Padalka simptomu — qarın yatalağı və paratif xəstəlikləri, yalançı vərəm, bağırsaq yersiniozu, bağırsaq vərəmi və kampilobakterioz üçün diaqnostik əhəmiyyəti olan klinik əlamət.
| Padalka simptomu | |
|---|---|
| XBT-10 | A |
Simptom ukraynalı infeksion xəstəliklər üzrə mütəxəssis, professor Boris Yakoviç Padalkanın şərəfinə adlandırılmışdır.[1] Alim bu əlaməti ilk dəfə qarın yatalağında təsvir etmişdir. Sonradan bəzi digər yoluxucu xəstəliklərdə də bənzər simptom aşkar edilmişdir.
Qarın yatalağının patogenezində salmonellalar nazik bağırsağın selikaltı limfa düyünlərində və Peyer yastıqcıqlarına daxil olaraq limfadenit törədir. Bağırsağın və müsariqənin limfa vəzlərində iri retikulyar tifoz hüceyrələr bir yerə toplanaraq tifoz qranulomalar əmələ gətirir. Nəticədə, palpasiya zamanı sağ qalça çuxuru ağrılı olur, qurultu və perkutor səsin kütləşməsi (qısalması) qeyd edilir. Sağlam qarının perkussiyası zamanı isə boşluq üzərində səs (timpanit) qeyd olunur. Bu simptom qarın yatalağının patoqnomonik deyil, dəstəkləyici diaqnostik əlamətlərinə aid edilir.[2]
Bəzi alimlər şigelloz zamanı sol qalça çuxurunda da Padalka sindromunun ola bildiyini qeyd edirlər.[3]
- Інфекційні хвороби (підручник) (red. О. А. Голубовської). — Kiyev: ВСВ «Медицина». — 2012. — S. 778 — 12 s. (О. А. Голубовська, М. А. Андрейчин, А. В. Шкурба və b.) ISBN 978-617-505-214-3.
- ↑ Падалка, Борис Якович. Брюшной тиф (rus). 1947. 212.
- ↑ Vəliyev, Ələsgər. İnfeksion xəstəliklər. Erkən difensial diaqnozu, müalicəsi (az.) (IV nəşr). Bakı: "Nasir" nəşriyyatı. 2009. 184–186.
- ↑ "Падалки симптом | это... Что такое Падалки симптом?". Словари и энциклопедии на Академике (rus). 2017-02-19 tarixində arxivləşdirilib. İstifadə tarixi: 2025-06-24.
Tibb haqqında olan bu məqalə bu məqalə qaralama halındadır. Məqaləni edərək Vikipediyanı zənginləşdirin. |