Rezolyut desk

Heys masası kimi də tanınan Rezolyut desk (ing. Resolute desk, Qətiyyətli masa) — ən son beş prezident də daxil olmaqla, Ağ Evdə ABŞ-nin bir neçə prezidenti tərəfindən Oval kabinet masası kimi istifadə edilən XIX əsrdə hazırlanan tərəfdaşlar masası. Yazı masası, Kraliça Viktoriyanın 1880-ci ildə prezident Raterford B. Heysə hədiyyəsi olub və HMS Resolyut adlı Britaniya Arktika kəşfiyyat gəmisinin palıd ağacından tikilib. 590 kq ağırlığı olan masa Kentdəki Çethem tərsanəsində (ing. Chatham Dockyard) bacarıqlı usta Vilyam Evenden və çox güman ki, Morant, Boyd və Blanford tərəfindən hazırlanmışdır. Masa iki dəfə dəyişdirilib: 1945-ci ildə diz dəliyi və 1961-ci ildə 5,1 santimetrlik postament əlavə edilib

HMS Rezolyut gəmisi 1854-cü ildə ser Con Franklini və onun itmiş ekspedisiyasını axtararkən Arktikada tərk edilib. Gəmi 1855-ci ildə, Amerika balinaovlayan gəmisindən olan Corc Henri tərəfindən tapılır, təmir edilir və 1856-cı ildə ABŞ tərəfindən xoşməramlı bir jest olaraq Böyük Britaniyaya qaytarılır. Gəmi 1879-cu ildə istismardan çıxarılır, parçalanır və taxtalarından üç masa düzəldilir. Kraliça Viktoriya bu masalardan birini Amerika prezidenti Raterford B. Heysə göndərir. Rezolyut desk masası 1880-ci il noyabrın 23-də Ağ Evdə qəbul edilib və 1948-ci ildən 1952-ci ilə qədər Ağ Evin yenidən qurulmasına qədər Prezident Adminstrasiyasında istifadə edilib. Yenidənqurmadan sonra masa Duayt D. Eyzenhauer radio və televiziya verilişləri zamanı istifadə etdiyi Yayım Otağına yerləşdirilir. Jaklin Kennedi masanı yenidən kəşf etdi və 1961-ci ildə onu Oval Ofisə gətizdirdi. Yazı masası Con Kennedinin qətlindən sonra Ağ Evdən yığışdırılıb və Kennedi Prezident Kitabxanasının eksponatlarından ibarət səyyar sərgiyə çıxıb. Prezident Cimmi Karter masanı 1977-ci ildə Ağ Evə qaytarılır və o, 2025-ci ilə qədər orada qalır. 2025-ci ildə prezident Donald Tramp yenidən işlənməsi üçün masanın müvəqqəti çıxarılması əmrini verir.^[1]

Rezolyut desk masasının bir çox surətləri hazırlanmışdır. İlk surət 1978-ci ildə Massaçusets ştatının Boston şəhərindəki Con Kennedi adına Prezident Kitabxanasında daimi nümayiş etdirmək üçün istifadəyə verilmişdir və o vaxtdan bəri başqa beş prezident kitabxanası və bir çox muzey, kitabxana, turistik yerlər, şəxsi evlər və ofislər masanın surətlərini əldə etmişlər.