Rza Mahmudov

1952-ci il yanvarın 23-də Gürcüstanın Qardabani rayonunun Kosalı kəndində anadan olmuşdur. 1956-cı ildə Kosalı kənd orta məktəbinin birinci sinfinə getmiş və 1968-ci ildə həmin məktəbi əla qiymətlərlə bitirmişdir. 1970-ci ildə Azərbaycan Dövlət Universitetinin Geoloji-Coğrafiya fakultəsinə daxil olmuş, 1975-ci ildə həmin fakultəni coğraf-hidroloq ixtisası üzrə ilk məzun kimi fərqlənmə diplomu ilə bitirmişdir. Tələbə dövründə elmə marağı böyük olmuş, ictimai işlərdə xüsusi fəallıq göstərmişdir. İlk elmi məqaləsi tələbə dövründə yayımlanmışdır. Həmin dövrdə ictimai fəallığı ilə seçilərək Bakı Şəhər Xalq Deputatları Sovetinə deputat seçilmişdir. Tələbəlik illərində Moskva, Perm və Tartu universitetlərində "Tələbə Elmi Cəmiyyəti" xətti ilə elmi çıxışlar etmişdir. Moskva, Sankt–Peterburq, Kiyev, Tbilisi, Düşənbə, Helsinki, Cenevrə, Paris, Varna, Tehran, İstanbul, Bakı və s. şəhərlərdə hidrometeorologiyanın müxtəlif sahələri üzrə keçirilən beynəlxalq konfrans, qurultay və konqreslərdə iştirak etmişdir. ^[1]

O, uzun müddət Hidrometeorologiya Elmi-Tədqiqat İnstitutunun və Milli Hidrometeorologiya Departamentinin direktoru vəzifəsində çalışmışdır. Hazırda AMEA Coğrafiya İnstitutunun Hidrologiya şöbəsinin müdiridir.

Beynəlxalq Elmlər Akademiyasının həqiqi üzvüdür. 2005-ci ildə ona “Dünyanın peşəkar hidroloqu” titulu verilmiş, ABŞ Hidrologiya İnstitutunun üzvü seçilmiş və Beynəlxalq Elmlər Akademiyasının qızıl döş nişanına layiq görülmüşdür.

1983-cü ildə "Lənkəran ərazi çaylarının yağış-daşqın axım itkilərinin tədqiqi" mövzusunda namizədlik, 1997-ci ildə "Azərbaycanın dağ çaylarında axımın formalaşmasının təhlili və proqnozu" mövzusunda doktorluq dissertasiyalarını müdafiə etmişdir. 1991-ci ildə dosent, 2004-cü il yanvarın 23-də professor elmi adlarını almışdır. Hidrometeorologiyanın müxtəlif sahələrinə dair 240 elmi məqalənin (bunlardan 60-ı beynəlxalq elmi jurnallarda, konfrans materiallarında, 9 məqalə isə "Springer" nəşriyyatı tərəfindən nəşri qəbul olunan jurnalda dərc edilmişdir) 12 monoqrafiyanın, 2 dərsliyin, 18 metodik vəsaitin, 7 elmi bukletin, 1 patentin (neftlə çirklənmiş torpaqların təmizlənmə üsulu), 6 xəritənin, 4 publisistik elmi əsərin müəllifidir. Əsas elmi fəaliyyəti iqlim dəyişmələrinin su ehtiyatlarına təsiri, hidrometeoroloji proqnozlar, təhlükəli hidrometeoroloji hadisələr, sel və daşqın hadisələrinin proqnozlaşdırılması, Xəzər dənizinin hidrometeorologiyası sahələrini əhatə edir. Eyni zamanda, elmi-pedaqoji fəaliyyət çərçivəsində hidrometeorologiya, hidroloji proqnozlaşdırma və iqlim dəyişmələri üzrə tədris-metodiki işlər aparır.

• Махмудов, Р.Н. (2001). Прогноз дождевых паводков рек Азербайджана. Баку: 215 с.
• Mahmudov, R.N. (2006). Hidrometeorologiya, iqlim dəyişmələri, təbii fəlakətlər və həyat. Bakı: 78 s.
• Mahmudov, R.N. (2008). Azərbaycanda hidrometeoroloji xidmət son üç əsrdə. Bakı: 219 s.
• Mahmudov, R.N. (2008). Azərbaycanın sel kataloqu. Bakı: 104 s.
• Mahmudov, R.N. (2008). Azərbaycanın hidrometeoroloji şəraitini və təhlükəli hidrometeoroloji hadisələrin təhlili. Bakı: 339 s.
• Bağırov, H.Ə., & Mahmudov, R.N. (2009). Antarktidanın iqlimi, qlobal təsirlər. Bakı: 227 s.
• Mahmudov, R.N. (2014). Azərbaycanda təhlükəli hidrometeoroloji hadisələr (azərb., rus, ingilis dillərində). Bakı: 130 s.
• Mahmudov, R.N. (2018). Müasir iqlim dəyişmələri və təhlükəli hidrometeoroloji hadisələr. Bakı: Milli Aviasiya Akademiyasının nəşri, 310 s.
• Mahmudov, R.N. (2018). Müasir iqlim dəyişmələri və təhlükəli hidrometeoroloji hadisələr. AHY, Milli Aviasiya Akademiyası: 231 s.
• Mahmudov, R. (2022). Azərbaycanda regional iqlim dəyişmələri və təhlükəli hidrometeoroloji hadisələr. Bakı: Milli Aviasiya Akademiyası nəşriyyatı, 210 s.
• Mahmudov, Rza. (2022). Biblioqrafiya. Bakı: 152 s.

Dərslik

R.N. Mahmudov. Hidrometriya. Bakı, 2000, 210 s.

Dərs vəsaiti

R.N. Mahmudov. Hidroloji proqnozların əsasları. Bakı, 2002, 155 s.

Metodik vəsait və metodik göstərişlər

• Hidrometeoroloji stansiya və məntəqələr üçün təlimat, buraxılış 3, hissə 1. Bakı, 2008, 175 s.
• Aeroloji müşahidələr. Bakı, 2008, 70 s.
• Dəniz stansiya və məntəqələrində hidroloji müşahidə məlumatlarının ötürülməsi üçün kod MK-02. Bakı, 2009, 28 s.
• Təhlükəli hidrometeoroloji hadisələrin, xəbərdarlıqların verilməsinə dair metodik vəsait. Bakı, 2012, 21 s.
• Turizm sənayesində elmi tədqiqat metodları. Bakı: Turizm və Menecment Universiteti, 2020, 23 s.
• Turizm sənayesində rəqabətlilik. Bakı: Turizm və Menecment Universiteti, 2020, 18 s.
• R.N. Mahmudov. Hidrometeorologiya, iqlim dəyişmələri, təbii fəlakətlər və həyat. Bakı, 2006, 78 s.

Kitab, lüğət, atlas, biblioqrafiya və digər çap işləri

• Azərbaycanın sel xəritəsi. Milli Atlas, Bakı, 2015
• Azərbaycanın hidrometeoroloji şəbəkəsi. Milli Atlas, Bakı, 2015
• Azərbaycanın iqlim xəritəsi. Bakı, 2018

• Nurəddin Uluxanlı

• Nəriman Paşayev

Rza Mahmudov