Vikipediya ?

Səlimiyyə məscidi

Səlimiyyə məscidi - Ədirnədə Osmanlı sultanı II Səlimin Memar Sinana tikdirdiyi məscid. Sinanın 90 yaşında inşa etdiyi və "ustalıq əsərim" adlandırdığı Səlimiyə Məscidi istər Memar Sinanın, istərsə də Osmanlı memarlığının ən əhəmiyyətli əsərlərindən biridir.

Səlimiyyə məscidi
türk. Selimiye Camii
Edirne mosque outside.jpg
41°40′41″ şm. e. 26°33′33″ ş. u.
Ölkə Türkiyə Türkiyə
Şəhər Ədirnə
Yerləşir Ədirnə
Aidiyyatı Osmanlı imperiyası
Memar Memar Sinan
Sifarişçi II Səlim
Tikilmə tarixi 1568—1574
Üslubu Osmanlı memarlığı
Hündürlük 43 m (141 ft)
Sahəsi
  • 2,5 ha
  • 37,5 ha
Minarələri 4 (hünd.: 83 m (272 ft))
Günbəzləri 1 (dax.diam.:31.25 m (102.5 ft))
Vəziyyəti stabil
Tipi Mədəni
Kriteriya i,iv
Təyin edilib 2011
İstinad nöm.
Dövlət Türkiyə
Region Avropa
Səlimiyyə məscidi (Türkiyə)
Locator Dot.gif
Səlimiyyə məscidi
Commons-logo.svg Vikianbarda əlaqəli mediafayllar
Sultan Səlim məscidi

Məscidin qapısındakı kitabəyə görə inşasına hicri təqvimlə 976-cı ildə (miladi təqvimlə 1568-ci) başlanmışdır. Məscidin 27 noyabr 1574-cü il cümə günü açılması planlaşdırılsa da, ancaq II Səlimin ölümündən sonra 14 mart 1575-ci ildə ibadətə açılmışdır.

Bu gün şəhərin mərkəzində yerləşən məscidin olduğu yerdə inşasına Sultan I Muradın dövründə başlanan, sonradan İldırım Bəyazidin davam etdirdiyi Ədirnənin ilk sarayı (Saray-i Cəld) və Baltacı Gözətçiləri Qışlası yerləşirdi. Övliya Çələbi bu yerdən Qovaq Meydanı deyə bəhs etmişdir. Məscid açıq havalarda Rodop dağlarından və Uzunkörpünün Süleymaniyə kəndindən görünür.

2000-ci ildə YUNESKO-nun Ümumdünya irsi müvəqqəti namizəd siyahısına daxil edilən Səlimiyyə məscidi və kompleksi 2011-ci ildə Ümumdünya irsinə salındı.

Mündəricat

Tarixi

Ədirnə seçilməsinin səbəbi

Səlimin məscidin inşa edilməsi üçün niyə Ədirnəni seçdiyi qəti olaraq bilinmir. Övliya Çələbi "Səyahətnamə" adlı əsərində padşahın yuxusunda Məhəmməd peyğəmbəri gördüyünü və onun özündən Kiprin fəthi xatirəsinə bir məscid tikdirməsini istədiyini yazmışdır. Ancaq Kiprin məscidin inşasına başlanmasından üç il sonra 1571-ci ildə fəth edildiyi məlum olduğundan bu iddia əsassız görünür. Bu mövzudakı daha dəqiq məlumatlarda isə o dövrdə İstanbulda yeni bir böyük məscidə ehtiyac olmadığı, Ədirnənin Rumelidəki Osmanlı idarəçiliyinin mərkəzi mövqeyində olduğu və Səlimin gənclik illərindən bəri şəhərə xüsusi sevgi bəslədiyinə diqqət çəkilir.

Günbəz

Təpənin üzərində yerləşən Səlimiyyədə əvvəlki heç bir məsciddə, ya da qədim dövr məbədində görülməyən bir texnikadan istifadə edilmişdir. Əvvəlki qübbəli strukturlarda, əsas qübbə pilləli yarım qübbələrin üzərində yüksəlməsinə baxmayaraq, Səlimiyə məscidi 43,25 metr yüksəkliyində, 31,25 metr diametrində, tək bir qübbə ilə örtülmüşdür. Qübbə 8 sütuna söykənən bir kasnak üzərinə oturdulmuşdur. Kasnak, filayaklarına 6 metr genişliyində kəmərlərlə bağlıdır. Memar Sinan bu şəkildə örtdüyü daxili məkana verdiyi genişlik və rahatlıqla birlikdə məkanın asanlıqla anlaşılmasını təmin etmişdir. Qübbə eyni zamanda məscidin xarici görünüşünün əsas xətlərini də müəyyən edir.

Minarələr

Məscidin dörd tərəfində yerləşən hər biri üç balkonlu 380 santimetr miqyasındakı minarələr 70,89 metr yüksəkliyindədir. Minarələrin şpillə birlikdəki yüksəklikləri bəzi qaynaqlara görə 84, bəzilərinə görə isə 85 metrdir. Cümlə qapısının iki tərəfindəki minarələrin balkonlarına üç ayrı nərdivandan çıxılır. Digər iki minarə isə tək nərdivanlıdır. Öndəki iki minarənin daş oymaları çuxur, ortadakı minarələrin oymaları isə qabarıqdır. Minarələrin qübbəyə yaxın olması, məscidin göyə doğru uzanması təsəvvürünü yaradır. Bu məscidin ən vacib xüsusiyyəti Ədirnənin hər tərəfdən görünməsidir.

Daxili dekorasiyalar

Məscidin mərmər, çini və xəttatlıq işləmələri də əhəmiyyətlidir. Binanın içi İznik çiniləriylə bəzənmişdir. Böyük qübbənin tam altındakı hökmdarın namaz yeri 12 mərmər sütunludur və 2 metr yüksəkliyindədir. Çinilərin bir qismi 1877-1878 rus generalı Skobelyev tərəfindən sökülərək Moskvaya aparılmışdır.

Həyət

Binanın şimala, cənuba və həyətə açılan 3 qapısı vardır. Daxili həyət rəvaqlar və qübbələrlə bəzənmişdir. Həyətin ortasında mərmərdən diqqətlə işlənmiş su bulağı vardır. Xarici həyətdə isə dini məktəb, darül-qurra (gözəl Quran oxumanın öyrədildiyi məktəb), darül-hədis, mədrəsə və imarət vardır. Dini məktəb hazırda uşaq kitabxanası, mədrəsə isə muzey olaraq istifadə edilir. Keçmişdə məscid məşəllərlə işıqlandırılırdı. Məşəllərdən çıxan his hava axını yaradan xüsusi dəlikdən çölə çıxırdı.

“Tərs lalə” motivi

Rəvayətə görə, məscidin tikiləcəyi ərazidə lalə bağçası var idi. Bu torpağın sahibi əvvəlcə onu satmaq istəmirdi. Nəhayət, torpağın sahibi Memar Sinandan məsciddə lalə motivinin əks olunmasını istəyir və bundan sonra torpağı satır. Memar Sinan da lalə motivini tərs şəkildə əks etdirmişdir. Lalə motivi bu torpaqda lalə bağçasını təmsil edir, tərs şəkildə əks olunması isə torpaq sahibinin tərs bir insan olduğunu göstərir.

Ümumdünya irsi siyahısı

28 iyun 2011-ci il çərşənbə günü Parisdə həyata keçirilən YUNESKO-nun Dünya İrsi Komitəsinin iclasında Ədirnə Səlimiyyə məscidi və kompleksinin Ümumdünya irsi siyahısına namizədliyi qiymətləndirildi və Səlimiyyə məscidi və kompleksinin Ümumdünya irsi siyahısına daxil olmasına yekdilliklə qərar verildi. Beləliklə, Drina körpüsündən sonra başqa bir Osmanlı əsəri daha Ümumdünya irsi siyahısına daxil oldu.

Mənbə

  • ArchNet.org. . İstifadə tarixi: 2009-03-18.

İstinadlar

  1. — 1994.
  2. (türkcə). vdb.gib.gov.tr. 16 fevral 2017 tarixində arxivləşdirilib.
  3. (türkcə). sinanasaygi.com. 13 may 2017 tarixində arxivləşdirilib.
  4. Mark Irving, (Ed.) (2007). 1001 Buildings You Must See Before You Die (ingiliscə). Barrons Educational Series. səh. 148. ISBN 978-0-7893-1564-9.. ([[:Category:|link]])[[Category:]]
  5. (türkcə). vdb.gib.gov.tr. 16 fevral 2017 tarixində arxivləşdirilib.
  6. (ingiliscə). whc.unesco.org. 10 iyun 2007 tarixində arxivləşdirilib.
  7. (ingiliscə). whc.unesco.org. 30 iyun 2011 tarixində arxivləşdirilib.
  8. (türkcə). testkulubu.com. 17 may 2004 tarixində arxivləşdirilib.
  9. Gülten Özbey. (türkcə). hurriyet.com.tr. 1 iyul 2011 tarixində arxivləşdirilib. İstifadə tarixi: 27 iyun 2011.
  10. (türkcə). habitat.org.tr. 12 iyul 2010 tarixində arxivləşdirilib. İstifadə tarixi: 23 dekabr 2011.

Xarici keçidlər

Vikianbarda Səlimiyyə məscidi ilə əlaqəli mediafayllar var.

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019