Paviya kafedralı (it. Duomo di Pavia) — Paviya şəhərində yerləşən Roma-Katolik kilsəsi. Şəhərin ən böyük kilsəsi olan bu dini məbəd Paviya Yeparxiyasının mərkəzidir. Tikinti işləri XV əsrdə əvvəllər mövcud olan iki Roman "qoşa" kafedralın (Santo Stefano və Santa Maria del Popolo) yerində başlamışdır. Xarici hissənin mərmər örtüyü heç vaxt tamamlanmamışdır.[3] [4]
| katolisizm | |
| Paviya kafedralı | |
|---|---|
 | |
 | |
| Ölkə | |
| Memarı | Donato Bramante[2] |
| Üslubu | İntibah memarlığı |
| duomodipavia.it | |
 Vikianbarda əlaqəli mediafayllar | |
Kafedralın yanında 1330-cu ildə məlum olan və 1583-cü ildə genişləndirilən Mülki Qüllə (Torre Civica) yerləşirdi. Qüllə 17 mart 1989-cu ildə uçub.[5]
_07.JPG)
Santo Stefano və Santa Maria Maggiore (ümumiyyətlə Santa Maria del Popolo adlanır) "qoşa" kafedralları bir vaxtlar indiki kafedralın yerləşdiyi ərazidə yerləşirdi. İki orijinal kilsə VI-VII əsrlərdə təsis edilmiş və sonradan təmir edilmişdir. Lakin təxminən XI-XII əsrlərdə onlar Roman formada yenidən qurulmuşdur. İki kilsə İntibah tikinti sahəsi irəlilədikcə təqdisdən çıxarıldı və tədricən söküldü. Sonuncu elementlər XIX əsrin sonunda yeni kafedralın ön hissəsi üçün yer açmaq məqsədi ilə sökülmüşdür, halbuki Santa Maria del Popolonun kriptasının böyük bir hissəsi (XI əsrdən) qorunub saxlanılmışdır.[6]
Kilsə Yunan Xaç planı üzrə inşa edilmişdir. Transept eyni uzunluq və enə malikdir. Təxminən 84 metr hündürlüyü ilə şimali İtaliyadakı ən böyük mərkəzi planlı tikililərdən biridir. Mərkəzi günbəz səkkizbucaqlı planla, 97 metr hündürlüyündədir və ümumi çəkisi təxminən 20,000 tondur. İtaliyada ölçüsünə görə Müqəddəs Pyotr bazilikası, Panteon və Florensiya kafedralından sonra dördüncü yerdədir.[7][8]
Abidə böyük bir tikilidir. Kilsə üç nef üzərində durub (mərkəzi nef yan neflərdən iki qat genişdir və keçid qalereyası ilə kəsişir). Yan neflər yarımdairəvi tikililərlə əhatə olunmuşdur. Daxili hissə İntibah memarlıq xətləri ilə böyük əzəmət hissi yaradır, bu hiss çox ağ mərmər örtüyünün parlaqlığı ilə daha da güclənir. Fasadda Barokko dövrünün iki şah əsəri var, Cerano kimi tanınan Covanni Battista Krespinin "Müqəddəs Məryəm və Müqəddəs Sirus və Antonio" əsəri və Daniele Krespinin "Maqların Səcdəsi" əsəri. Girişdə freskalardan ibarət nəhəng Barokko dekorasiyası var. Struktur mərkəzində qızıl buludlar olan parlaq bir mağaranı təsvir edir, onun mərkəzində iki mələk böyük bir dikənli tac tutur. Onun ətrafında mələklər, yan tərəflərdə isə Din və Vətənin iki simvolik fiquru var.[9]
- ↑ 1 2 ArchINFORM (alm.). 1994.
- ↑ http://www.lombardiabeniculturali.it/architetture/schede/PV240-00052/.
- ↑ Pavia e Dintorni short entry. www.paviaedintorni.it.
- ↑ Hofman, Paul. "Italy's Endangered Treasures". New York Times. New York. 30 iyul 1989. İstifadə tarixi: 29 aprel 2020.
- ↑ Montalbo, William D. "900-Year-Old Bell Tower Collapses in Italy; Three Killed". Los Angeles Times. Los Angeles. 18 mart 1989. İstifadə tarixi: 29 aprel 2020.
- ↑ "Duomo di Pavia". Lombardia Beni Culturali. İstifadə tarixi: 30 iyul 2022.
- ↑ "Cupola del Duomo di Pavia". Touring Club Italiano. İstifadə tarixi: 23 avqust 2022.
- ↑ "Cupola del Duomo di Pavia". Touring Club Italiano. İstifadə tarixi: 23 avqust 2022.
- ↑ Favretto, Paola; Giordano, Luisa; Visioli, Monica; Baini, Laura. Il duomo (secoli XV-XVIII) // Storia di Pavia. Milano: Banca Regionale Europea. 1995. 770–790.