Butun axtardiqlarinizi tapmaq ucun buraya: DAXIL OLUN
  Video Mp3 Axtar Yukle
  Mp3 Yukle Mp3 Axtar
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Qulam Yəhya

Fədai, siyasətçi, general-mayor, Azərbaycan Milli Hökumətinin Xalq qoşunları nazirinin müavini.
  • Məqalə
  • Müzakirə

Qulam Yəhya və ya Qulam Danişian (1906, Əsgərabad, Şərqi Azərbaycan ostanı – 1986, Bakı) — fədai, siyasətçi, general-mayor, Təbrizdə qurulmuş Azərbaycan Milli Hökumətinin Xalq qoşunları nazirinin müavini, Azərbaycan Milli Hökumətinin Milli Məclisinin üzvü. Kommunist Partiyasının, Tudə Partiyasının üzvü və Azərbaycan Demokrat Firqəsinin sədri.

Qulam Yəhya
Azərbaycan Demokrat Firqəsinin sədri
avqust 1959 – oktyabr 1979
Azərbaycan vilayətinin Nigəhbanlıq İdarəsinin rəisi
13 iyun 1946 – 12 dekabr 1946
Azərbaycan Milli Hökumətinin Müdafiə nazirinin müavini
12 dekabr 1945 – 13 iyun 1946
Şəxsi məlumatlar
Doğum tarixi 1906
Doğum yeri
  • Əsgərabad, Sarab şəhristanı, Şərqi Azərbaycan ostanı, İran
Vəfat tarixi 1986
Vəfat yeri
  • Bakı, Azərbaycan SSR, SSRİ
Dəfn yeri
  • Fəxri Xiyaban
Partiya
  • Sovet İttifaqı Kommunist Partiyası (1925–),
  • İran Tudə Partiyası (1941–1945),
  • Azərbaycan Demokrat Firqəsi (1945–1986)
Təhsili
  • Bakı Ali Partiya Məktəbi
Fəaliyyəti siyasətçi
Hərbi xidmət
Döyüşlər 21 Azər hərəkatı
Rütbəsi general-mayor
Təltifləri "21 Azər" medalı — 19461946 "Səttarxan" ordeni "Qırmızı əmək bayrağı" ordeni
Vikianbarın loqosu Vikianbarda əlaqəli mediafayllar

Milli-demokratik hərəkatda iştirak etdiyi üçün Azərbaycan Milli Hökuməti tərəfindən "21 Azər" medalı və "Səttarxan" ordeni ilə təltif olunub.

1986-cı ildə Bakıda vəfat edib və Fəxri Xiyabanda dəfn olunub.

Mündəricat

  • 1 Həyatı
    • 1.1 21 Azər hərəkatında
    • 1.2 AMH dağıldıqdan sonra
  • 2 Xatirəsi
  • 3 İstinadlar
    • 3.1 Ədəbiyyat
  • 4
    • 4.1 Kitabı

Həyatı

Qulam Yəhya oğlu Danişian 1906-cı ildə Sərab mahalının Əsgərabad kəndində anadan olub.[1][2] 1918-ci ildə Bakıya gələrək atası ilə birlikdə Sabunçu qəsəbəsində yaşayıb.[3] 1920-ci ildən çilingər köməkçisi daha sonra isə çilingər işləyib.[1][4]

1925-ci ildə Kommunist Partiyasına üzv olub.[4][5] 1927–1929-cu illərdə Bakıda Partiya Məktəbinidə təhsil alıb. 1931-ci ilə qədər Bakıda Lenin rayonu partiya komitəsində işləyib. 1931-ci ildən 1935-ci ilə qədər Lenin rayon partiya komitəsində kadrlar üzrə şöbə müdiri, rayon zəhmetkeş deputatlar şurasının sədri vəzifəsində fəaliyyət göstərib. 1935–1937-ci illərdə Azərbaycan Xalq Təsərrüfatı İnstitutunda təhsil alıb.[4][5] 1937-ci ildə İrana geri qayıdıb.[3][6] Öz yaşadığı kəndə çatmamış İran polisi tərəfindən həbs olunaraq Ərdəbildə həbsxanaya salınıb.[5] 1939-cu ildə həbsdən azad olunaraq doğulduğu kəndə sürgün edilir.[4][7] Daha sonra Miyanəyə gedərək 1939-cu ildən 1941-ci ilə qədər dəmiryolu idarəsində mexanik işləyib.[3]

1941-ci il avqustun 25-də SSRİ ordusu Cənubi Azərbaycana daxil olub.[8][9] Bundan sonra bir çox partiya və təşkilatlar yaranmağa başladı. 1941-ci ildə Tudə Partiyasına üzv olub.[4][10] Partiyanın Sərab vilayət komitəsinə rəhbərlik edib.[11] 1942-ci ildə yenidən həbs olunaraq Tehrana aparılıb.[12] 1943-cü ildə həbsdən azad olunub və partiyanın Miyanə vilayət komitəsinə sədr seçilib.[13][14][15] Miyanədə yerləşən İşlə kəndində Abbasəli Pənbeyi ilə birlikdə, mülkədar Ənsari və onun tərəfdarları tərəfindən döyülərək diri-diri basdırılıb.[16]

21 Azər hərəkatında

1945-ci ilin sentyabr ayında yaradılmış Azərbaycan Demokrat Partiyasına qoşulub. Firqənin I qurultayında iştirak edib və Mərkəzi Təftiş Komissiyasına üzv seçilib. Partiyanın Miyanə şəhər komitəsini yaradıb.[17]

1945-ci il noyabrın 8-də Azərbaycan Demokrat Firqəsinin Mərkəzi Komitəsinin iclası baş tutub.[18] Bu iclasda fədai dəstələrinin yaradılması haqda qərar qəbul edildi.[18][19] və Miyanə fədailərinin başçısı Qulam Yəhya seçildi.[20][21] 1945-ci ilin noyabrın 15-də rəhbərlik etdiyi dəstə Sərab və Miyanədə jandarm postlarını tərk-silah edib.[22] Daha sonra noyabrın 25-də Miyanə şəhərinin şah qoşunlarından təmizlənməsinə rəhbərlik edib.[17][23] Bununla da Miyanə şəhəri şah qoşunlarından təmizlənən ilk şəhər olub. 1945-ci il dekabrın 6-da Seyid Cəfər Pişəvərinin göstərişi ilə Təbrizə çağırılıb.[24] Təbriz jandarm idarəsinin tərk-silah olunmasına rəhbərlik edib.[25][26]

1945-ci il noyabrın 27-dən dekabrın 2-ə qədər İran tarixində ilk dəfə qadınların da iştirak etdiyi azad seçkilər keçirilib.[27][19][28] Seçkilər nəticəsində Qulam Yəhya Azərbaycan Milli Məclisinə Sərabdan nümayəndə seçildi.[29] 1945-ci il dekabrın 12-də Azərbaycan Milli Hökuməti qurulduqdan sonra Qulam Yəhya xalq qoşunları naziri Cəfər Kavianın müavini seçilib.[30][31] Milli Məclisin birinci iclası dekabrın 12-də keçirilib.[32][33] Bura seçilən nümayəndələrdən 26 nəfəri xidmətdə olduqları üçün məclisin ilk iclasında iştirak edə bilmirlər. Onlardan biri də Qulam Yəhya olub.[34]

Azərbaycan Milli Hökumətinin Milli Məclisi 1945-ci il dekabrın 20-də "Qızılbaş" xalq qoşunlarının yaradılması haqqında qanun qəbul etdi.[35][36] Milli Hökumət yeni yaranmış qoşunlarına Şah İsmayıl Xətainin öz ordusuna verdiyi adı, "Qızılbaş" adını verdi. "Qızılbaş" Xalq Qoşunlarının baş hərbi qərargahı yaradıldı.[35][37] Bu qərargaha Cəfər Kavian, Əbdülqasım Əzimi, Qulam Yəhya, Seyid Cəfər Pişəvəri, Mirzə Rəbi Kəbiri, Mahmud Pənahiyan, Nəvai, Möhsün Milaniyan, Əbdülrza Azər seçildilər.[35][36]

1946-cı ilin yanvar ayında Zəncanda aparılan işlərə dəstək vermək və orada təhlükəsizliyi qorumaq məqsədilə göndərilən fədailərə rəhbərlik edib.[38][39][40] 17 fevral tarixində rəhbərlik etdiyi 600 fədai ilə birlikdə Zülfüqarinin dəstələrinə qarşı döyüşüb və onları bölgəni tərk etməyə məcbur edib.[41][42] Döyüşlərdə göstərdiyi şücaətə görə general rütbəsi alan 3 nəfərdən biri olub.[43][44]

1946-cı ildə milli-demokratik hərəkatda iştirak etdiyi üçün "21 Azər" medalı və "Səttarxan" ordeni ilə təltif edilib.[45][46]

1946-cı il iyunun 13-də İran və Azərbaycan Milli Hökuməti arasında imzalanmış müqaviləyə əsasən əyalət əncüməni tərəfindən yaradılmış Nigəhbanlıq İdarəsinin rəisi təyin edilib.[3][47] Bundan başqa müqaviləyə əsasən Zəncan İran hökumətinə təhvil verildiyi üçün Qulam Yəhya və rəhbərlik etdiyi fədailər Miyanəyə yerləşdilər.[48]

1946-cı il dekabrın 5-də Miyanə istiqamətində hücum edən şah qoşunları Qulam Yəhyanın rəhbərlik etdiyi fədailər tərəfindən dayandırıldı.[49][50] Azərbaycanın müxtəlif ərazilərindən insanlar silahlanmaq və şah qoşununa qarşı mübarizə aparmaq üçün Milli Hökumətə müraciətlər edirdilər.[51] Bundan sonra Pişəvərinin rəhbərliyi ilə Müdafiə Komitəsi quruldu.[52][53] Bu komitəyə Hacı Mirzə Əli Şəbüstəri, Qazi Məhəmməd, Qulam Yəhya, Mahmud Pənahiyan və Sadiq Padeqan üzv oldular.[51][54] Komitənin ilk işi Təbrizdə hərbi vəziyyət elan edib, "Babək" adlı könüllü dəstələr qurmaq oldu.[51][55][56] Könüllü dəstələrə ilk etapda 600 nəfər üzv oldu.[53][57] Bundan sonra Pişəvəri yenidən hərbi dəstək üçün Sovet İttifaqına müraciət etdi.[51][58] Lakin bu istəyi cavabsız qaldı.[59] Qulam Yəhya 1946-cı ilin dekabr ayının 10-na qədər şah qoşunlarına qarşı müqavimət göstərib. Dekabr ayının 10-da Təbrizə çağırılıb.[60] 1946-cı il dekabrın 11-də Azərbaycan Əyalət Əncüməni qan tökülməsinin qarşısını almaq məqsədilə Qızılbaş Xalq Qoşunlarına və fədai qüvvələrinə şah qoşunlarına qarşı müqavimət göstərməmək və döyüş meydanlarını tərk etmək haqqında qərar verdi.[61][62][63] Elə həmin gündən etibarən İran ordusu iri şəhərlərə girməzdən əvvəl bu şəhərlərdə ərbabların quldur dəstələri eləcə də mülki geyimli jandarmalar qırğınlar törətməyə başladılar.[64][65] Bu dəstələr Tehran radiosu tərəfindən "İran vətənpərvərləri" adlandırılırdılar.[65] Dəstələrin əsas məqsədi demokratların məhv edilməsi və şah qoşununun şəhərlərə girişini təmin etmək idi.[64][65] Təbriz və Azərbaycanın digər şəhərləri talana və qırğınlara məruz qaldılar.[64][66] Azərbaycan Milli Hökuməti süqut etdi.[67][68] 1946-cı il dekabrın 14-də ABŞ və Böyük Britaniya tərəfindən dəstəklənən İran ordusu Təbrizə daxil oldu.[69][70] Bundan sonra da qırğınlar və talan davam etdi.[66][69] Minlərlə insan həbs olundu, sürgün edildi.[71] Baş verən qırğınlarda ADF üzvləri, fədailər eləcə də tanınan şairlərdən Əli Fitrət, Sədi Yüzbəndi, Cəfər Kaşif və Məhəmmədbağır Niknam qətlə yetirildilər.[72][73][74]

AMH dağıldıqdan sonra

Qulam Yəhya da Milli Hökumət dağıldıqdan sonra siyasi mühacir kimi Şimali Azərbaycana gəlib.[75] Mir Cəfər Bağırovun göstərişi ilə o və digər firqə rəhbərləri əvvəlcə Mərdəkanda yerləşdiriliblər.[76]

1947-ci il iyunun 10-da Mir Cəfər Pişəvəri Hacıkənddə təlimdə olan fədailərə eləcə də o bölgəyə yerləşmiş demokratlara baş çəkmək üçün yola çıxıb.[77] İyunun 11-də Nuri Quliyev və Qulam Yəhya ilə birlikdə Gəncədən geri qayıdarkən olduqları maşın qəzaya uğrayıb.[78][79] Hər üçü yaralanaraq xəstəxanaya çatdırılsalar da Mir Cəfər Pişəvərini xilas etmək olmur.[78][80][81] 1954–1957-ci illərdə Moskva Həmkarlar Hərəkatı Ali Məktəbində təhsil alıb.[82][83] 1957–1959-cu illərdə Bakı Ali Partiya Məktəbində dekan kimi işləyib.[4]

1959-cu ilin avqust ayında Azərbaycan Demokrat Firqəsinin sədri seçilib.[84][85] Bu vəzifəni 1979-cu ilin oktyabr ayınadək icra edib.[85]

1960-cı ildə Tudə Partiyasının Mərkəzi Komitəsinin İcraiyyə Heyətinin üzvü seçilib. SSRİ Ali Sovetinin Rəyasət heyətinin fərmanı ilə 60 illik münasibətilə "Qırmızı əmək bayrağı" ordeni ilə təltif edilib.[4]

Qulam Yəhya Danişian 1986-cı il avqustun 16-da Bakıda vəfat edib[86][87] və Fəxri Xiyabanda dəfn olunub.[3]

Xatirəsi

1947-ci ildə rejissoru və ssenaristi Esfir Şub olan Arazın o tayında filmi çəkilib.[88] Film 1945–1946-cı illərdə mövcud olmuş Azərbaycan Milli Hökuməti və ümumilikdə hökumət qurulana qədər baş vermiş proseslər haqqındadır.[88][89] Filmdə həm də Qulam Yəhyanın fədailərlə birlikdə keçirdiyi təlimlər, döyüş hazırlığı da göstərilib.[90]

2016-cı ildə "İranlı Mühacirlər Cəmiyyəti" İctimai Birliyinin təşkilatçılığı ilə Qulam Yəhyanın 110 illik yubileyi qeyd olunub.[91]

Qulam Yəhya Danişian öz xatirələrini qələmə alıb.[92] Xatirələr kitabı 2006-cı ildə Bakıda çap olunub. 2021-ci ildə Səməd Niknam Qulam Yəhyanın ömür yolundan bəhs edən "Xatirələr" kitabını farscaya çevirərək çap etdirib.[4]

İstinadlar

  1. ↑ 1 2 Yəhya, 2006. səh. 7
  2. ↑ Atabaki, 2000. səh. 121
  3. ↑ 1 2 3 4 5 İsmayılov, Güləddin. "General Qulam Yəhya Daneşyani". Azərbaycan Ruznaməsi (az.). 2024-08-06 tarixində arxivləşdirilib. İstifadə tarixi: 2025-02-06.
  4. ↑ 1 2 3 4 5 6 7 8 "İnqilabçı, general və firqə rəhbərinin tərcümeyi halı". Azərbaycan Ruznaməsi (az.). 2024-12-11 tarixində arxivləşdirilib. İstifadə tarixi: 2025-02-06.
  5. ↑ 1 2 3 Yəhya, 2006. səh. 9
  6. ↑ Balayev, 2018. səh. 12
  7. ↑ Yəhya, 2006. səh. 13
  8. ↑ Həsənli, 2006. səh. 18
  9. ↑ Azərbaycan tarixi. Yeddi cilddə (PDF) (az.). VII. Bakı: Elm nəşriyyatı. 2008. 68. ISBN 9789952448481. 2025-01-23 tarixində arxivləşdirilib (PDF). İstifadə tarixi: 2025-01-23.
  10. ↑ Həsənli, 1998. səh. 160
  11. ↑ Atabaki, 2000. səh. 90
  12. ↑ Yəhya, 2006. səh. 22
  13. ↑ Həsənov, 2004. səh. 65
  14. ↑ Çeşmazər, 1986. səh. 36
  15. ↑ Yəhya, 2006. səh. 27
  16. ↑ Yəhya, 2006. səh. 32
  17. ↑ 1 2 Mərəndli, 2017. səh. 97
  18. ↑ 1 2 Həsənov, 2004. səh. 125
  19. ↑ 1 2 Şəmidə, 1961. səh. 139
  20. ↑ Çeşmazər, 1986. səh. 60
  21. ↑ Vilayi, Mirrəhim. İran Azərbaycanında milli azadlıq hərəkatında demokratik mətbuatın rolu (1941-1946) (az.). Bakı. 1979. 25.
  22. ↑ Yəhya, 2006. səh. 41
  23. ↑ Mərəndli, 2017. səh. 95
  24. ↑ Yəhya, 2006. səh. 44
  25. ↑ Həsənli, 2006. səh. 167
  26. ↑ Yəhya, 2006. səh. 47
  27. ↑ Atabaki, 2000. səh. 114
  28. ↑ Həsənov, 2004. səh. 139
  29. ↑ Mərəndli, 2017. səh. 161
  30. ↑ Çeşmazər, 1986. səh. 71
  31. ↑ Həsənli, 2006. səh. 193
  32. ↑ Balayev, 2018. səh. 25
  33. ↑ İbrahimov, 1948. səh. 32
  34. ↑ Miyanalı, Əlirza; Ərdəbili, Lütfəli. "İnqilabi hərəkatımızın silahlı qüvvələri" (PDF). achiq.info. 2021-07-28 tarixində arxivləşdirilib (PDF). İstifadə tarixi: 2024-12-06.
  35. ↑ 1 2 3 Qasımlı, 2012. səh. 49
  36. ↑ 1 2 "Azərbaycan Demokrat Firqəsinin xalqa müraciətində nə deyilirdi?". Aznews.az (az.). 2024-09-05. 2024-12-07 tarixində arxivləşdirilib. İstifadə tarixi: 2024-12-06.
  37. ↑ Çingizoğlu, Ənvər. "Mahmud Pənahiyan - Pənahəli xanın kommunist törəməsi". xudaferin.eu (az.). 2020-05-04. 2024-07-16 tarixində arxivləşdirilib. İstifadə tarixi: 2025-02-06.
  38. ↑ Həsənli, 2006. səh. 213
  39. ↑ "Qulam Yəhyanın xatirələri". Xalq Cəbhəsi qəzeti. 2016-08-19. səh. 13. İstifadə tarixi: 2025-02-06.
  40. ↑ Haşimi, 2002. səh. 49
  41. ↑ Həsənli, 2006. səh. 250
  42. ↑ Yəhya, 2006. səh. 53-55
  43. ↑ Çeşmazər, 1986. səh. 115
  44. ↑ "راه توده ـ غلام یحیی دانشیان تاریخ آذربایجان با نام او گره خورده". www.rahetudeh.com. İstifadə tarixi: 2025-02-07.
  45. ↑ Bayramzadə, 2015. səh. 107
  46. ↑ Çeşmazər, 1986. səh. 114
  47. ↑ Atabaki, 2000. səh. 161
  48. ↑ Yəhya, 2006. səh. 78
  49. ↑ Rəhmanifər, Məhəmməd. "Güney Azərbaycanda Milli Hökumətin süqutundan sonra nələr yaşandı?". Apa.az (az.). 2015-01-04. İstifadə tarixi: 2025-02-06.
  50. ↑ Həsənli, 2006. səh. 437
  51. ↑ 1 2 3 4 Həsənli, 2006. səh. 438
  52. ↑ Rəhimli, Əkrəm. Güney Azərbaycan: tarixi, siyasi və kulturoloji müstəvidə. / S.C.Pişəvəri gənclik illərində (PDF) (az.). Bakı: Azərnəşr. 2010. 83. ISBN 9952310031. 2022-07-08 tarixində arxivləşdirilib (PDF). İstifadə tarixi: 2025-02-06.
  53. ↑ 1 2 Hasanli, 2006. səh. 366
  54. ↑ Rəhimli, Əkrəm. Güney Azərbaycan: tarixi, siyasi və kulturoloji müstəvidə. / S.C.Pişəvəri gənclik illərində (PDF) (az.). Bakı: Azərnəşr. 2010. 83. ISBN 9952310031. 2022-07-08 tarixində arxivləşdirilib (PDF). İstifadə tarixi: 2025-02-06.
  55. ↑ Atabaki, 2000. səh. 172
  56. ↑ Sultanlı, 2010. səh. 83
  57. ↑ Rəhimli, 2003. səh. 143
  58. ↑ Rəhimli, Əkrəm. Pişəvəri S.C. Məqalə və çıxışlarından seçmələr (Təbriz 1945-1946-cı illər) (az.). Bakı: Nurlar nəşriyyatı. 2016. 415. ISBN 9789952504444.
  59. ↑ Həsənli, 2006. səh. 441
  60. ↑ Yəhya, 2006. səh. 79
  61. ↑ Rəhimli, 2003. səh. 149
  62. ↑ Hasanli, 2006. səh. 370
  63. ↑ Rossow, 1956. səh. 30
  64. ↑ 1 2 3 Hasanli, 2006. səh. 373
  65. ↑ 1 2 3 Balayev, 2018. səh. 36
  66. ↑ 1 2 Duqlas, Vilyam. Strange lands and friendly people (ingilis). Nyu-York: Harper & Brothers Publishers. 1951. 45.
  67. ↑ Lenczowski, George. United States' Support for Iran's Independence and Integrity, 1945–1959 (ingilis). 401. Annals of the American Academy of Political and Social Science. 1972. 49. doi:10.1177/000271627240100106. ISSN 0002-7162.
  68. ↑ Həsənli, 2006. səh. 445
  69. ↑ 1 2 Həsənli, 2006. səh. 448
  70. ↑ McEvoy, Joanne; O'Leary, Brendan. Power Sharing in Deeply Divided Places. Filadelfiya: University of Pennsylvania Press. 2013. 191. ISBN 9780812245011.
  71. ↑ Hasanli, 2006. səh. 375
  72. ↑ Balayev, 2018. səh. 137
  73. ↑ Əmirov, 2000. səh. 51
  74. ↑ Əliqızı, 2001. səh. 24
  75. ↑ Balayev, 2018. səh. 48
  76. ↑ Həsənli, 2006. səh. 456
  77. ↑ Rəhimli, 2009. səh. 118
  78. ↑ 1 2 Rəhimli, 2009. səh. 119
  79. ↑ Fərzad, 2006. səh. 48
  80. ↑ Yəhya, 2006. səh. 88
  81. ↑ Tudə, Əli. "Azərbaycanın Baş naziri necə öldürüldü? - İllərlə gizli qalan həqiqətlər". kulis.az (az.). 2024-08-26. 2024-09-19 tarixində arxivləşdirilib. İstifadə tarixi: 2025-02-06.
  82. ↑ Çingizoğlu, Ənvər. "Əbdüssəməd mirzə Kambəxş: "Qırmızı şahzadə"". reyting.az. 2020-04-22. İstifadə tarixi: 2025-02-06.
  83. ↑ Yəhya, 2006. səh. 93
  84. ↑ Tudə XIX, 2021. səh. 12
  85. ↑ 1 2 Balayev, 2018. səh. 91
  86. ↑ Atabaki, 2000. səh. 125
  87. ↑ Fərzad, 2006. səh. 108
  88. ↑ 1 2 Sultanova, Sevda. "Cənubi Azərbaycandan bəhs edən 1947-ci il filmimiz". kulis.az (az.). 2018-01-27. 2024-12-03 tarixində arxivləşdirilib. İstifadə tarixi: 2024-12-02.
  89. ↑ Fərzad, 2006. səh. 72
  90. ↑ "Carçı TV | Arazın o tayında (1947)". carcitv.az (az.). 2022-11-15. İstifadə tarixi: 2025-02-06.
  91. ↑ Əbülfət, İlhamə. "Qulam Yəhya Danişianın 110 illik yubileyi ilə bağlı tədbir keçirildi". Teleqraf.com (az.). 2016-10-12. İstifadə tarixi: 2025-02-06.
  92. ↑ Balayev, 2018. səh. 15

Ədəbiyyat

  • Atabaki, Touraj. Azerbaijan: Ethnicity and the Struggle for Power in Iran (ingilis). London: I.B.Tauris. 2000. səh. 288. ISBN 9781860645549.
  • Balayev, Xaqan. Azərbaycanın sosial-siyasi həyatında cənublu mühacirlərin iştirakı (1947-1991) (az.). Bakı: Elm və təhsil nəşriyyatı. 2018. səh. 198. ISBN 9789952370911.
  • Bayramzadə, Səməd. "21 Azər – 70" fotoalbom (şərhlərlə) (PDF) (az.). Bakı: “Araz” nəşriyyatı. 2015. səh. 185. ISBN 9789952828535. 2022-03-09 tarixində arxivləşdirilib (PDF). İstifadə tarixi: 2025-01-14.
  • Çeşmazər, Mirqasım. Azərbaycan Demokrat Partiyasının yaranması və fəaliyyəti (PDF) (az.). Bakı: Elm nəşriyyatı. 1986. səh. 121. Archived from the original on 2023-05-02. İstifadə tarixi: 2024-11-29.
  • Əliqızı, Almaz. Azadlıq və istiqlal poeziyası (PDF) (az.). Bakı: Bakı Dövlət Universiteti nəşriyyatı. 2001. səh. 160. ISBN 9789952817607.
  • Əmirov, Sabir. Cənubi Azərbaycan milli-demokratik ədəbiyyatı (1941-1990) (az.). Bakı: Elm nəşriyyatı. 2000. səh. 257. ISBN 5806612600.
  • Fərzad, Şahruh. فرقه دموکرات آذربایجان از تخلیه‌ی تبریز تا مرگ پیشه‌وری: خاطراتی از شهود عینی به انضمام اسناد منتشر نشده / Azərbaycan Demokrat Firqəsi Təbrizin boşaldılmasından Pişəvərinin ölümünə qədər: Şahidlərin xatirələri, o cümlədən dərc olunmamış sənədlər (fars). Tehran: اوحدی. 2006. səh. 788. ISBN 9789648234404.
  • Hasanli, Jamil. At the Dawn of the Cold War: The Soviet-American Crisis over Iranian Azerbaijan, 1941–1946 (az.). Lanham: Rowman & Littlefield Publishers. 2006. səh. 416. ISBN 978-0742540552.
  • Haşimi, Əbülfəz. Mübarizələrdə keçən ömür (az.). Bakı: Maarif nəşriyyatı. 2002. səh. 136. ISBN 9789952370911.
  • Həsənli, Cəmil. Güney Azərbaycan:Tehran - Bakı - Moskva arasında (PDF) (az.). Bakı: Diplomat nəşriyyatı. 1998. səh. 324. 2024-12-04 tarixində arxivləşdirilib (PDF). İstifadə tarixi: 2024-11-28.
  • Həsənli, Cəmil. СССР-Иран: Азербайджанский кризис и начало холодной войны: 1941-1946 гг (PDF) (rus). Moskva: Герои Отечества. 2006. səh. 560. ISBN 5910170120. 2024-12-21 tarixində arxivləşdirilib (PDF). İstifadə tarixi: 2024-12-25.
  • Həsənov, Həsən. Cənubi Azərbaycanda Milli Demokratik hərəkat (1941-1946-cı illər) (az.). Bakı: Elm nəşriyyatı. 2004. səh. 204.
  • İbrahimov, Mirzə. O демократическом движении в Южном Азербайджане (rus). Bakı: Elm nəşriyyatı. 1948. səh. 48.
  • Qasımlı, Aydın. Güney Azərbaycan Türkləri son 100 ildə (PDF) (az.). Bakı: Adiloğlu nəşriyyatı. 2012. səh. 202. 2024-12-21 tarixində arxivləşdirilib (PDF). İstifadə tarixi: 2025-02-06.
  • Mərəndli, Barış. "21 Azər" soyqırımı: 1946-1947-ci illərdə Cənubi Azərbaycanda kütləvi qırğınlar (az.). Bakı: Elm və təhsil nəşriyyatı. 2017. səh. 376. ISBN 9789952831283. 2024-12-07 tarixində arxivləşdirilib. İstifadə tarixi: 2024-12-03.
  • Rəhimli, Əkrəm. Güney Azərbaycan milli-demokratik hərəkat (1941-1946) (az.). Bakı: Meqa nəşriyyatı. 2003. səh. 207. 2024-12-17 tarixində arxivləşdirilib. İstifadə tarixi: 2024-12-26.
  • Rəhimli, Əkrəm. Mübarizə burulğanlarında keçən ömür: Seyid Cəfər Pişəvəri (az.). Bakı: Nurlar NPM. 2009. səh. 400. ISBN 9789952450064.
  • Rossow, Robert. "The Battle of Azerbaijan, 1946". Middle East Journal (ingilis). X (1). 1956: 17–32. JSTOR 4322770. 4 February 2022 tarixində arxivləşdirilib.
  • Sultanlı, Vaqif. Güney Azərbaycan tarixi siyasi və kulturoloji müstəvidə (məqalələr toplusu) (az.). Bakı: Azərnəşr. 2010. səh. 172.
  • Şəmidə, Əli. İranda fəhlə və həmkarlar hərəkatı (1941-1946) (az.). Bakı: Azərbaycan SSR Elmlər Akademiyası Nəşriyyatı. 1961. səh. 181.
  • Tudə, Əli. Əli Tudə: Həyatım xatirələrim (PDF) (az.). XIX. Bakı: Azərbaycan Nəşriyyatı. 2021. səh. 320. 2023-06-08 tarixində arxivləşdirilib (PDF). İstifadə tarixi: 2025-01-20.
  • Yəhya, Qulam. General Qulam Yəhya: Xatirələr (az.). Bakı: Azərbaycan Demokrat Firqəsinin nəşri. 2006. səh. 188.

  • General Qulam Yəhya Danişianın 110 illik yubileyi / Azpress.az

Kitabı

  • General Qulam Yəhya — Xatirələr
Mənbə — "https://az.wikipedia.org/w/index.php?title=Qulam_Yəhya&oldid=8087031"
Informasiya Melumat Axtar