Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinPatrul 36 (ivr. פטרול 36; rus. Патруль 36) – İsraildə yaradılmış neonasist skinhed təşkilatı.[1] 9 üzvdən ibarət təşkilata 1988-ci ildə doğulmuş "Nasist Eli" ləqəbi ilə tanınan Erik Bunyatov rəhbərlik edirdi. Üzvlərin hamısı Rusiyadan köçmüş yəhudiəsilli şəxslər idilər.[2] Onların ailələri Qayıdış qanununa əsasən İsraildə məskunlaşmışdılar.
| Patrul 36 | |
|---|---|
| Növü | skinhedlər, neonasizm, antisemitizm |
| Yaranma tarixi | 2005 |
| Ləğvolma tarixi | sentyabr 2007 |
| Fəaliyyət göstərdiyi yer |
 İsrail |
| Üzvləri | 9 |
"Patrul 36" 2005-ci ildən 2007-ci ilin sentyabrına qədər fəaliyyət göstərmişdir.[3] Onlar tikililəri, xüsusilə də, sinaqoqların profanasiyası ilə məşğul olur, üzərilərinə svastika və qraffitilər çəkirdilər. Təşkilat üzvləri Afrika və Asiyadan gələn miqrant işçilər, narkomanları, LGBT fərdlərini və Haridi yəhudilərinə hücumlar təşkil edirdilər. Üzvlər "88" rəqəmini tatu kimi vurdururdular, üzərilərində silahlar, partlayıcı maddələr, bıçaqlar və Adolf Hitler portretlərini gəzdirirdilər. Qrup təşkil etdiyi hücumların videosunu hazırlayırdı.[4][5][6][7][2][8]
Qrup üzvlərinin evlərində neonasist saytlara keçidlər, neonasist filmlər, nasist uniformasında olan üzvlərin fotoları tapılmışdır.[9][3] Qrup Adolf Hitlerin ad gününü Yad Vaşemin önündə keçirməyi planlaşdırmışdır.[10] "Patrul 36" digər ölkələrdəki neonasist təşkilatlarla əlaqələr saxlayırdı.[1]
Qrup üzvlərindən biri olan İvan Kuzmin Ukraynada yaşayanda "çirkli yəhudi", İsraildə isə "iylənmiş rus" adlandırıldığını demişdir. Kuzminin nənəsi Holokostdan sağ çıxanlardan biri idi.[11] Onun sözlərinə görə üzləşdiyi irqçilik onun da irqçi biri olmasına səbəb olmuşdur.[12] Qrupun lideri Eli Bunyatov səs yazılarının birində "mənim babam yarı yəhudi idi. Mənim uşaqlarım olmayacaq, beləliklə, beləliklə, azacıq yəhudi qanına malik olan bir zibil daha doğulmayacaq" sözlərini işlətmişdi.[13][14] Qrup Petax-Tıkvada məskunlaşmışdı.[3][7] Qrupun əsas ilham mənbəyi Rusiyanın "Format18" adlı neonasist qrupu idi.[15][16] Onlar çəkdikləri videoları "Format18"in saytına yükləyirdilər.[16]
İsrail polisi qrupu 2006-cı ildə araşdırmağa başlamışdır. 9 sentyabr 2007-ci ildə qrupun 8 üzvü saxlanılmış, bir üzv ölkədən qaça bilmişdir. Polis çəkdikləri videoları, nenasist materialları və silahları ələ keçirmişdir.[7][17][1] Qrup üzvləri Tel-Əviv Rayon Məhkəməsində mühakimə olunmuş və hamısı təqsirli hesab olunmuşdur. Onlara 1–7 illik həbs cəzaları verilmişdir.[5][18][9] Erik Bunyatov yeddi illik həbs cəzası almışdır. Qrupun həbs olunmayan son üzvü Dmitri Boqotiç 2011-ci ilin yanvarında Qırğızıstandan İsrailə ekstradisiya olunmuşdur.[19]
- ↑ 1 2 3 "Police bust violent Israeli neo-Nazi gang". NBC News. The Associated Press. 9 sentyabr 2007. İstifadə tarixi: 18 iyun 2021.
- ↑ 1 2 Martin Asser. "Israeli anger over 'Nazi' group". BBC. 10 sentyabr 2007. 4 dekabr 2010 tarixində arxivləşdirilib.
- ↑ 1 2 3 "Israeli neo-Nazi gang jailed". The Daily Telegraph. 23 noyabr 2008. İstifadə tarixi: 18 iyun 2021.
- ↑ Thompson, Damian. "Nazi chic: from Mongolia to Tel Aviv, angry teenagers think Hitler is cool". London: The Telegraph. 3 avqust 2010. 6 avqust 2010 tarixində orijinalından arxivləşdirilib.
- ↑ 1 2 "Jail terms for Israeli neo-Nazis". BBC News. 23 noyabr 2008. 12 oktyabr 2011 tarixində arxivləşdirilib.
- ↑ Rodrigues, Jason. "The global reach of neo-Nazis". The Guardian. London. 2 avqust 2010. 15 sentyabr 2013 tarixində arxivləşdirilib.
- ↑ 1 2 3 "Israeli 'neo-Nazi gang' arrested". BBC News. 9 sentyabr 2007. 8 noyabr 2011 tarixində arxivləşdirilib.
- ↑ "Israeli neo-Nazi suspects charged". BBC News. 11 sentyabr 2007. 7 yanvar 2009 tarixində arxivləşdirilib.
- ↑ 1 2 Sela-Shayovitz, 2011
- ↑ "Homegrown neo-Nazis in the Jewish state". France24. 25 noyabr 2008. İstifadə tarixi: 18 iyun 2021.[daimi ölü keçid]
- ↑ "Neo-Nazis invade Israel". ABC News. 12 yanvar 2009. İstifadə tarixi: 18 iyun 2021.
- ↑ Israel's Neo Nazis. Journeyman Pictures. 2008.
- ↑ Urquhart, Conal. "Israeli neo-Nazi ring caught after attacks on synagogues". The Guardian (ingilis). 9 sentyabr 2007. ISSN 0261-3077. 1 sentyabr 2013 tarixində arxivləşdirilib. İstifadə tarixi: 16 fevral 2024.
- ↑ Conal Urquhart in Jerusalem. "Israeli neo-Nazi ring caught after attacks on synagogues". The Guardian. London. 10 sentyabr 2007. 1 sentyabr 2013 tarixində arxivləşdirilib.
- ↑ Mozgovaya_nwrote, Mozgovaya_n Mozgovaya_n. "מקור ההשראה: אתר נאו-נאצי רוסי, שהתמחה בהכאת דרי רחוב ועובדים זרים". mozgovaya-n.livejournal.com (ingilis). İstifadə tarixi: 15 yanvar 2025.
- ↑ 1 2 "אישום: כך פעל התא הניאו-נאצי". www.makorrishon.co.il. İstifadə tarixi: 15 yanvar 2025.
- ↑ Ben-Zur, Raanan. "Israeli neo-Nazis arrested - Israel Jewish Scene". Ynetnews. Ynetnews.com. 9 sentyabr 2007. 28 iyul 2012 tarixində arxivləşdirilib.
- ↑ Angela Balakrishnan and agencies. "Jewish youths jailed for neo-Nazi attacks in Israel". London: Guardian. 24 noyabr 2008. 4 sentyabr 2013 tarixində arxivləşdirilib.
- ↑ "Suspected Israeli neo-Nazi arrested at Ben-Gurion". The Jerusalem Post. 3 yanvar 2011. 24 iyun 2021 tarixində arxivləşdirilib. İstifadə tarixi: 18 iyun 2021.
- Sela-Shayovitz, Revital. "Neo-Nazis and moral panic: The emergence of neo-Nazi youth gangs in Israel". Crime, Media, Culture (ingilis). 7 (1). 1 aprel 2011: 67–82. doi:10.1177/1741659010393937. ISSN 1741-6590.