Opera meydanı — Ankaranın Altındağ ilçəsində yerləşən bir şəhər meydanıdır. Atatürk bulvarı üzərində, Sıhhiyə və Ulus meydanlarından eyni məsafədə yerləşir. Bir vaxtlar çoxsaylı fabrikləri, emalatxanaları və istehsal müəssisələri sayəsində şəhərin sənaye mərkəzlərindən biri olan meydan[1], son illərdə, əsasən Gençlik parkı, PTT Marka Muzeyi, Melike Xatun Məscidi və digər tarixi binaları sayəsində turistik bir məkana çevrilib. Həmçinin, bir neçə nəqliyyat arteriyasının kəsişmə nöqtəsidir.
| Opera meydanı | |
|---|---|
 | |
| Ümumi məlumatlar | |
| Ölkə | |
| Şəhər | Altındağ ilçəsi, Ankara |
İncesu çayının fəth edilib asfaltlanmasından əvvəl, ölümə yaxınlaşan yaşlı atların sərbəst buraxılıb gəzdiyi, bataqlıq və çəmənliyin qarışığı bir ərazidə yerləşən meydan əvvəlcə Hergele Meydanı adlanırdı. Şəhərlərarası avtobus dayanacaqlarının yazıxanaları bu meydana köçürüldükdən sonra adı dəyişikliyə uğrayaraq "hər kəsin gəldiyi yer" mənasını verən Hergelen Meydanı kimi deyilməyə başlanmışdır[2]. Cümhuriyyətin ilk illərində Ankara Yanğından Mühafizə İdarəsi orada yerləşdiyi üçün meydan Yanğından Mühafizə Meydanı (İtfaiye Meydanı) adlandırıldı[3]. İndi onun cənub-qərb ucunda yerləşən Opera səhnəsinin açılışı ilə Opera meydanı kimi tanındı[4].
1923-cü ildə Cümhuriyyətin elan edilməsi ilə Ankara sürətli ictimai inkişaf dövrünə qədəm qoydu və 1950-ci illərin əvvəllərinə qədər tək mərkəzli bir şəhər kimi inkişaf etdi. Bu dövrdə şəhərin bütün əyləncə və mədəniyyət məkanları, ictimai binaları, bankları və yaşayış obyektləri indiki Ulus rayonunun sərhədləri daxilində inşa edildi. Gənc respublikanın paytaxtı olmaqla yanaşı, digər şəhərlər üçün nümunə olmaq məqsədi ilə tikinti işlərinin çox planlı və nizamlı şəkildə aparıldığı və bu məsələnin zamanla ideologiyaya çevrildiyi Ankarada müvafiq olaraq Lörcher və Yansen Planları həyata keçirildi. Bu planlarda şəhəri arteriya kimi uzun bir xətt boyunca ikiyə bölən Atatürk bulvarı üzərində başda Hakimiyyət-i Milliye Meydanı olmaqla ardınca Sıhhiyə, Zəfər və Cümhuriyyət Meydanlarından ibarət dörd əsas nöqtə nəzərdə tuturdu. Lakin, bu planlara daxil olmayan Opera Meydanının ərsəyə gəlməsi planlaşdırılmış deyil, təsadüfi idi[5][6].
1930-cu illərdən etibarən, təxminən Sıhhiyə ərazisinə uyğun gələn, Yeni Şəhər kimi adlandırılan ərazi, Ulusun "tək mərkəz" statusunu əlindən almağa başladı. Alternativ əyləncə məkanlarının, bulvar kafeləri kimi tanınan yeni şirniyyat dükanlarının və restoranların açılması ilə əhali sıxlığı bu xətt üzrə cənuba doğru dəyişdi. II Evkaf Binasının yenilənərək Kiçik Teatra çevrilməsi, Opera Səhnəsinin (əvvəllər Sərgi Evi kimi tanınırdı) tikintisi və nəhayət, erkən respublika dövrünün ən böyük simvollarından biri olan Gençlik Parkının bərpası ilə Ulus və Sıhhiyə arasında bir ara mərkəz yarandı. Bir çox mədəni binaya ev sahibliyi etdiyi üçün bir dövrün incəsənət mərkəzinə çevrilən bu yer indi Opera Meydanı kimi tanınır[5].
- ↑ (PDF). Ankara https://www.aso.org.tr/kurumsal/media/kaynak/TUR/yayinlarimiz/ASOKITAP2013.pdf (#bare_url_missing_title).
- ↑ (PDF) http://tdk.gov.tr/wp-content/uploads/2018/02/5_Nevzat-G%C3%96ZAYDIN-.pdf (#bare_url_missing_title). (#first_missing_last)[ölü keçid]
- ↑ (PDF) http://www.yangin.org/dosyalar/bir_itfaiye_duayeni_baki_akansel.pdf (#bare_url_missing_title). (#first_missing_last)[ölü keçid]
- ↑ (#empty_citation)
- ↑ 1 2 (PDF) http://tucaum.ankara.edu.tr/wp-content/uploads/sites/280/2015/08/semp7_30.pdf (#bare_url_missing_title). (#first_missing_last)
- ↑ (PDF). ISSN 1307-9905 http://static.dergipark.org.tr/article-download/eda3/663b/4157/5ae5c9b607230.pdf? (#bare_url_missing_title). (#first_missing_last)[ölü keçid]