Səlcuq Bayraqdaroğlu (türk. Selçuk Bayraktaroğlu; 9 mart 1961) — Türkiyə hərbi xadimi, Türkiyə Silahlı Qüvvələrinin Baş Qərargah rəisi (2025-ci ildən), ordu generalı (2021).
| Səlcuq Bayraqdaroğlu | |
|---|---|
| türk. Selçuk Bayraktaroğlu | |
 | |
Vəzifədədir | |
| 5 avqust 2025-ci ildən | |
| Əvvəlki | Mətin Gürak[d] |
  | |
| 3 avqust 2023 – 5 avqust 2025 | |
| Əvvəlki | Musa Avsevər[d] |
| Sonrakı | Mətin Tokel[d] |
| Şəxsi məlumatlar | |
| Doğum tarixi | 9 mart 1961 (64 yaş) |
| Təhsili |
|
| Fəaliyyəti | zabit |
| Uşağı | 2 |
| Hərbi xidmət | |
| Qoşun növü | Türkiyə Quru Qoşunları |
| Rütbəsi |
 Ordu generalı |
| Təltifləri |
  |
 Vikianbarda əlaqəli mediafayllar | |
Səlcuq Bayraqdaroğlu 9 mart 1961-ci ildə Artvin ilinin Yusufeli ilçəsinin Kılıçkaya qəsəbəsində anadan olub. 1977-ci ildə Kuleli Hərbi Liseyini, 1981-ci ildə Quru Qoşunları Hərbi Məktəbini, 1982-ci ildə Rabitə və Elektron İnformasiya Sistemləri Məktəbi və Təlim Mərkəzini, 1993-cü ildə Quru Qoşunları Hərbi Akademiyasını bitirib. 1997-ci ildə isə Silahlı Qüvvələr Akademiyasını bitirib.[1]
1993–1995-ci illərdə 41-ci piyada briqadası və 121-ci komando alayında (Tunceli, Bingöl, həmçinin 4 ay İraqın şimalında) kəşfiyyat və əməliyyatlar şöbəsinin rəisi, 1995–1998-ci illərdə Quru Qoşunları Komandanlığının Şəxsi Heyət İdarəsində layihə zabiti, 1998–1999-cu illərdə Azərbaycan Respublikasının Naxçıvandakı Ordu Qərargahında qərargah zabiti olaraq xidmət keçmişdir.[2]
1999–2001-ci illərdə Kipr Türk Sülhməramlı Qüvvələri alayında və Şimali Kipr Türk Respublikasında yerləşən 39-cu mexanikləşdirilmiş piyada diviziyasında piyada taborunun komandiri olmuş, 2001–2004-cü illərdə Milli Müdafiə Nazirliyinin Hərbi Çağırış İdarəsində şöbə rəisi, 2004–2005-ci illərdə Uzunköprüdə yerləşən 4-cü mexanikləşdirilmiş piyada briqadasında briqada komandirinin müavini, 2005–2009-cu illərdə isə Baş Qərargahın Kəşfiyyatın Təhlili və Qiymətləndirilməsi üzrə 2-ci İdarəsinin əsaslı təhlil şöbəsinin rəisi vəzifələrində çalışmışdır.[2]
2009-cu ildə Səlcuq Bayraqdaroğluna general-mayor (tuğgeneral) ali hərbi rütbəsi verilib.[3] Bu rütbədə 2009–2011-ci illərdə 9-cu motorlu piyada briqadasına, 2011–2013-cü illərdə isə Quru Qoşunlarının Logistika Komandanlığında Sursat Komandanlığına rəhbərlik edib.[4]
2013-cü ildə general-leytenant (tümgeneral) rütbəsinə yüksəlib.[5] 2013–2014-cü illərdə Baş Qərargahın Rabitə və Elektron İnformasiya Sistemləri və Kibertəhlükəsizlik Komandanlığına rəhbərlik edib və 2014–2016-cı illərdə Quru Qoşunların 3-cü Ordu Korpusunun qərargah rəisi olub.[2]
2016-cı ildə general-polkovnik (korgeneral) rütbəsinə yüksəlib və Baş Qərargahın Şəxsi Heyət İdarəsinə rəis təyin olunub. 9 yanvar 2020-ci ildə Mətin Gürakın Türkiyə Silahlı Qüvvələrində Liviya üzrə vəzifəyə təyin edilməsi ilə əlaqədar olaraq Baş Qərargah rəisinin müavini vəzifəsini müvəqqəti icra etməyə başlayıb.[6] 24 avqust 2021-ci ildə bu vəzifəyə rəsmi olaraq təsdiq edilib[7] və həmin ay ona ordu generalı (orgeneral) rütbəsi verilib.[8]
24 dekabr 2021-ci ildə Türkiyənin milli müdafiə naziri Hulusi Akar tərəfindən xidmətlərinə görə Türkiyə Silahlı Qüvvələrinin üstün xidmət medalı ilə təltif olunub.[9]
16 avqust 2023-cü ildə Quru Qoşunları komandanı vəzifəsinə başlayıb. 5 avqust 2025-ci il tarixli Türkiyə Respublikası Prezidentinin Fərmanı ilə Türkiyə Silahlı Qüvvələrinin Baş Qərargah rəisi təyin edilib.[10]
Hürriyyət Bayraqdaroğlu ilə evlidir. İki övladı var.[2]
- ↑ "Kara Kuvvetleri Komutanı Orgeneral Selçuk Bayraktaroğlu" (türk). Kara Kuvvetleri Komutanlığı. 17 avqust 2023 tarixində arxivləşdirilib.
- 1 2 3 4 "Genelkurmay başkanı özgeçmişi" (türk). İstifadə tarixi: 29 dekabr 2025.
- ↑ "Başbakanlık Mevzuatı Geliştirme ve Yayın Genel Müdürlüğü" (türk). 16 iyul 2021 tarixində arxivləşdirilib. İstifadə tarixi: 25 avqust 2021.
- ↑ "Başbakanlık Mevzuatı Geliştirme ve Yayın Genel Müdürlüğü" (türk). 4 avqust 2021 tarixində arxivləşdirilib. İstifadə tarixi: 20 dekabr 2021.
- ↑ "Başbakanlık Mevzuatı Geliştirme ve Yayın Genel Müdürlüğü" (türk). 4 avqust 2021 tarixində arxivləşdirilib. İstifadə tarixi: 25 avqust 2021.
- ↑ Müyesser Yıldız. "Yerine kim geldi" (türk). OdaTV. 20 yanvar 2020.
- ↑ "Türk Silahlı Kuvvetlerinde 141 general ve amirale yeni görev" (türk). Anadolu Ajansı. 25 avqust 2021. 25 avqust 2021 tarixində arxivləşdirilib.
- ↑ "YAŞ kararları açıklandı: 17 general ve amiral bir üst rütbeye, 56 albay ise general ve amiralliğe yükseltildi" (türk). Anadolu Ajansı. 4 avqust 2021. 4 avqust 2021 tarixində arxivləşdirilib.
- ↑ "Bakan Akar: TSK, Cumhuriyet tarihinin en yoğun günlerini yaşıyor" (türk). Hürriyet. 24 dekabr 2021. 24 dekabr 2021 tarixində arxivləşdirilib. İstifadə tarixi: 24 dekabr 2021.
- ↑ "Selçuk Bayraktaroğlu, Genelkurmay Başkanı oldu". birgun.net (türk). İstifadə tarixi: 5 avqust 2025.