Osama Vinladen Ximenes Lopes (isp. Osama Vinladen Jiménez López; 7 oktyabr 2002[1]) — Peru futbolçusu, Peru Premyer Diviziyasında çıxış edən "Union Komersio" İK-nin yarımmüdafiəçisi.
| Osama Vinladen | |
|---|---|
| Ümumi məlumatlar | |
| Doğum tarixi | 7 oktyabr 2002[1] (22 yaş) |
| Vətəndaşlığı | |
Osama Vinladen Ximenes Lopes 7 oktyabr 2002-ci ildə Rioxada anadan olmuşdur. Vinladen 30 may 2018-ci ildə Peru Premyer Diviziyasında çıxış edən "Union Komersio" İK-nin heyətində "Universidad San-Martin" İK ilə matçda peşəkar səviyyədə debüt etmişdir. O, 87-ci dəqiqədə əvəzedici kimi meydana çıxmışdır və "Union Komersio" matçda 0–0 hesabla heç-heçə qalmışdır.[2]
Vinladen 2017 Cənubi Amerika U-15 Çempionatında iştirak edən Peru U-15 komandasının bir hissəsi idi.[3]
Vinladen Üsamə bin Ladenin adını daşıyır. Orfoqrafik fərq ispan dilində "b" və "v" hərflərinin tələffüzünün oxşarlığı ilə əlaqədardır.[4] Vinladenin İraq lideri Səddam Hüseynin şərəfinə adlandırılmış Sadam Huseyn adlı bir qardaşı var.[5] Bundan əlavə, atası üçüncü övladının adını Corc Buşun şərəfinə qoymağı planlaşdırmışdı, lakin qız olduğu üzə çıxdığına görə bundan imtina etmişdir.[6]
Vinladen qeyri-adi adı ilə bağlı bunları demişdir: "Peruda Hitler adlı bir şəxs də var. İsa dünyanı xilas etmişdi və zərər verən Xesuslar da var. İnsanları öldürən bir Üsamə olduğu üçün, məncə, ad haqqında qanunun olması lazım deyil. Bu, gördüklərimə görə çox diqqət çəkir".[4]
- ↑ 1 2 https://www.transfermarkt.pe/osama-jimenez/profil/spieler/667826.
- ↑ "Unión Comercio 0–0 Universidad San Martín". Soccerway. 2024-04-04 tarixində arxivləşdirilib. İstifadə tarixi: 2024-04-04.
- ↑ "Sudamericano Sub 15: Delegación Oficial" (ispan). Peruvian Football Federation. 2 November 2017. 30 June 2022 tarixində arxivləşdirilib. İstifadə tarixi: 4 April 2024.
- ↑ 1 2 Bednall, Jai. "Footballer forging career despite embarrassing name problem". News.com.au. 21 October 2020. 25 October 2020 tarixində arxivləşdirilib. İstifadə tarixi: 26 October 2020.
- ↑ "Osama Vinladen juega fútbol y es hermano de Sadam Huseín" [Osama Bin Laden plays football and is the brother of Saddam Hussein] (Spanish). Deutsche Welle. 22 October 2020. 23 October 2020 tarixində arxivləşdirilib. İstifadə tarixi: 26 October 2020.
- ↑ "Osama Vinladen juega fútbol y es hermano de Sadam Huseín – DW – 22/10/2020". dw.com (ispan). 2024-04-04 tarixində arxivləşdirilib. İstifadə tarixi: 2024-04-04.