Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinPinkPantheress (əsl adı: Viktoriya Beverli Volker; 18 aprel 2001[1], Bat, Cənub-Qərbi İngiltərə[d]) — Britaniya musiqiçisi. Yaradıcılığında musiqi nümunələrindən (sempllər) istifadə edir, mətnlərini gündəlik qeydlər üslubunda yazır.
| PinkPantheress | |
|---|---|
.jpg) | |
| Ümumi məlumatlar | |
| Doğum adı | Victoria Beverley Walker |
| Ləqəbi | PinkPantheress |
| Doğum tarixi | 18 aprel 2001[1] (24 yaş) |
| Doğum yeri |
|
| Musiqiçi məlumatları | |
| Fəaliyyəti | mahnı yazarı[d], musiqi prodüseri, müğənni, musiqiçi, müğənni-bəstəkar |
| Fəaliyyət illəri | 2020-ci ildən |
| Janrlar | pop musiqisi, bedrum pop[d], rəqs musiqisi[d], alternativ pop[d] |
| Albom şirkətləri | Parlophone |
| pantheress.pink | |
 Vikianbarda əlaqəli mediafayllar | |
V. Volker Birləşmiş Krallıqda Kent ərazisində tərbiyə alıb. 2021-ci ildə uiversitetdə təhsil aldığı müddətdə musiqiçi kimi fəaliyyətə başlayıb. "GarageBand" vasitəsilə hazırladığı musiqi nümunələrini "SoundCloud" və "TikTok" platformalarında yerləşdirib. İstifadəçilər arasında rəğbətlə qarşılanan kompozisiyalarından "Break It Off" (tərc. "Qırıl") diqqət çəkib. Nəticədə "Parlophone" və "Elektra Records" şirkətləri ilə əməkdaşlıq müqaviləsi əldə edib. "To Hell with It" (tərc. "Cəhənnəm olsun") adlı ilk miksteypi 2021-ci ildə yayımlanıb. "Just for Me" (tərc. "Sırf mənim üçün") və "Pain" (tərc. "İztirab") sinqlları Britaniya musiqi çartında 40-cı pillədə qərarlaşıb. BBC-nin "Sound of 2022" müsabiqəsində qalib gəlib. "Boy's a Liar" (tərc. "Oğlan aldadandır") kompozisiyası 2022-ci ildə Birləşmiş Krallıq üzrə ikinci yeri tutub.
V. Volker 2023-cü ildə "Heaven Knows" (tərc. "Göylər şahiddir") adlı ilk studiya albomunu buraxıb. Albomdan "Nice to Meet You" (tərc. "Tanışlığımıza məmnunam") mahnısı Britaniya hit-paradında ilk 20-liyə daxil olub. Ice Spice ilə birgə hazırladığı "Boy's a Liar Pt. 2" (2022-ci il "Boy's a Liar" mahnısının yeni versiyası) "Billboard Hot 100" hit-paradında 3-cü yerə yüksəlib. Albom təqdimatından sonra "Capable of Love" (tərc. "Sevməyi bacaran") konsert proqramını təşkil edib. 2025-ci ildə "Fancy That" (tərc. "Gör necə") adlı ikinci miksteyp albomunu təqdim edib. Albomdan "Tonight" və "Illegal" kompozisiyaları Britaniya hit-paradında ilk 40-lıqda yer alıb.
V. Volker "Billboard Women in Music" və "Brit" mükafatlarına nominant olub. Onun fonoqramları müxtəlif janrlara aid edilir. 1990–2000-ci illər musiqilərinin fraqmentlərini istifadə edərək qısa həcmli kompozisiyalar yaradır. Alt-pop, bedrum pop, dram və beys (orij. "drum and bass") və tustep-qeric (orij. "2-step garage") üslublarında işləyir.
Viktoriya Beverli Volker[2] 2001-ci il aprelin 19-da[3][4] Bat şəhərində (İngiltərə) doğulub. Anası Kisumu şəhərindən olan luo kenyalı,[5] atası ingilis statistika professorudur.[6] Böyük qardaşı səs mühəndisidir. Şahmatçı Syuzan Laliklə qohumdur.[7] Beşyaşlı ikən ailəsi Batdan Kenterberiyə köçüb.[8] 2013-cü ildə atası Texas Universitetində işləməyə gedib, özü və anası Britaniyada qalıblar.
V. Volker uşaq vaxtı piano məşğələlərinə gedib. 12 yaşında məktəbin şagird konsertində Ben E. Kinqin "Stand by Me" mahnısını ifa edib. 14 yaşında rok ansamblının vokalçısı olub. Ansambl "My Chemical Romance", "Paramore" və "Green Day" qruplarının repertuarından mahnılar ifa edib və ilk çıxışını məktəb tədbirində həyata keçirib.[9]
London İncəsənət Universitetinin kinematoqrafiya fakültəsində təhsil alıb, lakin 2022-ci ildə təhsilini dayandırıb.[10]
V. Volker erkən yaşlarından bədən dismorfik pozuntusundan əziyyət çəkir.[11] Yüksək səsli musiqi və mikrofon əks-sədasının təsiri nəticəsində eşitmə qabiliyyəti tədricən zəifləyib. 2022-ci ildə sağ qulağında 80% eşitmə itkisi qeydə alınıb və səsləri "bas tezlikdə" eşitdiyini bildirib.[12][13] Onun musiqi sahəsindəki, xüsusən mahnıların müddəti və albomların tam dinlənilməməsi barədə mövqeyi sosial şəbəkələrdə müzakirələrə səbəb olub.[14][15] 2025-ci il iyulun 22-də Kent Universiteti ona fəxri musiqi doktoru adı verib.[16]
Studiya albomları
- Heaven Knows (2023)[17]
Miksteyplər
- To Hell with It (2021)
- ↑ 1 2 https://www.okaybliss.com/pinkpantheress-ethnicity/.
- ↑ Kaufman, Gil. "PinkPantheress Isn't Afraid to Label Her Biggest Hit To Date 'Crap'". Billboard (ingilis). 13 noyabr 2023. İstifadə tarixi: 9 dekabr 2023.
- ↑ "PinkPantheress". Apple.com (ingilis). 25 aprel 2025 tarixində arxivləşdirilib. İstifadə tarixi: 18 aprel 2025.
- ↑ Hynes, Hayley. "What Is Pinkpantheress' Ethnicity? How the Songstress Takes Pride In Her Kenyan Roots". Blavity. 13 mart 2024. İstifadə tarixi: 18 aprel 2024.
- ↑ Nardwuar. "Nardwuar vs. PinkPantheress". Nardwuar the Human Serviette Radio Show! (ingilis). 28 noyabr 2023. 31 dekabr 2023 tarixində arxivləşdirilib. İstifadə tarixi: 31 dekabr 2023.
- ↑ Ochefu, Christine. "PinkPantheress: 'Music's been the same for so long. Can we get something else?'". The Guardian (ingilis). 15 oktyabr 2021. 25 dekabr 2021 tarixində arxivləşdirilib. İstifadə tarixi: 17 oktyabr 2021.
- ↑ PinkPantheress. "Hey it's PinkPantheress, AMA!". Reddit. 18 aprel 2025. İstifadə tarixi: 19 aprel 2025.
- ↑ Pometsey, Olive. "From TikTok sensation to celebrated songster: meet PinkPantheress". Evening Standard (ingilis). 1 dekabr 2021. 6 yanvar 2022 tarixində arxivləşdirilib. İstifadə tarixi: 6 yanvar 2022.
- ↑ Issawi, Danya. "PinkPantheress Has 1 Million Fans on TikTok". The New York Times (ingilis). 6 noyabr 2021. 6 noyabr 2021 tarixində arxivləşdirilib. İstifadə tarixi: 10 noyabr 2021.
- ↑ Runway, Bree. "PinkPantheress Talks to Bree Runway About Life After Blowing Up". Interview (ingilis). 16 fevral 2022. 5 mart 2022 tarixində arxivləşdirilib. İstifadə tarixi: 5 mart 2022.
- ↑ Campbell, Erica. "PinkPantheress: "I don't care about the beats, I care about the pen"". NME. 3 fevral 2023. 10 may 2023 tarixində arxivləşdirilib. İstifadə tarixi: 25 aprel 2023.
- ↑ Rogersonpublished, Ben. ""I thought it was going to be fine": PinkPantheress confirms that she lost 80% of the hearing in one of her ears after it was damaged by microphone feedback". MusicRadar (ingilis). 14 fevral 2024. 14 fevral 2024 tarixində arxivləşdirilib. İstifadə tarixi: 15 fevral 2024.
- ↑ "PinkPantheress, 22, has already lost "80 percent of the hearing" in one of her ears". MusicTech (ingilis). 13 mart 2024 tarixində arxivləşdirilib. İstifadə tarixi: 13 mart 2024.
- ↑ Mullen, Matt. "'I don't listen to albums, I just listen to songs... do people care about tracklisting?': PinkPantheress on why the order of an album's tracks doesn't matter anymore". MusicRadar. 18 iyul 2024. 10 avqust 2024 tarixində arxivləşdirilib. İstifadə tarixi: 5 aprel 2025.
After sparking up debate on social media back in May by declaring that 'a song doesn't need to be longer than 2 minutes 30', PinkPantheress has delivered another spicy take that has provoked fierce reactions amongst music fans.
- ↑ Kaplan, Ilana. "PinkPantheress Admits She Doesn't Listen to Albums: 'There's No Right or Wrong Way to Listen to Music'". People. 18 iyul 2024. 15 aprel 2025 tarixində arxivləşdirilib. İstifadə tarixi: 5 aprel 2025.
- ↑ "TikTok star PinkPantheress gets honorary University of Kent degree".
- ↑ "Heaven knows by PinkPantheress". Amazon. İstifadə tarixi: 12 oktyabr 2023.
- pantheress.pink — rəsmi saytı
- PinkPantheress — Discogs diskoqrafiyası
- PinkPantheress — AllMusic saytında
- PinkPantheress — MusicBrainz diskoqrafiyası
