Qafqaz (film, 2007)

Filmdə hadisələr 1990-1994-cü illərdə baş verir. Filmin süjet xətti İncildəki bir ayədən götürülərək, Qafqaz reallığına, müasir vaxta uyğunlaşdırılmışdır.

Qafqazda müharibə başlayır. 75 yaşlı Mariya (Ada Roqovseva) oğlunu müharibədə itirir. O, gəlini Sofiya (Lyubov Tolkalina) ilə 12 ildir Qafqazda yaşayır. Aclıq başlanan zaman onlar Rusiyaya köçmək istəyirlər. Qadınlar qərara alırlar ki, onlar Moskvaya getməlidirlər. Mariya kiçik itini, Sofiya isə kiçik çemodanını götürüb qatara otururlar və yola düşürlər. Qonşu kupedə fotomüxbir Aleksandr (Andrey Çernışov) da gedir. Sofiya ilə Aleksandr bir-birini sevirlər. Mariya isə Volqoqrad yaxınlığındakı stansiyaların birində başa düşür ki, Qafqazsız yaşaya bilməyəcək. O, Sofiyaya kağız yazıb iti ilə birlikdə qatarı tərk edir...

• Filmdə Emin Sabitoğlu və Aqşin Əlizadənin musiqilərindən istifadə olunmuşdur. İkinci şəxsin adı titrlərdə göstərilməyib.
• 2008-ci ildə ilk dəfə olaraq Azərbaycan filmi dünyanın ən nüfuzlu kino mükafatına namizədliyini irəli sürmüşdür. Amerika Kino Akademiyasının təsis etdiyi "Oskar" mükafatının "Ən yaxşı əcnəbi film" nominasiyasına iddialı olan 63 ölkənin məhsulu arasında Azərbaycan filmi "Qafqaz" da var idi.
• "Qafqaz" beynəlxalq standartlara uyğun olaraq, High Definition rəqəmli kinokamera ilə lentə alınıb.
• Filmin çəkilişlərinə təxminən 500 min dollar vəsait xərclənib.
• Film Fərid Hümbətovun "Qafqaz" əsərinin motivləri əsasında çəkilmişdir
• Film Rusiyadakı gəliri 43854 dollar təşkil edir.

Ssenari müəllifi: Fərid Hümbətov

Quruluşçu rejissor: Fərid Hümbətov

Quruluşçu operatorlar: Yuri Varnovski, Telman Məmmədov, Tərlan Babayev

Bəstəkar: Rauf Əliyev

Trük quruluşçusu: Əli Məmmədov

Kaskadyor: Əli Məmmədov

Prodüser: Rauf Atamalıbəyov

Səs: Vasili Filatov

Ada Roqovseva — Mariya

Lyubov Tolkalina — Sofya

Andrey Çernışov — Aleksandr

Həmidə Ömərova — qaraçı qadın

Ənvər Vəliyev

Elmira Şabanova

Elçin Əzizov

Milana Mərdaxanova

Vəfa Zeynalova

Zərnigar Ağakişiyeva

Lamiyə Səlimova — qaraçı qız

Sadıq Əhmədov

Fuad Osmanov

Nurəddin Mehdixanlı

Şəfiqə Qasımova

Yuri Baliyev

• Rəsmi vebsaytı
• Filmdən stopkadrlar
• "QAFQAZ" "Oskar"ı udacaq?

• Bir dəfə Qafqazda (film, 2007)