Qonur torpaqlar — əsasən 35° və 55° şimal enlikləri arasında yayılan torpaq tipi. Ən böyük qonur torpaq zolaqları Qərbi və Mərkəzi Avropanı, Qərbi və trans-Ural Rusiyasını, Amerikanın şərq sahillərini və Şərqi Asiyanı əhatə edir.[1][2] Asiyada qonur torpağa Yaponiya, Koreya, Çin, Şərqi Avstraliya və Yeni Zelandiyada rast gəlinir. Bu torpaqlar İngiltərə və Uels ərazisinin 45%-ni əhatə edir. Bu torpaqların yayıldığı ərazil üçün enliyarpaqlı meşələr və otlaqlar səciyyəvidir. Qonur torpaqların əhəmiyyətli səviyyədəki münbitliyi səbəbi ilə enliyarpaqlı meşələrin böyük bir hissəsi kəsilmişdir və həmin torpaq hal-hazırda əkinçilik üçün istifadə olunur. Qonur torpaqlar adətən rütubətli mülayim iqlimi olan bölgələrdə yayılıb. Belə ərazilərdə yağışın illik ümumi miqdarı adətən 76 sm-dən aşağıdır və temperatur qışda 4°C-dən yaydan 18 °C-ə qədər dəyişir. Qonur torpaqların turşuluğu 5.0 ilə 6.5 pH arasındadır.
- ↑ Почвы // Природа. Экология / сост. и подгот. к изд. ПКО "Картография" ; гл. ред. В. М. Котляков ; отв. ред. Г. Ф. Кравченко. — М. : Роскартография, 2007. — С. 298–301. — (Национальный атлас России : в 4 т. ; 2004–2008, т. 2). — ISBN 5-85120-250-5
- ↑ Казеев К. Ш., Антонова О. Д., Колесников С. И., Вернигорова Н. А., Костенко И. В. "Ферментативная активность некоторых почв Крыма". Научный журнал Куб ГАУ (104(10)). 2004.
- Почвоведение. Учеб. для университетов. В 2 ч. / Под ред. В. А. Ковды, Б. Г. Розанова. — М.: Высшая школа, 1988. — 368 с : ил. ISBN 5-06-001195-X