Rzalı Oqtay Məhərrəm oğlu (Oqtay Rza) — azərbaycanlı şair, 1981-ci ildan Azərbaycan Yazıçılar Birliyinin üzvü. Azərbaycan Respublikasının əməkdar müəllimi (2012) , "Mikayıl Müşfiq" və "Qızıl qələm" mükafatları laureatı.
| Oqtay Rza | |
|---|---|
| Oqtay Məhərrəm oğlu Rzalı | |
 | |
| Doğum adı | Oqtay Rzalı |
| Doğum tarixi | |
| Doğum yeri | Qalalı, Salyan rayonu |
| Vəfat tarixi | (84 yaşında) |
| Vəfat yeri | Bakı, Azərbaycan |
| Fəaliyyəti | alim |
| Mükafatları |
 |
Oqtay Rza 1934-cü il noyabrın 2-də Azərbaycanın Salyan rayonunun Qalalı kəndində anadan olmuşdur. Arbatan kənd yeddiillik məktəbini bitirib Salyan şəhərindəki Nizami adına orta məktəbdə təhsilini davam etdirmişdir (1948-1951). Azərbaycan Sənaye İnstitutunun geoloji-kəşfıyyat fakültəsini fərqlənmə diplomu ilə bitirib geoloq ixtisası almışdır (1951-1956). Əmək fəaliyyətinə Bayıldakı Neft və Qazçıxarma İdarəsinin 5 saylı mədənində başlamışdır: operator, baş operator, neftçıxarma ustası olmuşdur (1956-1961). Elmi-tədqiqat işi müdafiə edib geologiya-mineralogiya elmləri namizədi alimlik dərəcəsi almışdır. Azərbaycan KP MK yanında ikiillik marksizm-leninizm universitetini fərqlənmə diplomu ilə bitirmişdir (1980). N.Tusi adına APİ-nin ümumi coğrafıya kafedrasında müəllim, baş müəllim (1966-1969), hazırda isə dosent işləyir (1971-cı ildən). Bakı Sovetinin deputatı seçilmişdir (1959-1960).
1961-ci ilin noyabr-dekabr aylarında Ümumdünya Həmkarlar İttifaqları Təşkilatının Moskvada keçirilən 5-ci konqresində sovet nümayəndə heyətinin tərkibində iştirak etmişdir.
"Bir may" adlı ilk şerini yeddiillik məktəbdə oxuyarkən yazıb "Sosializm yolu" rayon qəzetində dərc etdirmişdir. Həmin vaxtdan poetik yaradıcılıqla müntəzəm məşğul olur, bədii tərcümələr də edir. Dünya xalqlarının ədəbiyyatından tərcümələri dövri mətbuatda müntəzəm çap olunur.
Əsərləri xarici mətbuatda dərc edilmişdir. "Kamennıy Svetilnik" şerlər toplusu 1987-ci ildə Moskvada kütləvi tirajla buraxılmışdır.
18 aprel 2012-ci ildə Azərbaycan Respublikasının Prezidenti İlham Əliyev tərəfindən Azərbaycanda təhsilin inkişafındakı xidmətlərinə görə “Əməkdar Müəllim” fəxri adına layiq görülüb.
- Torpağı dinləyirəm. Bakı: Gənclik, 1970, 24 səh.
- Ürəyimi oxuyun. Bakı: Gənclik, 1975, 80 səh.
- Hara gedirəmsə. Bakı: Gənclik, 1980, 66 səh.
- Yasəmən çiçəkləyəndə. Bakı: Yazıçı, 1981, 90 səh.
- Daş çırağın işığında. Bakı: Gənclik, 1983, 168 səh.
- Fəsil dəyişəndə. Bakı: Yazıçı, 1986, 112 səh.
- Günəşin adından. Bakı: Yazıçı, 1991, 140 səh.
- Vətən, yas saxlama. Bakı: Şur, 1993, 32 səh.
- Adlı, ünvanlı misralar. Bakı: Azərnəşr, 1999, 334 səh.
- Seçilmiş sətirlərim. Bakı: Azərnəşr, 2001, 264 səh.
- Dördlüklər. Bakı: Gənclik, 2004, 200 səh.
- "Rübai karvanı - dördlük çələngi". Bakı: Yazıçı, 2011. 188 səh.
- ↑ Kulis. "Oqtay Rza vəfat etdi" (az.). Kulis. 18.08.2019. 2020-09-20 tarixində arxivləşdirilib. İstifadə tarixi: 2019-08-18.
- Oqtay Rza Arxivləşdirilib 2013-07-05 at the Wayback Machine
- [1] Arxivləşdirilib 2016-03-05 at the Wayback Machine
- [2][ölü keçid]