Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏbu Məhəmməd Zəkiyyəddin Əbdüləzim ibn Əbdülqəvi ibn Abdillah əl-Munziri (ərəb. المنذري; 27 oktyabr 1185, Qahirə – 2 noyabr 1258, Qahirə) — hədis hafizi.
| Munziri | |
|---|---|
| ərəb. عبد العظيم بن عبد القوي بن عبد الله بن سلامة بن سعد المنذري | |
| Doğum tarixi | 27 oktyabr 1185 |
| Doğum yeri | |
| Vəfat tarixi | 2 noyabr 1258 (73 yaşında) |
| Vəfat yeri | |
| Dəfn yeri |
|
| Tanınmış yetirməsi | İbn bint əl-İraqi[d] |
Hicri 581-ci (1185) ildə Qahirədə (Fustat) doğulub. Əslən suriyalıdır. Əvvəl Hənbəli olub. Daha sonra müəllimlərinin təsirinə düşərək Şafiiliyi[1] mənimsəyib.
İskəndəriyyə, Qəzza, Dəməşq, Qüds və başqa yerlərə dəfələrlə elmi səyahətlər edib. Cəmmaili, İbn əl-Müfəddəl, Əbül-Yum əl-Kindi, İbn Şas, İbn Qudamə, Fəxrəddin ibn Teymiyyə, Yaqut əl-Həməvi və başqa alimlərin elmindən bəhrələnib. 600-ə yaxın mühəddis, fəqih və şairdən (bir çoxu qadındır) əsərlərini rəvayət etmə hüququ (icazət) əldə edib.
Həccə gedib və 20 ilə yaxın mədrəsələrdə müdərrislik (müəllimlik) edib. İbn Xəllikan, İzzəddin Əhməd əl-Hüseyni, Əli Yunini, İbn Dəqiqulid və başqaları ona tələbəlik ediblər. Tələbələri arasında müəllimləri və müasirləri olan alimlər də var idi.
Munziri hicri 656-cı (1258) ildə Qahirədə vəfat etmişdir.[2]
O, "ət-Tərğib vət-Tərhib",[3] "Müxtəsəru Səhihi-Müslüm", "Müxtəsəru Sünəni-Əbi Davud", "Şərhül-Ərbəin"[4] və başqa əsərlərin müəllifidir.
- ↑ Zəhəbi. Siyəru Aləmin-Nubəla (ərəb). XXIII. 319.
- ↑ Kandemir, M. Yaşar. "Münzirî". TDV İslâm Ansiklopedisi. 2006. 20 dekabr 2025 tarixində arxivləşdirilib. İstifadə tarixi: 20 dekabr 2025.
- ↑ "عبد العظيم المنذري". المكتبة الشاملة. 20 dekabr 2025 tarixində arxivləşdirilib. İstifadə tarixi: 20 dekabr 2025.
- ↑ Munziri. Şərhül-Ərbəin (ərəb). Lahor: naşir Z. Əhməd Zühur. 1980.