Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSəhih İbn Xuzeymə (ərəb. صحيح ابن خزيمة) — İbn Xuzeymənin müəllifi olduğu hədislə bağlı qələmə alınmış əsər.[1]
| Səhih İbn Xuzeymə | |
|---|---|
| ərəb. صَحِيحُ ابْنِ خُزَيْمَةَ | |
 | |
| Müəllif | İbn Xuzeymə |
| Orijinalın dili | ərəb dili |
| Ölkə | |
Əsərin tam adı "Müxtəsərül-müxtəsər minəl-müsnəd ənin-nəbi səllallahu əleyhi və səlləm bi-nəqlil-ədl ənil-ədl mövsulən ileyhi səllallahü əleyhi və səlləm min qeyri-qət fil-isnad və lə cərh fi nəqilil-əxbərilləti nəzküruhə bi-məşiətillahi Təalə"dir. Əsəri ilk dəfə "əs-Səhih" adlandıran (çox güman ki) Munziri olmuşdur.[2] Əsərin adından onun daha genişhəcmli başqa bir əsərin müxtəsəri olduğu məlum olur. Mustafa İşığa görə, əsərin bəzi hissələrində "Kitabül-Kəbir"ə (cild I, 249, 290, 312, 342), "Kitabüt-Tövhid"ə, "əl-Müxtəsər"ə və "əl-Kəbir"ə edilən eyhamlar bunu sübut edir.
Müəllif əsərini kitab və bablara (hissələrə) bölmüşdür. Müəllif hədislərin əldə etdiyi bütün sənədləri təqdim etmiş, ehtiyac duyduğu yerlərdə rical haqqında məlumatlar vermiş və ləfz (söz) fərqliliklərinə eyham vuraraq paradoks təşkil edən məqamları uzlaşdırmağa çalışmışdır. Müəllif həmçinin bablara ayırdığı əsərinin bab başlıqlarında fiqhi görüşlərinə də yer vermiş, hədislərdəki ixtilaflarla bağlı həll yollarına da yer vermişdir. Müəllifin əsərin bab başlıqlarında hədislərin varid səbəblərinə toxunması əsərə fiqhül-hədis görünüşü qazandırmışdır.[3]
Yalnız 1/4-i dövrümüzə qədər gəlib çatan əsəri M. Mustafa əl-Əzəmi "Səhih İbn Xuzeymə" adı ilə nəşr etdirmişdir.[4]
- ↑ "An Evaluation of the Chapter Headings in Ibn Hudhaymah's Sahīh". Journal of Kocatepe Islamic Sciences. 7 (2): 648–667.
- ↑ Munziri. ət-Tərğib vət-Tərhib (ərəb). I. Beyrut. 1979. 43.
- ↑ Işık, Mustafa. "İbn Huzeyme". TDV İslâm Ansiklopedisi. 1999. 20 dekabr 2025 tarixində arxivləşdirilib. İstifadə tarixi: 20 dekabr 2025.
- ↑ Səhih İbn Xuzeymə (ərəb). I–IV. Beyrut. 1975.