Patna(hind. पटना, urdu پٹنہ, ing. Patna) — Hindistanın şimal hissəsində yerləşən şəhərdir, Qanq çayı üzərində limanı olan və Bihar ştatının paytaxtıdır. Dünyanın fasiləsiz məskunlaşmış ən qədim yaşayış məntəqələrindən biri hesab olunur. Müasir Patna Qanq çayının cənub sahilində yerləşir; burada Qanq Qhaqhara, Son və Qandak çaylarının sularını birləşdirir. Əhalisi 2011-ci ilə görə 2 046 652 nəfərdir[5]. Şəhərin uzunluğu 25 km, eni isə 10 km-ə qədərdir. Tekstil və qida sənayesi, eləcə də sənətkarlıq sahələri inkişaf etmişdir. Şəhərdə universitet, şəhər tarixi muzeyi, incəsənət və arxeologiya muzeyi (Bihar Muzeyi) fəaliyyət göstərir.
| Patna | |
|---|---|
| पटना Pataliputra Pataligrama Kusumapura | |
 | |
| 25°36′36″ şm. e. 85°08′29″ ş. u. | |
| Ölkə | |
| Tarixi və coğrafiyası | |
| Sahəsi |
|
| Mərkəzin hündürlüyü | 58 ± 1 m[2] |
| Əhalisi | |
| Əhalisi |
|
| Rəsmi dili | |
| Rəqəmsal identifikatorlar | |
| Telefon kodu | +91 612 |
| Poçt indeksi | 800001[4] |
| Digər | |
| patna.nic.in | |
  Patna | |
 Vikianbarda əlaqəli mediafayllar | |
Qədim Patna — Pataliputra adı ilə tanınan, Nanda, Mauriya, Şunqa və Qupta[6] imperiyalarının paytaxtı olmuşdur və öz dövrünün möhtəşəm şəhəri sayılırdı. Şəhər Qanq və Son çaylarının qovuşduğu yerdə yerləşirdi. Pataliputra həmçinin təhsil və təsviri incəsənət sahəsində məşhur mərkəz idi. Mauryalar dövründə (təxminən e.ə. 300-cü illərdə) əhalisi 400 000 nəfərə yaxın idi. E.ə. IV əsrdə Yer üzünün ən böyük şəhəri olmuş, XV əsrdə Viçayanagarın yüksəlişinə qədər Hindistan yarımadasının və Cənubi Asiyanın ən böyük şəhəri olaraq qalmışdır.
Buddist, hindu və caynist zəvvarlar yaxınlıqda yerləşən Vaişali, Racgir, Nalanda, Bodh-Qaya və Pavapuri şəhərlərinə, eləcə də Patnaya üz tuturdular. Patna həmçinin sikhlər üçün müqəddəs şəhərdir, çünki burada sikhlərin onuncu və sonuncu gurusu Qobind Sinqh anadan olmuşdur. Şəhər bu bölgədə istənilən istiqamətə gedən yol üzərində ideal keçid məntəqəsi hesab olunurdu. Şəhərdə və onun ətrafında yerləşən qədim abidələr onun şöhrətli keçmişinin şahidləridir.
Ştat paytaxtı statusu və tarixi əhəmiyyətindən əlavə, Patna həm də iri təhsil və tibb mərkəzidir. Yerli əhali tərəfindən “Patna Siti” adlandırılan, divarlarla əhatə olunmuş köhnə şəhər hissəsi mühüm ticarət mərkəzi sayılır.
- ↑ Patna.
- ↑ Patna, Bihar, India.
- ↑ Patna City Census 2011 data.
- ↑ Pin Code.
- ↑ "Urban Agglomerations/Cities having population 1 lakh and above" (PDF) (ingilis). Provisional Population Totals, Census of India 2011. 13 noyabr 2011 tarixində arxivləşdirilib (PDF). İstifadə tarixi: 3 sentyabr 2012.
- ↑ В. Д. Гладкий. Паталипутра // Древний мир. Энциклопедический словарь в 2-х томах. — М.: Центрполиграф. 1998.