Oruc Quliyev
Oruc Quliyev ( tam adı: Oruc İslam oğlu Quliyev; 25 fevral 1963, Cəbrayıl rayonu) — tarix elmləri üzrə fəlsəfə doktoru, Tərəqqi medalı mükafatçısı (2018),[1] ŞƏMS milli mükafatı laureatı (2019), AMEA Mərkəzi Elmi Kitabxanasının Rəqəmsallaşma, innovasiya və elektron xidmətlər üzrə direktor müavini.[2]
| Oruc Quliyev | |
|---|---|
| ORUC İSLAM OĞLU QULİYEV | |
 | |
| Doğum tarixi | |
| Doğum yeri | Cəbrayıl rayonu, Azərbaycan SSR, SSRİ |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Uşağı | 2 |
| Elm sahələri |
kitabxanaşünaslıq kitabşünaslıq |
| Elmi dərəcəsi | tarix elmləri üzrə fəlsəfə doktoru |
| İş yerləri | AMEA Mərkəzi Elmi Kitabxana (Rəqəmsallaşma, innovasiya və elektron xidmətlər üzrə direktor müavini) |
| Alma-mater | Azərbaycan Dövlət Universiteti |
| Təhsili | Bakı Dövlət Universiteti |
| Üzvlüyü |
Azərbaycan Kitabxanaçılar Cəmiyyəti Azərbaycan "kitabxana işinin inkişafı" Assosiasiyası |
| Mükafatları |
 Tərəqqi medalı[1] (2018)Yunus Əmrə İnstitutunun Fəxri Fərmanı (2018) ŞƏMS milli mükafatı (2019) |
Oruc Quliyev 25 fevral 1963-cü ildə Cəbrayıl rayonununda anadan olub. 1970-ci ildə Cəbrayıl rayonu kənd orta məktəbinin 1-ci sinfinə getmiş, 1980-ci ildə isə məktəbi bitirmişdir.
1989-ci ildə Bakı Dövlət Universitetinin Kitabxanaçılıq – informasiya fakültəsini fərqlənmə diplomu ilə bitirən Oruc Quliyev BDU-nun nəzdində ictimai peşələr fakültəsinin Jurnalistika ixtisasına da yiyələnib.[3]
1989-1992-ci illərdə Binəqədi rayonu, kütləvi kitabxanasında müdir vəzifəsində çalışan Oruc Quliyev, 1992-2018-ci illərdə Xətai rayon Mərkəzləşdirilmiş Kitabxana Sistemində direktor kimi fəaliyyət göstərib. 2018-2021-ci illərdə isə Respublika Gənclər Kitabxanasında direktor vəzifəsində çalışıb. 2019-cu ildən BDU-da müəllim kimi fəaliyyət göstərir. 2022-ci ildən 2024-cü ilin aprel ayının 22-nə kimi AMEA-nın Məhəmməd Füzuli adına Əlyazmalar İnstitutunun aparıcı elmi işçisi olub.[4]
2024-cü ilin aprel ayının 22-də Azərbaycan Milli Elmlər Akademiyasının Mərkəzi Elmi Kitabxanasının Rəqəmsallaşma, innovasiya və elektron xidmətlər üzrə direktor müavini vəzifəsinə təyin edilib.
2022-ci ildən AMEA M.Füzuli adına Əlyazmaları İnstitutunun elmlər doktoru hazırlığı üzrə doktorantıdır.
Oruc Quliyev evlidir və 2 övladı var.
2012-2016-cı illərdə AMEA Əlyazmalar İnstitutunun dissertantı olmuş Oruc Quliyev 2018-ci ildə "Müstəqillik illərində Azərbaycan Respublikasında şəhər əhalisinə kitabxana informasiya xidməti" mövzusunda dissertasiya müdafiə edərək tarix elmləri üzrə fəlsəfə doktoru elmi dərəcəsi almışdır.
O, 1 monoqrafiya, elektron kitabxana işinə dair 5 kitabın (dərslik və dərs vəsaiti), məqalələr toplusundan ibarət bir kitabın, xaricdə və ölkədə elmi jurnallarda müxtəlif dillərdə dərc olunan 20-dən artıq elmi məqalə və tezisin, çoxsaylı metodiki vəsait, biblioqrafiya, biblioqrafik vəsait, elektron baza, elmi rəy, informasiya bülleteni və s. müəllifi və layihə rəhbəridir.[3]
Beynəlxalq kitabxana-informasiya təşkilatı olan İFLA-nın 71-ci konfransında, Gürcüstanda (2001-ci il), Norveç (2005-ci il), Almaniyada (2018-ci il), Türkiyə (2019-cu il), Rusiyada (2009, 2019-cu illər) Beynəlxalq Konfranslarda məruzə ilə çıxış etmişdir.[3]
- "Kitabxana İnformasiya Sistemləri"- B.: "RS Poliqraf" nəşriyyatı.-2019.-296 s.
- "Kitabxana və İnformasiya Fəaliyyətində Rəqəmsal Marketinq" - B.: "Mütərcim" nəşriyyatı.-2021.-192 s.
- "Kitabxanalarda İnformasiya Texnologiyaları" - B.: "Mütərcim" nəşriyyatı.-2020.-256 s.
- "Kitabxanalarda İnternet Forumlarının Keçirilməsinin Metodikası" - B.: "Mütərcim" nəşriyyatı.-2019.-120 s.
- "Elektron Kitabxanalar” - B.: "MTM-İnnovation"nəşriyyatı.-2018.-300 s.
- "Azərbaycanda Şəhər Əhalisinə Kitabxana-İnformasiya Xidməti"- B.: "Mütərcim" nəşriyyatı.-2018.-208 s.
- "Qələbə Diplomatiyası" - B.: "Nurlan" nəşriyyatı.-2009.-208 s.
- "Biblioqrafiya Cəfər Cabbarlı 120" - B.: "Mütərcim" nəşriyyatı.-2020.-592 s.
Oruc Quliyev 30-dan artıq elmi məqalənin müəllifidir. Onlardan bəzilərinin adları aşağıda qeyd olunmuşdur:
- Müasir informasiyalaşdırma cəmiyyətində elektron kataloqun tətbiqinin əhəmiyyəti[5]
- ПРОБЛЕМА СОЗДАНИЯ ЭЛЕКТРОННЫХ КАТАЛОГОВ В БИБЛИОТЕКАХ АЗЕРБАЙДЖАНСКОЙ РЕСПУБЛИКИ В СОВРЕМЕННОМ ИНФОРМАЦИОННОМ ОБЩЕСТВЕ[6]
- Bakı şəhərində elmi müəssisə kitabxanalarının yerləşməsi vəziyyəti
- Azərbaycan Respublikasının Bakı, Gəncə, Naxçıvan şəhər əhalisinin kitabxana-informasiya təminatı sisteminin infrastrukturu
- İnformasiyalaşdırma cəmiyyətində Azərbaycan Respublikası kitabxanalarında elektron kataloqun yaradılmasının bəzi məsələləri.[7]
- Bakı şəhərində kitabxana resurslarının yerləşməsi və onun kadr təminatının müasir vəziyyəti
- Naxçıvan şəhər əhalisinin kitabxana-informasiya təminatı sistemi
- Kitabxanaların sosial şəbəkələrdə fəaliyyəti və innovasiyalar [8]
- Kitabxana resurslarının istifadəsində müəlliflik hüquqları problemi[9]
- Creation and formation of information resources for children[10]
- Місце документа та його класифікація у соціальній інформаційно-комунікаційній системі[10]
- MAIN DIRECTIONS OF CREATION OF ELECTRONIC CATALOGUES IN LIBRARIES IN THE INFORMATION SOCIETY[10]
- 2018-ci il dekabrın 4-də Azərbaycan Respublikası Prezidentinin Sərəncamına əsasən – Tərəqqi medalı ilə təltif olunub.[1]
- 2016-cı ildə Yeni Azərbaycan Partiyasının Fəxri Fərmanı ilə təltif olunub.[3]
- 2018-ci il dekabrın 5-də Mədəniyyət İşçiləri Həmkarlar İttifaqı Respublika Komitəsinin Fəxri Fərmanı ilə təltif olunub.[4]
- 2018-ci il ildə Yunus Əmrə İnstitutunun Fəxri Fərmanı ilə təltif olunub.
- 2019-cü ildə "Emedia Group" tərəfindən ŞƏMS milli mükafatına layiq görülüb.[4]
- ↑ 1 2 3 "Cəfər Cabbarlı adına Respublika Gənclər Kitabxanasının əməkdaşlarının "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı" (az.). https://president.az. Archived from the original on 2025-01-22. İstifadə tarixi: 22 yan 2025.
- ↑ "MEK-in direktor müavini kollektivə təqdim edilib" (az.). https://science.gov.az. 22.04.2024. 22 yan 2025 tarixində arxivləşdirilib. İstifadə tarixi: 22 yan 2025.
- ↑ 1 2 3 4 "ORUC İSLAM OĞLU QULİYEV" (az.). http://mek.az. Archived from the original on 2025-01-22. İstifadə tarixi: 22 yan 2025.
- ↑ 1 2 3 "Quliyev Oruc İslam oğlu" (az.). https://science.gov.az. Archived from the original on 22 January 2025. İstifadə tarixi: 22 yan 2025.
- ↑ Quliyev, Oruc. "MÜASİR İNFORMASİYALAŞDIRMA CƏMİYYƏTİNDƏ ELEKTRON KATALOQUN TƏTBİQİNİN ƏHƏMİYYƏTİ" (PDF). KİTABXANAŞÜNASLIQ VƏ BİBLİOQRAFİYA. Bakı. № 2. 2008: 119-124. 11 Mar 2025 tarixində arxivləşdirilib (PDF). İstifadə tarixi: 11 Mar 2025.
- ↑ Кулиев, Орудж. "ПРОБЛЕМА СОЗДАНИЯ ЭЛЕКТРОННЫХ КАТАЛОГОВ В БИБЛИОТЕКАХ АЗЕРБАЙДЖАНСКОЙ РЕСПУБЛИКИ В СОВРЕМЕННОМ ИНФОРМАЦИОННОМ ОБЩЕСТВЕ" (PDF). «Гуманитарный трактат» (elmi jurnal). 17 июля 2017: 27-32. ISSN 2500-1140. 14 Mar 2025 tarixində arxivləşdirilib (PDF). İstifadə tarixi: 14 Mar 2025.
- ↑ Quliyev, Oruc. "İNFORMASİYALAŞDIRMA CƏMİYYƏTİNDƏ AZƏRBAYCAN RESPUBLİKASI KİTABXANALARINDA ELEKTRON KATALOQUN YARADILMASININ BƏZİ MƏSƏLƏLƏRİ" (PDF). KİTABXANAŞÜNASLIQ VƏ BİBLİOQRAFİYA. Bakı. № 1. 2017: 61-75. ISSN 2079-4150. 10 Mar 2025 tarixində arxivləşdirilib (PDF). İstifadə tarixi: 10 Mar 2025.
- ↑ Oruc Quliyev. Kitabxanaların Sosial Şəbəkələrdə Fəaliyyəti və İnnovasiyalar. (Elmi-Nəzəri və Praktik Jurnal) (azərbaycan, rus, və ingilis). № 1. Bakı. 2020. ISSN 2219-5882.
- ↑ Oruc Quliyev. KİTABXANA RESURSLARININ İSTİFADƏSİNDƏ MÜƏLLİFLİK HÜQUQLARI PROBLEMİ. (elmi-nəzəri və təcrübi jurnal). Cəfər Cabbarlı adına Respublika Gənclər Kitabxanası. № 1. Bakı. 2021. S. 7–18.
- ↑ 1 2 3 "Oruc Quliyev" (ingilis). https://scholar.google.com. 10 mar 2025 tarixində arxivləşdirilib. İstifadə tarixi: 10 mar 2025.
- "Cəfər Cabbarlı adına Respublika Gənclər Kitabxanasının 90 illiyi qeyd olundu" (az.). https://yasamal-ih.gov.az. 05 dek 2018. İstifadə tarixi: 24 yan 2025.
- "Bakıda kitabxana rəhbərləri və alimlərin beynəlxalq fondun rəhbəri ilə görüşü keçirilib" (az.). 26 dek2024. 24 Jan 2025 tarixində arxivləşdirilib. İstifadə tarixi: 24 yan 2025.