Rufiz Şirzad oğlu Budaqov (12 iyul 1977, Tivi, Ordubad rayonu – 27 sentyabr 2020, Murovdağ) — Azərbaycan Silahlı Qüvvələrinin giziri, Aprel döyüşləri iştirakçısı, İkinci Qarabağ müharibəsi şəhidi.
| Rufiz Budaqov | |
|---|---|
| Şəxsi məlumatlar | |
| Doğum tarixi | 12 iyul 1977 |
| Doğum yeri | |
| Vəfat tarixi | 27 sentyabr 2020 (43 yaşında) |
| Vəfat yeri | |
| Dəfn yeri | 2 saylı Fəxri Xiyaban |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 1-ci Ordu Korpusu |
| Xidmət illəri | 1995–2004 / 2012–2020 |
| Rütbəsi | |
| Döyüşlər |
Aprel döyüşləri İkinci Qarabağ müharibəsi • Madagizin azad edilməsi |
| Təltifləri |
      |
Rufiz Şirzad oğlu Budaqov 12 iyul 1977-ci ildə Ordubad rayonunun Tivi qəsəbəsində anadan olub.[1] 1984–1994-cü illərdə Tivi kənd tam orta məktəbində təhsil alıb.
1995-ci ilin iyulunda Ordubad Rayon Hərbi Komissarlığı tərəfindən müddətli həqiqi hərbi xidmətə çağırılıb və 1995–1997-ci illərdə "N" saylı hərbi hissədə xidmət edib.
1998-ci ilin martında Azərbaycan Silahlı Qüvvələrin Təlim və Tədris Mərkəzində "Gizir Hazırlığı Kursu"na qatılıb. Müdafiə Nazirliyinin əmri ilə "gizir" hərbi rütbəsi verilib və N saylı hərbi hissəsində tankçı olaraq xidmətə başlayıb. iyun 2004-cü ildə səhhətində yaranan problemə görə təqaüdə göndərilib. Tam müalicədən sonra iyun 2012-ci ildə yenidən hərbi xidmətə qayıdıb.
2016-cı ilin 2–5 aprelində Azərbaycan və Ermənistan arasında baş verən Aprel döyüşləri zamanı cəbhənin Goranboy–Tərtər istiqamətlərində gedən hərbi əməliyyatlar zamanı döyüş tapşırığının icrasında fərqlənib.
2020-ci ilin sentyabrın 27-də başlanan İkinci Qarabağ müharibəsi zamanı Madagizin azad edilməsi uğrunda gedən hərbi əməliyyatlar zamanı da fərqlənib. 29 sentyabr 2020-ci ildə Madagiz istiqamətində şəhid olub. 2 saylı Fəxri Xiyabanda dəfn olunub. Müharibə zamanı xüsusi xidmətləri nəzərə alınaraq ölümündən sonra "Qarabağ" ordeni ilə[2], həmçinin "Suqovuşanın azad olunmasına görə" və "Vətən uğrunda" medalları ilə təltif edilib.[3][4]
Müxtəlif illərdə müdafiə nazirlərinin əmrləri ilə 2-ci və 3-cü dərəcəli "Qüsursuz xidmətə görə" medalları, "Azərbaycan Ordusunun 100 illiyi" yubiley medalı ilə, həmçinin fəxri fərmanlarla da təltif edilib.
Evli idi, 1 oğlu və 2 qızı var.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.e-qanun.az ( (az.)). 01.10.2022. 2022-09-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-11-17 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Suqovuşanın azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli 2720 nömrəli Sərəncamı". www.e-qanun.az ( (az.)). 01.10.2022. 2024-05-23 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli 2349 nömrəli Sərəncamı". www.e-qanun.az ( (az.)). 01.10.2022. 2022-09-22 tarixində arxivləşdirilib. İstifadə tarixi: 01.10.2022.