Qaylardiya

Qaylardiya (lat. Gaillardia) — bitkilər aləminin astraçiçəklilər dəstəsinin mürəkkəbçiçəklilər fəsiləsinə aid bitki cinsi.

Qaylardiya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Kampanulidlər Dəstə: Astraçiçəklilər Fəsilə: Mürəkkəbçiçəklilər Yarımfəsilə: Astrakimilər Triba: Helenieae Yarımtriba: Gaillardiinae Cins: Qaylardiya
Beynəlxalq elmi adı
Gaillardia Foug.
Şəkil axtarışı ITIS   37395 NCBI   55623 EOL   38325 FW   40406

XVIII əsrdə mesenat Qaylara de Bondaruanın şərəfinə adlandırılmışdır. Qılçıqlı qaylardiya (G.aristata Pursh) 75 sm hündürlüyə çatan, sıx, sallaq-gövdəli çoxillik bitkidir. Çiçəkləri iri (diametri 10 sm-ə qədər) səbətlərdən ibarətdir. Dilcikli çiçəkləri qırmızı-şabalıdı, qonur ya da sarıdır. Boruşəkilli çiçəkləri isə al-qırmızı, bəzən sarıdır. Bitkinin vətəni Cənubi Kanada və ABŞ-nin mərkəzi rayonlarıdır. Bu növdən 1812-ci ildən gülçülükdə istifadə olunmağa başlamışdır. Bitkinin bir neçə mədəni forması məlumdur. Onlardan hibrid qaylardiya (G. hybrida) və alçaqboylu forma (G.pulchella, compacta) xüsusilə geniş yayılmışdır. Qaylardiyanı köklə və gövdənin yaşıl qələmləri ilə çoxaltmaq olar. Payızda qaylardiya əkilmiş sahələrə torf vermək lazımdır. Qaylardiyadan dəstə bağlamaq olar.