Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinPapilio glaucus — Yelkənqanadlılar fəsiləsinə aid kəpənək növü.
| Papilio glaucus | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Papilio glaucus |
||||||||||
| Beynəlxalq elmi adı | ||||||||||
| ||||||||||
Papilio glaucusun əsas yaşayış yerləri Şimali Amerika, xüsusilə ABŞ və Kanadanın şərq hissələridir.[3] Bu növ adını qanadlarında pələng naxışına bənzər sarı və qara zolaqların olmasından alır.
Papilio glaucus iri ölçüləri və parlaq rəngləri ilə tanınır. Yetkin fərdlərin qanad genişliyi 7,9 - 14 sm arasında dəyişir.
Erkəklər – Sarı fon üzərində qara zolaqlar olur. Alt qanadlarında göyümtül naxışlar və kiçik narıncı ləkələr var.
Dişilər – İki fərqli rəngdə ola bilirlər. Bəziləri erkəklər kimi sarı-qara rəngdə, digərləri isə tünd qara rəngdə olur. Qara formadakı dişilər
Pipevine Swallowtail (Battus philenor) kəpənəyinə bənzəyərək yırtıcılardan qorunmağa çalışır.[4]
Papilio glaucusun həyat dövrü dörd mərhələdən ibarətdir:[5]
- Yumurta – Yumurtalar əsasən qovaq, söyüd, çinar və şabalıd kimi ağacların yarpaqlarına qoyulur.
- Tırtıl (larva) – Gənc tırtıllar qəhvəyi rəngdə olur və quş nəcisini xatırladır, bu da onları yırtıcılardan qoruyur. Yetkin tırtıllar isə yaşıl rəngdədir və başlarında iri "göz" ləkələri olur.
- Pup (qurddan kəpənəyə keçid dövrü) – Pupalar yaşılımtıl və ya qəhvəyi rəngdə olur və ağacların gövdələrinə yapışaraq qış aylarını keçirlər.
Yetkin kəpənək – Bahar və yay aylarında yetkin fərdlər ortaya çıxır və çiçəklərin nektarı ilə qidalanır.
Bu kəpənəklər çiçəklərdən nektar toplayaraq bitkilərin tozlanmasında mühüm rol oynayırlar. Əsasən, süsənlər, yasəmən, zəncirotu, südotu, yonca kimi bitkiləri ziyarət edirlər.
Şimali Amerikanın şərqində geniş yayılmışdır və açıq meşələrdə, park və bağlarda asanlıqla müşahidə edilə bilər. Soyuq iqlimlərdə qış aylarını pupa mərhələsində keçirirlər.[6]
Bu növ geniş yayılmışdır və hal-hazırda qoruma altına ehtiyacı yoxdur. Lakin şəhərləşmə və təbii yaşayış mühitlərinin azalması, gələcəkdə bu növün populyasiyasına təsir göstərə bilər.[7]
-
Sarı rəngli dişi
-
Qara rəngli dişi -
- ↑ Integrated Taxonomic Information System (ing.). 1996.
- ↑ Linnaei C. Systema Naturae: Per Regna Tria Naturae, Secundum Classes, Ordines, Genera, Species, Cum Characteribus, Differentiis, Synonymis, Locis. Holmiae: Laurentii Salvii, 1758. C. 1. S. 460.
- ↑ Cech, Rick; Tudor, Guy. Butterflies of the East Coast. Princeton, NJ: Princeton University Press. 2005. səh. 64. ISBN 978-0-691-09055-9.
- ↑ "Alabama Official Mascot and Butterfly: Eastern Tiger Swallowtail", Official Symbols and Emblems of Alabama, Alabama Department of Archives and History, 24 dekabr 2018 tarixində orijinalından arxivləşdirilib, İstifadə tarixi: 7 may 2019
- ↑ "Papilio glaucus (Eastern Tiger Swallowtail)". zipcodezoo.com. İstifadə tarixi: 10 may 2013.
- ↑ Cavasin, Rick. "Eastern Tiger Swallowtail (Papilio glaucus)". Butterflies of Ontario. 2022. İstifadə tarixi: 7 oktyabr 2022.
- ↑ "Pterourus glaucus Eastern Tiger Swallowtail". NatureServe Explorer. NatureServe. 5 fevral 2021. İstifadə tarixi: 12 fevral 2021.
- Burnie, David; Wilson, Don E., redaktorlar Invertebrates // Animal The Definitive Visual Guide to the World's Wildlife. DK Publishing, Inc. 2001. səh. 571. ISBN 978-0-7894-7764-4.
- Bartlett, Troy; və b. "Species Papilio glaucus - Eastern Tiger Swallowtail". Bugguide. 16 fevral 2004.
- Layberry, Ross A.; Hall, Peter W.; Lafontaine, J. Donald. "Eastern Tiger Swallowtail". Butterflies of Canada. 2002.