Romen Sardu (fr. Romain Sardou; 6 yanvar 1974[1][2][…], Bulon-Biyankur, Fransa metropoliyası) — Fransa yazıçısı. Roman Sardu tarixi roman janrında xüsusi üslubu ilə tanınır və oxucularına keçmiş dövrləri real və təsirli şəkildə təqdim edir. Məşhur Fransa müğənnisi və bəstəkarı Mişel Sardunun oğlu, komediya aktyoru Devi Sardunun qardaşıdır.[3]
| Romen Sardu | |
|---|---|
| fr. Romain Sardou | |
 | |
| Doğum tarixi | 6 yanvar 1974[1][2][…] (51 yaş) |
| Doğum yeri | |
| Fəaliyyəti | romançı, yazıçı, fantastika yazıçısı[d] |
 Vikianbarda əlaqəli mediafayllar | |
Romen Sardu 6 yanvar 1974-cü ildə Fransanın Bulon-Biyankur şəhərində anadan olub. O, sənətkar ailəsində böyüdüyü üçün kiçik yaşlarından musiqi və ədəbiyyata böyük maraq göstərmişdir. O, xüsusilə opera sənətinə və Rixard Vaqnerin musiqisinə heyran idi. Akademik təhsilini tamamlamaq əvəzinə, dramaturq olmağa qərar verərək teatr dərsləri almağa başladı. Ardınca, dörd il boyunca kənd həyatına çəkilərək tarixçilərin əsərlərini öyrəndi və tarixi araşdırmalara yönəldi.
Sardo yazıçılıq fəaliyyətinə uşaqlar üçün ssenarilər yazmaqla başladı. O, bir müddət Los-Ancelesdə yaşayaraq ssenari yazmaq təcrübəsi qazandı. Daha sonra Fransaya qayıdaraq ilk romanını yazdı. Onun ilk romanı 2002-ci ildə yazdığı "Günahlarımızı bağışlayın" (Pardonnez nos offenses) əsəridir. 2002-ci ildə nəşr olunan əsər böyük oxucu marağı qazandı. Bu əsər orta əsrlərdə kilsənin gücü və siyasi intriqalar ətrafında cərəyan edən hadisələri təsvir edir. O, bu romanında tarixi detalları realistik şəkildə təsvir edərək oxucularına keçmişin qaranlıq dünyasını canlandırır.[4]
Sardonun yazı üslubunda tarixi detallara, dini mövzulara və dərin fəlsəfi suallara böyük önəm verir. O, tarixi hadisələri real kontekstdə təqdim etməklə yanaşı, qəhrəmanlarının psixoloji dünyasını da incəliklə işləyir. Onun digər məşhur romanları arasında aşağıdakıları fərqlənirmək olar:[5]
- Tanrının parıltısı (L'Éclat de Dieu) – dini və mistik elementlərlə zəngin tarixi roman;
- Yeni ildən bir saniyə əvvəl (Une Seconde avant Noël) – fərqli üslubu ilə seçilən, Şaxta Baba mifinə yeni baxış gətirən roman;
- Maxence – tarixi mövzuları əhatə edən komiks seriyası.