Sabatina qısa müddət ərzində Avstriya cəmiyyətinə uyğunlaşır və assimilyasiya olunur. Valideynləri Avstriyada müvəqqəti məskunlaşmağı nəzərdə tutduqlarından bu vəziyyətdən xoşnud olmurlar. Qızlarına qarşı tətbiq etdikləri məhdudiyyətlər təsirli olmadığından ailə Sabatinanı Lahora göndərib əmisi oğlu ilə evləndirmək qərarına gəlir. Beləcə, valideynləri Sabatinanı Pakistanda qoyur və o, burada mədrəsəyə getməyə məcbur edilir. Sabatina əvvəlcə Avstriyaya qayıtmaq şərtilə əmisi oğlu ilə evlənməyə razılıq verir. Lakin Avstriyada evlənməkdən imtina edir. Ailəsi onu ölümlə hədələdiyindən Sabatina gizlənmək və yeni şəxsiyyət vəsiqəsi almaq məcburiyyətində qalır.[4] Bu isə öz növbəsində ailəsi ilə ayrılmasına gətirib çıxardı.
Sabatina sığınacaqda yatmaqla və Linzdə kafelərin birində işləməklə həyatını qurtarır. Valideynləri onu hər yerdə təqib edir, incidir və nikaha məcbur edirdilər. Sabatina dostlarının köməyi ilə Vyanaya qaçır. O, burada yeni həyata başlayır: adını dəyişir və katolik dinini qəbul edir. Sabatina başına gələnlər barədə kitab yazır. Valideynləri ona qarşı diffamasiyaya görə iddia qaldırırlar, lakin məhkəmə Sabatinanın xeyrinə qərar qəbul edir. O, 2003-cü ildə kiçik Barokko kilsəsində kəndin keşişi tərəfindən vəftiz edilir və keşiş onun daxilən bu dinə keçməsindən tam əmin olur.[5]
Sabatina Ceyms Terre des Femmes qadın hüquqları təşkilatının səfiridir. 2006-cı ildən bu təşkilat müsəlman qadınların bərabərliyi uğrunda mübarizə aparır.
- Sabatina. İslamdan xristianlığa — ölüm cümləsi, 2003.
- Xoşbəxtliyin üçün öləcəksən. İki dünya arasında tutuldu, 2004.
- Toy gözyaşları, 2006.
- Əqidə və azadlıq uğrunda mübarizəm, 2010, ISBN 9781607477181.
- Yalnız həqiqət bizi azad edir: İslam və xristianlıq arasında qalmış həyatım, 12 sentyabr 2011, ISBN 3629023088.
- ↑ 1 2 https://sophiainstitute.com/product/the-price-of-love/.
- ↑ 1 2 https://www.sabatina-schweiz.ch/ueber-sabatina-james/.
- ↑ "Planet Wissen - Meine Flucht vor der Zwangsheirat". YouTube. 2 fevral 2014. İstifadə tarixi: 19 fevral 2016. ausführliches Interview mit Sabatina James Arxivləşdirilib 2021-08-19 at the Wayback Machine "Arxivlənmiş surət". Archived from the original on 19 avqust 2021. İstifadə tarixi: 31 may 2019.
- ↑ James, Sabitha. "Why My Mother Wants Me Dead". The Daily Beast. 5 may 2012. 13 dekabr 2017 tarixində arxivləşdirilib. İstifadə tarixi: 26 aprel 2013.
- ↑ "Das Model Gottes". Spiegel Online (German). 17 dekabr 2011. 20 aprel 2019 tarixində arxivləşdirilib. İstifadə tarixi: 26 aprel 2013.
- Almaniya Milli Kitabxanası
- sabatina-ev.de — rəsmi saytı