Rövşanə Vaqif qızı Rəhimova (8 iyul 1984, Əli-Bayramlı) — Azərbaycan vəkili. O, əsasən insan hüquqları üzrə fəaliyyəti ilə tanınır. Rəhimova on ildən artıq müddətdə insan hüquqlarının müdafiəsi ilə məşğul olmuş, xüsusilə qadınların hüquqlarına və məişət zorakılığına qarşı mübarizəyə diqqət yetirmişdir. 2021-ci ilin aprel ayından Azərbaycan Respublikasının Vəkillər Kollegiyasının üzvü kimi fəaliyyət göstərən Rəhimova ölkədə onlarla siyasi məhbusun hüquqlarını müdafiə etmişdir.
| Rövşanə Rəhimli | |
|---|---|
 | |
| Doğum tarixi | 8 iyul 1984 (41 yaş) |
| Doğum yeri | |
| Təhsili | |
| Fəaliyyəti | insan hüquqları fəalı, vəkil |
| Fəaliyyət illəri | 2014-cü ildən |
 Vikianbarda əlaqəli mediafayllar | |
Rövşanə Vaqif qızı Rəhimova 8 iyul 1984-cü ildə Şirvan şəhərində anadan olmuşdur. Orta təhsilini Şirvan şəhərində 10 nömrəli tam orta məktəbdə və Bakı şəhərində H. Mahmudbəyov adına 2 nömrəli texniki-humanitar elmlər liseyində alıb. O, ali hüquq təhsilini Odlar Yurdu Universitetində almışdır.
2021-ci ilin aprel ayında Rəhimova Azərbaycan Respublikasının Vəkillər Kollegiyasının üzvü olmuşdur. O, 2022-ci ilin sentyabrında həbs olunmuş vəkil Elçin Sadıqovun, 2022-ci ilin dekabrında həbs olunmuş siyasətçi Bəxtiyar Hacıyevin,[1] 2023-cü ilin avqustunda həbs olunmuş İstanbul Universitetinin doktorantı Fazil Qasımovun,[1] 2023-cü ilin noyabrında həbs olunmuş "AbzasMedia" jurnalisti Nərgiz Absalamovanın,[1] 2023-cü ilin dekabrında həbs olunmuş hüquq müdafiəçisi İlhamiz Quliyevin,[2] 2024-cü ilin martında həbs olunmuş ictimai fəal İlkin Əmrahovun,[1] 2024-cü ilin iyulunda həbs olunmuş tədqiqatçı İqbal Əbilovun,[1] həmçinin 2024-cü ilin dekabrında həbs olunmuş hüquq müdafiəçisi Rüfət Səfərovun, "Meydan TV" jurnalisti Aysel Umudovanın, siyasətçi Azər Qasımlının[3] və 2025-ci ilin mayında həbs olunmuş Amerikanın Səsisinin jurnalisti Ülviyyə Əli müdafiəsini həyata keçirmişdir.
20 oktyabr 2021-ci il Azərbaycan Respublikası Vəkillər Kolegiyasının sədri Anar Bağırovun qərarı ilə fəxri fərmanla təltif edilib.[4]
2024-cü ilin oktyabrında Rəhimova beynəlxalq "Güc portretləri – 2024" fotosərgisinin iştirakçılarından biri olmuşdur.[5]
- 1 2 3 4 5 Фаик Меджид. "Азербайджанский адвокат стала одной из героинь международной выставки "Портреты силы-2024". Кавказский узел (rus). 10 may 2025. İstifadə tarixi: 10 may 2025.
- ↑ Фаик Меджид. "Ильхамиз Гулиев приговорен к трем годам лишения свободы". Кавказский узел (rus). 10 may 2025. İstifadə tarixi: 10 may 2025.
- ↑ Фаик Меджид. "Азер Гасымлы арестован по обвинению в вымогательстве". Кавказский узел (rus). 10 may 2025. İstifadə tarixi: 10 may 2025.
- ↑ "Baş Prokurorluğun müraciəti əsasında təltif olunan vəkillərdən AÇIQLAMA". e-huquq.az. 21 oktyabr 2021. İstifadə tarixi: 12 yanvar 2026.
- ↑ Ulviyya Guliyeva. "Portraits of Strength 3rd Edition: Rovshana Rahimova, Azerbaijan". Human Rights House Foundation (ingilis). 10 may 2025. İstifadə tarixi: 10 may 2025.