Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinOoyamatsumi (大山祇?) — şintoizmdə dağlar, dəniz və müharibə kamisi. O, yapon tanrıları İzanaqi və İzanaminin oğlu, günəş tanrıçası Amaterasunun böyük qardaşı və Fuci dağının tanrıçası Konohanasakuya-himenin, həmçinin Niniqi no Mikotonun həyat yoldaşının atasıdır.[1] Ooyamatsumi dağların, dənizlərin və müharibələrin mühüm tanrısı hesab olunur. Onun ən önəmli müqəddəs məbədi Ooyamazumi-cinca Miyaura qəsəbəsində, Ehime prefekturasına aid İmabari şəhərində yerləşir.
| Ooyamatsimu | |
|---|---|
 | |
| Təsir sahəsi | dağ |
| Cinsi | kişi[d] |
| Atası | İzanaqi |
| Anası | İzanami |
| Uşaqları | |
 Vikianbarda əlaqəli mediafayllar | |
Dağ tanrısı (yap. 山の神, hərf. "yamanokami") kimi hörmət edilən Ooyamatsuminin şərəfinə Fukuoka prefekturasının Asakura şəhərində hər il dekabrın 2-si "Aşiroy festivalı" (yap. おしろい祭り) keçirilir. Festival zamanı oşinoy (yap. 白粉) — yəni ağ pudra, yeni məhsuldan əldə edilmiş düyüdən hazırlanır, toz halına salınır və böyük qaba su ilə qarışdırılır. Bu mərasim yerli Ooyamatsumi-cincada keçirilir və yeni məhsula görə təşəkkür, gələn il üçün bol məhsul dilənilir. Əvvəlcə pudra məbəddəki baş keşişin üzünə çəkilir, sonra isə digər iştirakçılara da tətbiq olunur. Üzə çəkilən pudranın naxışından gələn il məhsulun bolluğu barədə proqnoz verilir. Pudranın evə qayıdana qədər yuyulmaması tövsiyə olunur. Həmçinin deyilir ki, oşinoy pudrasını yeməyə əlavə etmək və mal-qaraya — inək, at və digər iş heyvanlarına vermək faydalıdır.[2]
- ↑ Nihongi: Chronicles of Japan from the Earliest Times to A.D. 697. II. Tuttle Publishing. translated from the original Chinese and Japanese by William George Aston. 2005. 71. ISBN 978-0-8048-3674-6.
- ↑ "おしろい祭り" (yapon). Asakura City. 21 mart 2019 tarixində arxivləşdirilib. İstifadə tarixi: 9 iyul 2019.