Oliviya Kielbasa (pol. Oliwia Kiołbasa; 26 aprel 2000) — Polşa şahmatçısı, Qadınlar arasında Beynəlxalq dərəcəli Usta (2016),[5] Qadınlar arasında Şahmat üzrə Avropa Çempionatının bürünc (2021) və gümüş (2023) mükafatçısı.
 Oliviya Kielbasa | |
|---|---|
 | |
| Ölkə | |
| Doğum tarixi | 26 aprel 2000 (25 yaş) |
| Titulu | |
| Son reytinqi |
|
| FİDE nömrəsi | 1154613 |
 Vikianbarda əlaqəli mediafayllar | |
Oliviya Kielbasa Polşanın Auqustov şəhərində anadan olub. Şahmatla 5 yaşından maraqlanmağa başlayıb. Oliviya müxtəlif yaş qruplarında gənclər arasında Polşa şahmat çempionatının dəfələrlə qalibi olub. 2008-ci ildə 8 yaşa qədər qızlar arasında Polşa çempionatında ikinci olub, 2010-cu ildə 10 yaşadək qızlar arasında Polşa şahmat çempionatında birinci yeri tutub. 2011-ci ildə 12 yaşa qədər qızlar arasında Polşa çempionatında bürünc medal qazanıb. 2012-ci ildə o, U12 yaş qrupunda qızlar arasında şahmat üzrə Polşa çempionatında gümüş medal əldə edib. 2013-cü ildə 16 yaşa qədər qızlar arasında Polşa çempionatında bürünc medal qazanıb. 2015-ci ildə 18 yaşadək qızlar arasında Polşa şahmat çempionatının qalibi olub.[6]
Gənclər arasında keçirilən beynəlxalq şahmat turnirlərində ölkəsini uğurla təmsil edib. 2010-cu ildə Batumidə 10 yaşa qədər qızlar arasında gənclər arasında şahmat üzrə Avropa çempionatının qalibi olub və bu uğuruna görə FİDE Qadın Ustası (WFM) adını alıb. 2011-ci ildə 12 yaşadək qızlar arasında şahmat üzrə gənclər arasında Avropa çempionatının gümüş medalını qazanıb. 2014-cü ildə Durbanda o, kanadalı şahmatçı Qiyu Çjou ilə gənclər arasında şahmat üzrə dünya çempionatında qızlar arasında U14 yaş qrupunda birinci yeri bölüşüb və yalnız əlavə göstəricilərdən sonra ikinci yeri tutub.[7] 2016-cı ilin yanvarında Oliviya Kielbasa Krakoviya Beynəlxalq Qadınlar Şahmat Turnirinin qalibi olub və ilk qrossmeyster normasını yerinə yetirib. 2018-ci ilin avqustunda Riqada U18 yaş qrupunda qızlar arasında keçirilən yeniyetmələrin şahmat üzrə Avropa çempionatında 2-ci yeri tutub.[8]
Oliviya Kielbasa 2021-ci ilin avqustunda Yassıda keçirilən qadınlar arasında şahmat üzrə Avropa çempionatında 3-cü yeri tutub.[9]
Polşa komandasını əsas komanda şahmat turnirlərində təmsil edib:
- 2013-cü ildə Şahmat üzrə Milli Komandaların Avropa çempionatıda iştirakçı olub;
- Üç dəfə (2015-2017) 18 yaşadək qızlar arasında şahmat üzrə Avropa komanda çempionatında iştirak edib. Komanda yarışında o, qızıl (2017) və 2 gümüş (2015, 2016) medal qazanıb. Fərdi yarışda Oliviya Kielbasa 2 bürünc (2015, 2016) medal əldə edib.[10]
- ↑ 1 2 3 Kiolbasa, Oliwia (ing.).
- ↑ 1 2 FIDE Ratings and Statistics (ing.).
- ↑ https://ratings.fide.com/title_applications.phtml?pb=68.
- ↑ FİDE FIDE Standard Ratings as of 30 jun 2024. 2024.
- ↑ "1st quarter Presidential Board Meeting 2016, 27-30 March, Moscow, Russia". 2021-08-24 tarixində arxivləşdirilib. İstifadə tarixi: 2021-08-24.
- ↑ "Mistrzostwa Polski Juniorek do 18 lat". 2015-04-02 tarixində arxivləşdirilib. İstifadə tarixi: 2021-08-24.
- ↑ "World Youth Chess Championships 2014 u14 Girls". 2021-08-24 tarixində arxivləşdirilib. İstifadə tarixi: 2021-08-24.
- ↑ "European Youth Chess Championship G-18 - 2018". 2018-09-10 tarixində arxivləşdirilib. İstifadə tarixi: 2021-08-24.
- ↑ "EUROPEAN INDIVIDUAL WOMEN'S CHESS CHAMPIONSHIP 2021". 2021-08-22 tarixində arxivləşdirilib. İstifadə tarixi: 2021-08-24.
- ↑ "OlimpBase :: European Girls' U18 Team Chess Championship :: Oliwia Kiołbasa". 2021-08-24 tarixində arxivləşdirilib. İstifadə tarixi: 2021-08-24.