Rikardo Cakkoni - (6 oktyabr 1931il, Genuya, İtaliya – 9 dekabr 2018il, San Dieqo, Kaliforniya, ABŞ)[1][2][3][4] İtaliyada anadan olmuş amerikalı fizik və ABŞ Milli Elmlər Akademiyasının üzvü (1971il).[5] O, 2002-ci ildə fizika üzrə Nobel mükafatı laureatı oldu. Mükafatın yarısını "Kosmik rentgen mənbələrinin kəşfinə səbəb olan astrofizika sahəsindəki tədqiqatlarına görə", digər yarısı isə neytrino astronomiyasına verdikləri töhfələrə görə Raymond Devis və Masatoşi Koşibayla bölüşmüşdü.
Rikkardo Cakkoni 6 oktyabr 1931-ci ildə Genuya, İtaliyada anadan olub. 1939-cu ildə anası ilə birlikdə Milana köçüb. 1954-cü ildə Milan Universitetində dissertasiya müdafiə etdikdən sonra orada fizika üzrə dosent vəzifəsinə təyin edilib. 1956-cı ildə Bloomingtondakı İndiana Universitetinə, 1958-ci ildə isə Prinston Universitetində işinə davam edib.[6]
1959-cu ildən etibarən o, Kembricdəki Amerika Elm və Texnologiya Korporasiyasında (ASTC) çalışmışdır. 1966-cı ildə şirkətin direktorlar şurasına təyin edilmiş və 1969-cu ildə vitse-prezident olmuşdur. 1973-cü ildə Massaçusets ştatının Kembric şəhərindəki Harvard-Smitson Astrofizika Mərkəzində Yüksək Enerjili Astrofizika Bölməsinin direktor müavini vəzifəsinə keçib. 1981-ci ildən Kosmik Teleskop Elmi İnstitutunun direktoru və Baltimordakı Cons Hopkins Universitetində professor vəzifələrində çalışıb. 1991-ci ildən 1999-cu ilə qədər Milanda Fizika və Astronomiya professoru olub. 1993-cü ildən 1999-cu ilə qədər Münxen yaxınlığındakı Qarçinqdə yerləşən Avropa Cənub Rəsədxanasının baş direktoru olub. 1999-cu ildə ABŞ-a qayıdıb və o vaxtdan bəri Vaşinqton Birləşmiş Universitetlərinin prezidenti və Baltimordakı Cons Hopkins Universitetində tədqiqat professoru vəzifələrində çalışıb.[7]
Rentgen astronomiyasına verdiyi töhfələrə, xüsusən də Scorpius X-1 mənbəyinin kəşfinə görə Rikkardo Cakkoni 2002-ci ildə Fizika üzrə Nobel mükafatına layiq görülüb.[8]
- 1956–58-ci illərdə - Fulbrayt Təqaüdçüsü,
- 1966 -cı ildə -Helena Uorner Mükafatı, Amerika Astronomiya Cəmiyyəti,
- 1971-ci ildə -NASA-nın Elmi Nailiyyətlərə Görə Medalı,
- 1972-ci ildə -NASA-nın Dövlət Xidmətlərinə Görə Mükafatı,
- 1975-ci ildə -Rixtmayer Xatirə Mükafatı,
- 1980-ci ildə -NASA-nın Elmi Nailiyyətlərə Görə Medalı,
- 1980-ci ildə -Elliott Cresson Medalı, Franklin İnstitutu, Filadelfiya,
- 1981-ci ildə -Ketrin Bryus Qızıl Medalı, Sakit Okean Astronomiya Cəmiyyəti,
- 1981-ci ildə-Astrofizika üzrə Dannie Heinemann Mükafatı,Amerika Astronomiya Cəmiyyəti, Amerika Fizika İnstitutu,
- 1981-ci ildə - Henri Norris Rassel Mükafatı, Amerika Astronomiya Cəmiyyəti,
- 1982-ci ildə -Kral Astronomiya Cəmiyyətinin Qızıl Medalı, 1982
- 1982-ci ildə -Təbiət Elmləri üzrə Kressi Morrison Mükafatı, Nyu-York Elmlər Akademiyası,
- 1987-ci ildə -Fizika üzrə Volf Mükafatı,
- 2000-ci ildə - Marsel Qrossman Mükafatı,
- 2002-ci ildə -Fizika üzrə Nobel Mükafatı,
- 2002-ci ildə -İtaliya Respublikasının Xidmətlərinə görə Böyük Xaç Ordeni,[9]
- 2003-cü ildə -Amerika Milli Elm Medalı,
- 2004-cü ildə -Alman Astronomiya Cəmiyyətinin Karl Şvartsşild Medalı,
- 2005-ci ildə -Mədəniyyət və İncəsənətin İnkişafına Töhfələrə görə Qızıl Medal,[10]
- ↑ Riccardo Giacconi // Encyclopædia Britannica (англ.)
- ↑ Riccardo Giacconi // Brockhaus Enzyklopädie (нем.) — F.A. Brockhaus, 1796.
- ↑ http://www.esa.int/Our_Activities/Space_Science/Riccardo_Giacconi_1931_2018
- ↑ Riccardo Giacconi // Munzinger Personen (нем.)
- ↑ Riccardo Giacconi
- ↑ Riccardo Giacconi // Brockhaus Enzyklopädie (нем.) — F.A. Brockhaus, 1796.
- ↑ Riccardo Giacconi // Munzinger Personen (нем.)
- ↑ Riccardo Giacconi // Encyclopædia Britannica (англ.)
- ↑ Giacconi Prof. Riccardo. 2002. Дата обращения: 25 февраля 2024. Архивировано 25 февраля 2024 года.
- ↑ Giacconi Prof. Riccardo. 2005. Дата обращения: 25 февраля 2024. Архивировано 25 февраля 2024 года.