Roza Şəhidovna Talxiqova (3 iyul 1965, Qroznı — Çeçenistan şairəsi, Rusiya Jurnalistlər İttifaqının (2003), Çeçenistan Yazıçılar İttifaqının (1996) və Rusiya Yazıçılar İttifaqının (2002) üzvü.[1]
| Roza Talxiqova | |
|---|---|
| Roza Şəhidovna Talxiqova | |
 | |
| Doğum tarixi | 3 iyul,1965 |
| Doğum yeri | |
| Vətəndaşlığı |
 Rusiya |
| Milliyyəti | Çeçen |
| Fəaliyyəti | şairə |
| Əsərlərinin dili | rus dili |
| Janr | şer |
Roza Talxiqova Qroznıda anadan olub və boya başa çatıb. İlk şeirini 10 yaşında yazıb.[2]
Səid Çaxkiyevin rəhbərliyi altında gənc "Prometey İskrası" ədəbi yaradıcılıq dərnəyinə qatılmağa başlayanda yaradıcılığa başlamışdır.
Ardıcıl mükafatlar qazandığı respublika ədəbi yarışmalarında iştirak etmişdir. 1983-cü ildə Çeçen ədəbiyyatının banisi Səid Baduyevə həsr olunmuş müsabiqəsində ikinci yeri tutub. Şeirləri müntəzəm olaraq yerli qəzet və jurnallarda dərc olunurdu. Tez-tez radio və televiziyaya dəvət alırdı.
1982-ci ildə şeirləri "Komsomol nəsli" respublika qəzetində dərc olunur. Talxiqovanın "Səhərin əks-sədası" (1982), "Köklərə yüksəlmə" (1985) şeir kitabları dərc edilmişdir. Habelə onun yazdığı şeirlər çeçen dili ilə yanaşı balkar və kabardin dillərinə çevrilmişdir. Roza Talxiqovanın şeirləri Moskva, Kabarda-Balkar dövri mətbu nəşrlərində nəşr olunmuşdur.
Roza Talxiqova Səid Çaxkiyevi ədəbi uğur yolunda əsas hamisi hesab edir. Çaxkiyev ona şeiri anlamağı öyrətmiş və ədəbi karyerasında iştirak etmişdir. Rozanın evlənəcəyini öyrəndikdən sonra, Səid Çaxkiyev onun nişanlısına Rozanın istedadının olduğunu və bunun inkişaf etdirilməsi lazım olduğunu izah etdi. Ailə həyatının Rozanın təhsilinə mane olmayacağı vəd verməsini istədi.[3]
1990-cı ildə A. M. Qorki adına Moskva Ədəbiyyat İnstitutunu bitirib. "Vaynax" ədəbi-bədii jurnalının poeziya şöbəsinin redaktoru, Çeçenistan Respublikasında insan hüquqları üzrə ombudsman aparatının baş mütəxəssisi kimi çalışıb.
Talxiqovanın sözləri, öz etirafına görə, avtobioqrafikdir. Onun yaradıcı baqajında 150-dən çox əsər var. Hal-hazırda Roza nəsrlə məşğul olur, təəssüf ki, respublikada az tanınan çeçen qadınlarının taleyi haqqında yazılar yazır.
Məşhur ifaçılar tərəfindən ifa olunan şeirləri üzərində bir neçə mahnı yazılmışdır.[4].
1995-ci ildə Roza Çeçenistan Respublikası Yazıçılar İttifaqına qəbul edilib. 2002-ci ildə Rusiya Yazıçılar İttifaqının üzvü də seçilmişdir.
2013-cü ildən bu günə qədər "İstoki" uşaq jurnalının (www.istoki-chr.ru) təsisçisidir.
- ↑ "Роза Талхигова — душа поэта". 2021-10-05 tarixində arxivləşdirilib. İstifadə tarixi: 2021-10-05.
- ↑ "Роза Шахидовна Талхигова". 2016-08-17 tarixində arxivləşdirilib. İstifadə tarixi: 2021-10-05.
- ↑ "Биография". 2016-08-20 tarixində arxivləşdirilib. İstifadə tarixi: 2021-10-05.
- ↑ "Розе Талхиговой исполнилось 50". 2016-09-19 tarixində arxivləşdirilib. İstifadə tarixi: 2021-10-05.
- Бетуганов А. А. Знаменитые женщины Кавказа (2000 nüs.). ru:Нальчик: «Эль-Фа». 2008. 561–567. ISBN 978-5-88195-877-0.