Massey Universiteti Yeni Zelandiyada əyani və distant təhsil verən dövlət universitetidir. Universitetin Oklend, Palmerston Nort və Vellinqtonda kampusları, eləcə də 2024-cü ildə açılan Sinqapurda filial kampusu var.[1]
Massey Yeni Zelandiyanın dünyada 19-cu, Avstraliya və Asiyada isə birinci yerdə olan yeganə baytarlıq məktəbinə ev sahibliyi edir.[2]
Massey 60 ildən çoxdur ki, distant təhsil təqdim edir.[3]
Statistik məlumatlar göstərir ki, 2024-cü ildə universitetdə təxminən 26.505 tələbə təhsil almışdır və bu da onu ölkənin ikinci ən böyük universiteti etmişdir.[4] Hər üç kampusda tədqiqatlar aparılır, 130-dan çox ölkədən insanlar universitetdə təhsil alır.[5] Universitetin illik hesabatına görə, 2024-cü ildə əyani tələbələrin təxminən 16.2%-i Oklend kampusunda, 17.7%-i Manavatü (Palmerston Nort) kampusunda, 13.3%-i Velinqton kampusunda yerləşmişdir. Məsafədən təhsil tələbələrin 47.7%-ni təşkil edirdi, qalan 5.1%-i isə digər yerlərdə təhsil alırdı. [6]
Prorektor Yan Tomas apreldə 2025-ci ildə vəzifəsindən istefa etdiyini açıqladı.[7] 2025-ci ilin oktyabr ayında professor Pierre Venter növbəti prorektor olaraq təyin edildi. O, əzifəsinə fevral 2026-da başlayacaq.[8]
Yeni Zelandiyanın Şimal adasında kənd təsərrüfatı kollecinin yaradılması ideyası 1879-cu ildən populyarlıq qazanmışdır. Bu təşəbbüsü Ser Corc Qrey, daha sonra Baş müfəttiş Corc Hoqben kimi şəxslər tərəfindən dəstəklənmişdir. 1912-ci ildə yeni seçilmiş Baş nazir Uilyam Ferqyuson Massey layihəni prioritetinə çevirdi, nəticədə Viktoriya Universitet Kollecində, həmçinin Oklend Universitet Kollecində (1924) kənd təsərrüfatı kafedraları yaradıldı. 1926-cı ildə hər iki təhsil müəssisəsi öz kənd təsərrüfatı məktəblərini qanun çərçivəsində birləşdirərək Yeni Zelandiya Kənd Təsərrüfatı Kollecini yaratmış oldular.
Kollec Şurası ilk iclası 1 fevral 1927-ci ildə Vellinqtonda keçirilmişdir. 1927-ci ilin sentyabrında Massey Kənd Təsərrüfatı Kolleciyaradılmışdır. Bu, 1925-ci ildə vəfat etmiş, torpaq islahatı sahəsində fəal olmuş sabiq Yeni Zelandiya Baş naziri Uilyam Ferqusson Masseyin şərəfinə Massey Kənd Təsərrüfatı Kollecinin adını almışdır. Kollec 2 mart 1928-ci ildə rektor Ceffri Peren və rektor müavini Uilyam Riddetin rəhbərliyi altında tələbələrin üzünə qapılarını açmışdır. İlk qeydiyyatda 8 tələbə iştirak etmiş, birinci ilin sonunda bu rəqəm 85-ə, ikinci ildə isə 175-ə çatmışdır.
20 mart 1928-ci ildə kollec rəsmi olaraq Kənd Təsərrüfatı naziri Osvald Hoken tərəfindən açılmışdır. Kollec elmi tədqiqatlarla yanaşı, praktik əkinçiliyə, südçülük, suvarma və heyvandarlıq sahələrində qabaqcıl tədqiqatlara da diqqət yetirirdi. İkinci Dünya Müharibəsi dövründə çətinliklərə baxmayaraq, kollecin tələbə yataqxanaları genişləndirildi, tələbə assosiasiyası yaradıldı (1930-cu ildə qoç başı simvolu ilə), 1932-ci ildə ilk qadın diplom tələbəsi Enid Hills, 1938-ci ildə isə ilk qadın bakalavr tələbəsi Paddy Thorpe qəbul edildi.
Müharibədən sonrakı inkişaf universitet statusu üçün zəmin yaratdı. 1961-ci ildə Yeni Zelandiya Universitetinin ləğvindən sonra kənd təsərrüfatı kolleci Massey Kolleci oldu və tam muxtariyyət əldə edilənə qədər müvəqqəti olaraq Vellinqton Viktoriya Universiteti ilə əməkdaşlıq etdi.
1960-cı ildə Palmerston Nort Universitet Kolleci Vellinqton Viktoriya Universitetinin filialı olaraq yaradıldı, Palmerston Nortda humanitar və sosial elmlər üzrə universitet səviyyəli təhsil təqdim etdi, həmçinin məsafədən təhsil imkanını təmin etdi. 1 yanvar 1963-cü ildə PNUK və Massey Kolleci birləşərək Manaşatu Massey Universiteti Kolleci oldu. 1 yanvar 1964-cü ildə rəsmi olaraq Manaşatu Massey Universiteti yaradılaraq tam muxtariyyət və universitet statusu, o cümlədən dərəcə vermək səlahiyyəti verilmişdir. Hazırkı adı Massey Universiteti 1966-cı ildə qəbul edilib.
Təsisçi prorektor Ser Alan Stüartın (1964-82) rəhbərliyi altında universitet sürətlə inkişaf etdi. İlk ilində təxminən 1877 tələbə qəbul etmiş, 1992-ci ilə qədər isə doqquz fakültə üzrə ümumi siyahı təxminən 24700-ə çatmışdır. İlk əsas fakültələrə kənd təsərrüfatı, baytarlıq elmləri, texnologiya, elm, humanitar, sosial elmlər, biznes, təhsil və riyaziyyat/informasiya elmləri daxildi.
1990-cı illərdə Massey University genişlənərək üç şəhərli universitet statusu qazanaraq akademik proqramlarını artırdı:
- Oklend kampusu 1993-cü ildə Oklendin Şimal sahilindəki Albanidə açıldı. Elə həmin ildə bu kampusda dərslər başlamışdır.
- 1996-cı ildə Palmerston Nort Təhsil Kolleci ilə birləşmə baş verdi.
- 1999-cu ildə Vellinqton Politekniki Massey Universiteti ilə birləşdi və nəticədə Vellinqtonda Yaradıcı İncəsənət Kolleci yaradıldı.
1990-cı illərin sonlarında universitetin doqquz fakültəsi beş kollecə bölündü: Biznes, Yaradıcı İncəsənət, Təhsil, Humanitar və Sosial Elmlər və Elmlər. 2013-cü ildə Təhsil Kolleci Humanitar və Sosial Elmlər Kollecinə birləşdirildi və yeni Səhiyyə Kolleci yaradıldı. Səhiyyə Kollecinin yaradılmasının məqsədləri sağlamlığı və rifahı təşviq etmək, xəstəliklərin və xəsarətlərin qarşısını almaq, eləcə də insanları və icmaları ekoloji risklərdən qorumaqdır.
2024-cü ilin aprel ayında Massey Universiteti Sinqapurda kampus yaratmaq planlarının bir hissəsi olaraq müxtəlif media, dizayn və idarəetmə kursları təmin etmək üçün Sinqapurun özəl təhsil təminatçısı PSB Akademiya ilə müqavilə imzalamışdır. Rektor Yan Tomas bunun Massey Universitetinin gəlirlərini şaxələndirmək və 2026-cı ilə qədər 5000 xarici tələbə qəbul etmək planlarının bir hissəsi olduğunu söylədi. Kampus ilk qəbulunu 2024-cü ilin noyabr ayında açmışdır.
- 2655 işçi heyəti
- 26099 tələbə
- 3163 Maori tələbəsi
- 1593 Sakit okean tələbəsi
- Rəhbər vəzifələrdə 262 qadın (49%)
- 2 Milli Tədqiqat Mərkəzi (və çoxsaylı universitet əsaslı tədqiqat mərkəzləri)
2026-cı ilin Quacquarelli Symonds (QS) Dünya Universitetləri Reytinqində (2025-ci ildə dərc olunub) universitet 230-cu yerə (bərabər mövqe) yüksəlmiş və Yeni Zelandiyada 3-cü olmuşdur.
2026-cı ilin Times Higher Education (THE) Dünya Universitetləri Reytinqində (2025-ci ildə dərc olunub) universitet 501–600-cü yerlərdə qərarlaşmış və Yeni Zelandiyada 5–7-ci yerləri paylaşmışdır.
2025-ci ilin Academic Ranking of World Universities reytinqində universitet 801–900-cü yerlərdə qərarlaşmış və Yeni Zelandiyada 6-cı yeri paylaşmışdır.
2025–2026 U.S. News & World Report Best Global Universities reytinqində universitet 660-cı yeri paylaşmış və Yeni Zelandiyada 6-cı olmuşdur.
2024-cü ilin CWTS Leiden Ranking reytinqində universitet 677-ci yeri tutmuş və Yeni Zelandiyada 3-cü olmuşdur.
- ↑ "The Post". www.thepost.co.nz. Retrieved 15 July 2025.
- ↑ "Veterinary Science breaks into global top 20 in QS Rankings". www.massey.ac.nz. Retrieved 15 July 2025.
- ↑ "Going the distance - 60 years of distance learning at Massey". www.massey.ac.nz. Retrieved 15 July 2025.
- ↑ "Massey University | Universities New Zealand - Te Pōkai Tara". www.universitiesnz.ac.nz. Retrieved 14 February 2025.
- ↑ "Massey University". Top Universities. Retrieved 3 February 2024.
- ↑ "Annual Report 2024". Massey University strategies, plans and annual reports. Retrieved 14 February 2025.
- ↑ "Vice-Chancellor gives a year's notice of resignation". www.massey.ac.nz. Retrieved 15 July 2025.
- ↑ "Te Kunenga ki Pūrehuroa Massey University appoints new Vice-Chancellor". www.massey.ac.nz. Retrieved 17 December 2025.