Quba və Qusar batalyonu. Quba və Quba- Qusar batalyonu , Quba könüllüləri (Salman Yusifzadənin) əsasında ilə 1992-cü ilin dekabr ayının 27-də Quba rayon prokuroru Əli Eyvazovun təşəbbüsü ilə yaradılmışdı (şəkildə mərkəzdə, kokardalı papaqdadı). Batalyonun hərtərəfli təhcizatında Qubanın “Vladimirovka” sovxozunun müdiri Qədir Paşayev(mülki geyimdədi, qara papaqda) və o zaman Quba rayonun İcra başçısı vəzifəsini icra edən Mirzəxan müəllim(fotoda kepkalı) yaxından iştirak etmişdilər. Quba- Qusar batalyonunda əvvəl 490 nəfər könüllü Quba və Qusar rayonundan, sonra isə daha 100 nəfər Zaqatala rotasından (komandir Ramazan, adlı şəxs) ibarət olub. Quba- Qusar batalyonun komandiri peşəkar zabit Şahin Ələkbərov olmuşdu. 93-cü ilin noyabrında batalyon cəbhəyə, Xocavənd istiqamətinə göndərilmiş və 704-cü briqadanın tərkibinə daxil edilmişdi. 93-cü ilin dekabrında batalyon Xocavənd istiqamətindəki döyüşlərdə iştirak edib və Nərgiztəpə, Kaftartəpə yüksəkliklərini və Şiştəpənin ətəklərini ələ keçirib. 94-cü ilin martında batalyon Fizuli istiqamətinə keçirilib. Quba- Qusar batalyonu 93-cü ilin sonu- 94-cü ilin ilk yarısının ən şiddətli döyüşlərində iştirak etmişdi. Qazilər bu batalyonu etibarlı və cəsur döyüşçülər kimi yad edirlər. 94-cü il may ayında bağlanan atəşkəsdən sonra ləğv edilənə qədər batalyon 90 nəfər Şəhid, 110 nəfər yaralı və 7 nəfər itkin düşmüş itkilər vermişdi. 2010-cu ildə Quba-Qusar batalyonunun döyüş yoluna həsr olunmuş “Bir batalyonun tarixi” adlı kitab çapdan çıxıb