Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinPhylloscopus yunnanensis — Sərçəkimilər fəsiləsinə aid quş növü.
| Phylloscopus yunnanensis | ||||||||
|---|---|---|---|---|---|---|---|---|
 | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır. ???: Phylloscopus yunnanensis |
||||||||
| Beynəlxalq elmi adı | ||||||||
|
||||||||
| ||||||||
Phylloscopus yunnanensisin elmi binominal adı olan "Phylloscopus yunnanensis", 1922-ci ildə İrlandiyalı ornitoloq və təbiətşünas Con Devid Diqes La Tuş tərəfindən verilmişdir. Daha yeni bir latın "junior sinonimi" olan alternativ elmi adı 1992-ci ildə təqdim edilən "P. sichuanensis"dir. "Yunnanensis" və "sichuanensis" adları Çinin Yunnan və Syuçuan əyalətlərindən gəlir.[3]
Phylloscopus yunnanensis parlaq rəngli, kiçik bir yarpaq pöhrəçilidir, ümumi uzunluğu təxminən 10 sm, qanad uzunluğu isə 5–6 sm-dir. Bədəni bir qədər uzun və yığcamdır. Quyruğu azca çəngəlşəkilli və ya kəsilmişdir və demək olar ki, kvadrat şəklindədir. Dimdiyi iti və qısadır (təxminən 1 sm uzunluğunda) və tünd qəhvəyi rəngdədir, alt tərəfi qəhvəyi-sarıdır. Qanadları çox qısa və yuvarlaqdır, ayaqları incə və çox tünd rəngdədir. Dırnaqlar və pəncələr tünd qəhvəyi-boz rəngdədir və alt tərəfi açıq qəhvəyi rəngdədir.[4]
Quşlar ümumiyyətlə lələklərinin görünüşündə dəyişikliklər keçirir ki, bu da onların həyat mərhələsindən, mövsümdən və ya qidalanma vəziyyətindən asılıdır. Yaz mövsümündə bu Phylloscopus yunnanensis yetkin mərhələdə yeni, təzə və ya parlaq görünüşə malikdir, lakin bir qədər solğunlaşır. Yetkin yay mərhələsində lələkləri köhnəlmiş və ya daha solğun görünür. Cinslər görünüş etibarilə oxşardır. Phylloscopus yunnanensisin üst hissəsi açıq yaşıl və ya zeytun-yaşıl rəngdədir və sarımtıl-ağ rəngli beli var. Baş naxışı diqqət çəkicidir, yaxşı müəyyən edilmiş açıq qaş zolağı, solğun sarı orta baş zolağı və tünd zeytun yan baş zolaqları var. Üçüncü dərəcəli lələklər sepya rəngindədir və ağ ucları var. Göz ətrafında qırıq bir halqa var; gözün iris qatı tünd qəhvəyi rəngdədir.[5]
Phylloscopus yunnanensis Çinin mərkəzi və şimal-şərq hissələrində məhdud ərazilərdə rast gəlinir. Syuçuan əyalətindəki Xin Şui bölgəsində geniş yayılmışdır. Növ miqrantdır, lakin qışlama əraziləri hal-hazırda məlum deyil.
Dağ meşələrində yaşayır, əsasən şam və küknar ağaclarını üstün tutur. 200–2800 metr yüksəklikdə rast gəlinir, lakin adətən 1000–2600 metr arasında olur. Bu növ aşağı ikinci dərəcəli bitkiləri üstün tutur.
Phylloscopus yunnanensislərə çoxalma mövsümündə tək-tək və ya cütlüklər halında rast gəlinir. Bu quşlar ümumiyyətlə bir qədər cəsarətlidir. Demək olar ki, həmişə ağacların təpələrində qalır və həşəratlarla qidalanır. Erkəklər həmçinin ağacların təpələrindən oxuyur.[6]
Bu növ kifayət qədər geniş yayılmışdır və Beynəlxalq Təbiəti Mühafizə Birliyi (IUCN) Phylloscopus yunnanensisi "az qayğı tələb edən" kimi qiymətləndirib.[7]
- ↑ IOC World Bird List Version 6.3. 2016. doi:10.14344/IOC.ML.6.3
- ↑ World Bird List (ing.): IOC World Bird List. 6.4 IOU, 2016. doi:10.14344/IOC.ML.6.4
- ↑ Alström, Per; Olsson, Urban; Colston, Peter R. "A new species of Phylloscopus warbler from central China". Ibis. 134 (4). 1992: 329–334. doi:10.1111/j.1474-919x.1992.tb08011.x.
- ↑ Dickinson, Edward C., redaktorThe Howard and Moore's Complete Checklist of the Birds of the World (3rd). London: Christopher Helm. 2003. ISBN 0-7136-6536-X.
- ↑ La Touche (1922); also noted as Phylloscopus yuwnanensis [sic] on p. 73 of Transactions of the Science Society of China, Vol. 9; also known as The Transactions of the Chinese Association for the Advancement of Science; Zhongguo, Ke Xue She, Science Society of China, 1947. [La Touche book: The Birds of Hupeh, 1922.]?
- ↑ Baker, Kevin. Warblers of Europe, Asia and North Africa. A&C Black. 1997. ISBN 978-0-7136-3971-1.
- ↑ BirdLife International. "Phylloscopus yunnanensis". IUCN Red List of Threatened Species. 2016. 2016: e.T22732052A95041483. doi:10.2305/IUCN.UK.2016-3.RLTS.T22732052A95041483.en. İstifadə tarixi: 12 noyabr 2021.
- Alström, P., Olsson, U., & Colston, P. R. (1990). "Description of a possible new species of leaf warbler of the genus Phylloscopus from China". Bull. Brit. Orn. Club, 110(1), 43-47; en:British Ornithologists' Club.
- BI, Zhong-Lin (2003); SUN, Yue-Hua; JIA, Chen-Xi; JIANG, Ying-Xin; “Observation on the Incubating Behavior of the Chinese Leaf Warbler Phylloscopus yunnanensis at Lianhuashan, Gansu”, Chinese Journal of Zoology, Institute of Zoology, en:Chinese Academy of Sciences, Beijing, China; Issue 2003-06.