Qurban Musayev (Tam adı:Qurban İsabala oğlu Musayev; d.16 mart 1903; Bakı, Mərdəkan - ö.23 noyabr 1982, Bakı) — Şair, yazıçı, pedaqoq, dramaturq, 1938-ci ildən Azərbaycan Yazıçılar Birliyinin üzvü, Azərbaycan əməkdar mədəniyyət işçisi (1953).
| Qurban Musayev | |
|---|---|
| Qurban İsabala oğlu Musayev | |
 | |
| Doğum tarixi | |
| Doğum yeri | Bakı, Mərdəkan |
| Vəfat tarixi | (79 yaşında) |
| Vəfat yeri | Bakı |
| Vətəndaşlığı |
 Azərbaycan →  SSRİ |
| Milliyyəti | azərbaycanlı |
| Təhsili | ADU-nun şərqşünaslıq fakültəsi |
| Fəaliyyəti | dramaturq |
1903-cü il martın 16-da Bakının Mərdəkan qəsəbəsində dülgər ailəsində anadan olub. İbtidai təhsilini mollaxanada almış, 1915-19-cu illər Mərdəkanda aptekdə şagird işləmişdir. Atasının ölümündən sonra axşam məktəblərində təhsilini davam etdirəm dramaturq gündüzlər korrektor, müxbir, tərcüməçi və b. vəzifələrdə çalışmış, orta məktəbi bitirdikdən sonra ADU-nun şərqşünaslıq fakültəsinə daxil olımuşdur. 1929-cu ildə Bakı şəhəri və rayon zəhmətkeş deputatları Sovetinə deputat seçilmiş, 1932-ci ildə Yazıçılar Təşkilatı yenidən yarandıqdan sonra öz əsas yaradıcılıq fəaliyyəti ilə məşğul olmuşdur. M.Əzizbəyov adına Azərbaycan Dövlət Dram Teatrında ədəbi işçi və kino-dramaturgiyanı öyrənmək üzrə kino-məsləhətçi, ədəbi hissə müdiri işləmişdir. 1932-35-ci illərdə neftçilərin həyatından yazdığı "Qızıl bulaq", "Şərqin qalası" pyesləri tamaşaya qoyulmuş, "Ölüm dərəsi" kino-ssenarisi Bakı kinostudiyasında çəkilmişdir. 1935-ci ildə Moskva akademiya tipli ssenari fakültəsində natamam ali təhsil almışdır. 1982-ci il noyabrın 23-də Bakıda vəfat etmişdir. [1]
1937-38-ci illərdə Gənc tamaşaçılar teatrında pedaqoji hissə müdiri, Azərbaycan Dövlət teatr məktəbində müəllim, 1942-ci ildən Azərbaycan SSR Nazirlət Soveti yanında incəsənət işləri idarəsində təlimatçı vəzofəsində işləmişdir. Vətən müharibəsi mövzusunda "Hücum" pyesini yazmışdır. Birpərdəli pyeslər yazmış, "Arran qartalı" beşpərdəlik pyesini qələmə almışdır. 1945-49-cu illərdə Mingəçevir, Şamxor, Quba Dövlət Dram Teatrlarında direktor və bədii rəhbər işləmişdir. "Güllər", "Qızıl bulaq", "Şərqin qalası", "Arran şahzadəsi", "Sülhün keşiyində", "Yeni sahillər" və b. pyesləri Azərbaycanda və onun hüdudlarından kənarda tamaşaya qoyulmuşdur. 1949-cu ildə Bakıda teatr institutunda işə götürülən Q.Musayev 1948-1972-ci illərdə Azərbaycan Mədəniyyət Nazirliyində repertuar şöbəsinin redaktoru, 1972-73-cü illərdə respublika Xalq Yaradıcılıq evində teatr şöbəsinin müdiri, direktoru işləmişdir. 1974-cü ildən fərdi təqaüdə çıxmışdır. SSR Ali Sovetinin, ÜİLKGİ MK-nın, Moldaviya, Tatarıstan, Ulyanovsk vilayəti, Azərbaycan SSR Ali Sovetlərinin Fərmanları ilə mükafatlandırılmışdır.
- Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı. Bakı: "Nurlar", 2011.
- ↑ "Qurban Musayev (Musazadə)". 2019-07-15 tarixində arxivləşdirilib. İstifadə tarixi: 2019-07-15.