Prioniturus mada — Tutuquşukimilər fəsiləsinə aid quş növü.
| Prioniturus mada | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Prioniturus mada |
||||||||||
| Beynəlxalq elmi adı | ||||||||||
|
||||||||||
| ||||||||||
Prioniturus mada həm də Buru raketquyruq tutuquşusu kimi də tanınır. O, əsasən yaşıl rəngli, təxminən 32 sm uzunluğunda tutuquşudur. Dimdiyi qaraya çalır və əsasında daha açıq rəngdədir, uzun quyruqaltı örtükləri isə sarıdır. Yetkin erkək fərdin başının arxasından orta belə qədər olan üst hissələri mavi rəngdədir və bu rəng qanadların üst səthinə qədər uzanır. Dişi fərdin ensəsində kiçik bir mavi ləkə var. Cavan fərdlərin raket şəkilli quyruq lələkləri yoxdur. Erkək cavan fərdin ensəsində bir az mavi rəng var, dişi cavan fərdlər isə tamamilə yaşıl üst hissələrə malikdir.
Prioniturus mada tutuquşusu İndoneziyanın Maluku adaları arxipelaqında yerləşən Buru adasına endemikdir. Bu növün vəhşi təbiətdə Buru adası xaricində heç bir müşahidəsi qeydə alınmayıb.[3]
Prioniturus mada tutuquşusu adətən təxminən 1600 metr yüksəklikdə müxtəlif meşə yaşayış mühitlərində tapılır. Həm qədim meşələrdə, həm də daha yüksək ikinci dərəcəli meşələrdə tez-tez görülür. Həmçinin əkin sahələri və kiçik kəndlərdə qalmış ağaclarda da rast gəlinir.
Prioniturus mada tutuquşusu adətən 10-a qədər quşdan ibarət dəstələrdə görülür. Onlar mövsümi köçəri quşlardır və dağlarda meyvə verən ağacların olduğu yerlərə səfər edirlər. Prioniturus mada əsasən vəhşi meyvələr, toxumlar, giləmeyvələr və çiçəklərlə qidalanır. Dişi fərdlər adətən beşə qədər yumurta qoyur. Buru raketquyruq tutuquşusunun məlum çoxalma mövsümü dekabr-fevral ayları arasındadır.
İndoneziyanın digər quşları kimi, Buru raketquyruq tutuquşusu da plantasiyalar (xüsusilə palma yağı), meşə tədarükü və mədən əməliyyatları üçün meşələrin məhv edilməsi səbəbilə yaşayış mühitinin itməsi təhlükəsi ilə üzləşir. Bu quş həmçinin ekzotik ev heyvanı ticarəti üçün tutulma təhlükəsi ilə qarşılaşır.[4]
- ↑ Integrated Taxonomic Information System (ing.). 1996.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ Forshaw, Joseph M. Parrots of the World; an Identification Guide. Illustrated by Frank Knight. Princeton University Press. 2006. ISBN 0-691-09251-6.
- ↑ BirdLife International. "Prioniturus mada". IUCN Red List of Threatened Species. 2016. 2016: e.T22685001A93054247. doi:10.2305/IUCN.UK.2016-3.RLTS.T22685001A93054247.en. İstifadə tarixi: 12 November 2021.
- Oriental Bird Images: Buru Racquet-tail Arxivləşdirilib 2013-11-04 at the Wayback Machine Selected photos
- https://www.parrots.org/encyclopedia/buru-racquet-tailed-parrot