Novruz Novruzlu (12 may 1960, Ordubad – 20 noyabr 2018, Bakı) — müğənni, aktyor, Savalan qrupunun bədii rəhbəri və Akademik Opera və Balet Teatrının solisti.
| Novruz Novruzlu | |
|---|---|
 | |
| Ümumi məlumatlar | |
| Doğum tarixi | |
| Doğum yeri | Ordubad |
| Vəfat tarixi | (58 yaşında) |
| Vəfat yeri | Bakı |
| Dəfn yeri | |
| Vətəndaşlığı |
 Azərbaycan |
| Musiqiçi məlumatları | |
| Fəaliyyəti | Müğənni, aktyor |
Novruz Novruzlu 12 may 1960-cı ildə Ordubad şəhərində anadan olub. 5 yaşında ikən atasını itirib. Orta məktəbdə oxuduğu müddətdə musiqi ilə bağlı bütün tədbirlərdə çıxış edib. Orta məktəbi bitirdikdən sonra İncəsənət Universitetinin musiqili-komediya aktyorluğu fakültəsinə daxil olub. Universitetdə oxuduğu illərdə bir çox müsabiqələrdə uğurlu çıxışları olub. Oxuduğu müddətdə "Ulduz" tamaşasında Zəfər, "Arşın mal alan"da Əsgər, "O olmasın, bu olsun" tamaşasında Sərvər rollarını ifa edib. Bir müddət "Şərq ansamblı"nda solist kimi fəaliyyət göstərib. Universiteti bitirdikdən sonra Firudun Mehdiyevin səhnələşdirdiyi "O olmasın, bu olsun" tamaşasında Əsgər rolunu ifa edib[1]. Ömrünün sonunadək Akademik Opera və Balet Teatrında solist kimi fəaliyyət göstərib. 20 yanvar faciəsi baş verdikdən sonra dostları ilə birgə Savalan qrupunu yaradıb. Qrup olaraq daha çox dini mistik vətənpərvər musiqilər ifa ediblər[2].
|
Millətin dərdinə qoşulduq. Bu, bütün millətimizin kədəri idi. Qrupun yaranmasının səbəbkarı məndən çox, İshaq Ozanoğlu oldu. Hazırda Almaniyada yaşayır. İshaq gedəndən sonra irəlidə mən oldum. Mən vokal şöbəsini bitirmişəm. Çox gözəl italyan mahnıları oxuyurdum. 20 Yanvardan sonra millətin halı, şəhidlərin olması təsir etdi. Gördük ki, elə musiqi çox yad, ağır gəlir. Fəxrəddin Salim saz, Cavad ney çalırdı. Həlimə Sultan isə şeir deyirdi, mən də mızıldanırdım. Dəqiq bir şey də yox idi. Belə-belə qrup yarandı. İçimizin o vaxtkı halını, hayqırtısını bu yolla ifa edirdik. Bu qrupda maaş, pul yoxdur. Mən iki yerdə- Opera və Balet teatrında və İRS Folklor Ansamblında solist kimi çalışıram. Qrupun digər üzvləri də iki-üç yerdə işləyirlər. Digər işlərimə baxmayaraq, mən özümü bütün varlığımla bu qrupda hiss edirəm. Qrupda özüm oluram.[3] | 
|
20 noyabr 2018-ci ildə ürək tutmasından vəfat edib. Xırdalan qəbiristanlığında dəfn olunub.[4][5]
- Qüdsi (film, 2007) — Aktyor
- ↑ "Azərbaycan mədəniyyətinə ağır itki üz verib". 2021-08-03 tarixində arxivləşdirilib. İstifadə tarixi: 2018-11-20.
- ↑ "Savalan qrupu". 2020-02-17 tarixində arxivləşdirilib. İstifadə tarixi: 2018-11-20.
- ↑ Novruz Novruzlu ilə müsahibə [ölü keçid]
- ↑ "Novruz Novruzlunun ölüm səbəbi". 2021-08-05 tarixində arxivləşdirilib. İstifadə tarixi: 2018-11-20.
- ↑ "Novruz Novruzlu vəfat etdi". 2021-07-24 tarixində arxivləşdirilib. İstifadə tarixi: 2018-11-20.